عندي في الدينالي لمبة الكفرات دايم تولع

الله العالم ان الحساس داخل الكفر يبيله وزن لا ن كل كفر جواتوه حساس لا اختل توازن الهواء ولعت اللمبه البرتقاليه انا ركبت في اليوكون حقي كفرات جديده يوم خلص مركبهن لقيت اللمبه مولعه رجعت لمه وكلمته علشان اللمبه فك الكفر وحرك الحساس بيده وطفت اللمبه والحساس كبر اصبعك الصغير تقريبا عا د اي كفر الله العالم واسف على القصور

اتبع الكاتالوج وبتحصل حل بإذن الله وسهل جدآ

انته مغير الجنوط ؟

تسلمو وربي يجزاكم خير ، لاماغيرت الجنوط طيب مافية طريقة الغلي الجهاز كله ماابغاه وربي طفشني

إذا تبغى تلغي هالشئ فك الحساسات من الجنوط..سهلة جداً هي عبارة عن سلك معدني فيه قطعة بلاستيكية ملفوفة على الجنط من الداخل

تذكرت شئ .. إذا عدلت ضغط الهواء أو حتى شلت الحساسات غالباً ماتروح اللمبة إلا إذا فصلت البطارية.

شف وأنا أخوك
لا تفك الحساس ولا تلغي الميزة 
صدقني وجودها مهم ويسهم في أنقاذ الأرواح بأذن الله تعالى 
حل المشكلة افتح باب السواق وشف البليتة حقت رقم الهيكل 
تحصل فيها مقاس الأطار 
وتحصل الحد الأدنى أو الطبيعي لضغط الهواء بالإطار مثال 32-35
أو 35-40 لا يقل عنها 
أضبط هواء الإطارات الأربعة جميعها وبعدين خذلك لفه بالشوارع لمسافة تقريبا من 4-10 كم وتغلق الأشارة بأذن الله
أذا لم يفلح كل هذا أذهب للوكيل وبجهاز الكنسلت يطفيها وأنت واقف .

تسلمو بس عندي في العداد كفر يمين 000 وكفر يسار00 كلهن اصفار وعجزت احط رقم او عادي هو كذا واسف ياخوان وربي منحرج لكن من فك كربة لااخية فك الله عنه كربه يوم القيامة وربي يجزاكم خير

اخي ناظر الاصقة في الباب من 32 الى 35 ورحت وحطيت في الكفرات 35 وفصلت الاصبع البطارية خمس دقائق حين مشيت ولعت المبة قسم ودي احرق في هذه المبة

حبيبي عند اقرب بنشر فك البلف مع الحساس وارجع ركبه مره ثانيه وعب الهواء على ٤٠ وتوكل على الله أنا حصلت معي وسويت هالطريقة وطلعت تمام 

طريقة برمجة حساسات الكفرات ولا يحتاج ترووح الوكاله ...

الطريقة ...


1- القير يكون في n

2 - ترص على الزرين في الريموت اللي يفتح الأبواب مع اللي يقفلها راح تسمع البوري ...

3- اول ما تسمع البوري ابدأ في الكفر الأمامي الأيسر اللي عند السواق ... طبعا تنسمه او تنفخه لين تسمع البوري ..

وبعدها باقي الكفرات على شكل عقارب الساعه يعني تبدأ من الأمامي الأيسر بعده الأمامي الأيمن وبعده الخلفي الأيمن واخيراً الخلفي الأيسر

ونفس الشي لازم تسمع البوري اربع مرات مره من كل كفر ...

اللمبه راح تظل شغال معاك بس انت عشق القير للـd واتوكل على الله وامش اذا كملت 3 الى 4 كيلو ما طفت اللمبه كل اللي عليك وقتها انك توقف وتطفي السياره وتشغلها ....


الطريقة مضمونه ومجربة

اسال الله رب العرش العظيم ان يغفر لكم ووالديكم وذريتكم ويرزقكم من فضله ،

الله يجزاكم كل خير ويرزقكم على قد النية
اعتذر من صاحب السؤال لان الهم والمشكلة وحدة فدخلت عرض يوم شفت الردود لان عندي نفس المشكلة لكن ماهي لمبة!!! الا جهاز وفيه صوت يصدع الراس ويحفره حفر .... لكن سيارتي جيب جي اكس آر 2004 وسؤالي هل الطرق للبرمجة وخاصة طريقة اخوي ana7r تنفع مع اللاند كروزر؟
افيدونا جزاكم الله خير او قولو مالها علاج إلا الكوي لان شكلي بأملخ الجهاز وسماعاته وارتاح
للترجمة : أملخ = خلع للشئ مع الخوابير باستخدام عجره وبالقوة المفرطه

السلام عليكم اخواني تصدقون ماحصلت مركب فيه حساسات في الكفرات مفكوكه كيف تشتغل المبة؟ لكن ابي اركب حساسات حول الف ريال عساه ينظبط وكثرالله خيركم