أضف سؤال أو موضوع جديد          

من المفيد قرائه القرآن اثناء السفر والقياده بشكل عام

up 15 down 11
xxx9 32
قبل 7 سنه و 7 شهر



وأفضل مايمكن قرائته هو الفاتحه وقل أعوذ برب الفلق وقل أعوذ برب الناس وقل هو الله احد
ومن المفيد أيضاً قرائه الاحاديث الخاص بالسفر او ركوب الدابه حيث تكون هي بعد الله حرز لك من شر ذي شر
والله يوفق الجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب وين الموضوع ؟؟؟ !!! 

طيب وش الهدف .... ؟ 

وبعدين من راقب الناس مات همآ 


up 5 down 10
الصخيبري 394
قبل 7 سنه و 7 شهر



يااخوي معاك في ان هذه تصرفات سلبيه وغير محببه انك تشوفها في الشوارع....لكن ياخوي

العزيز كل واحد من حقه يعبر عن نفسه بطريقته الخاصه .... سوان في السياره او غيرها ....

انا ماأييد اي شي من اللي ذكرته ...لكن تبقى حريه شخصيه سيارته وفلوسه .... اما عن التفحيط

او غيرها من المماراسات الخاطئه انا اشوف ان الشرهه مو عليهم على الحكومه لانها ماوفرت

لا اماكن لهالرياضات ولا مسابقات او بطولات مثل كل الدول ..... متى تعترف الجهات المسئوله 

بأنها  على خطأ وتحاول تصلح شوي شوي ...؟؟؟ ..


up 12 down 1
gsxr_600 1017
قبل 7 سنه و 7 شهر



الهدف من الموضوع هو توضيح شي سلبي الشباب سالكين فيه وماراح يعرفون الا غلط الا لمن توصل اعمارهم 40 سنه وهو طول عمره يعدل فسيارته ويستعرض فيها قدام الناس مع العلم انه الناس تضحك عليه 

والبعض يدفع قيمة سيارته بسبب التعديلات والخرابيط هذي

السياره مجرد وسيله وليست غايه عشان كل شهر مع الراتب اجلس ادفع فيها 1500 تعديلات وخرابيط فاضيه

للاسف كثير من الشباب اعرفهم وحالتهم الماديه زفت وتلقاه كل شهر راتبه رايح فالسياره وهذه زين اذا ماتسلف


طيب وفر هذي الفلوس ل5 سنوات تكون جمعت مبلغ حلو تتزوج وتعيش حياتك ولا روح تصدق شهريا تفنعك فدنياك واخرتك
ابرك من انك تحط فلوسك فالسياره


وعلى فكره اصحاب تفريغ الدبات والاصوات المزعجه 
هذولي والله يكسبون دعاوي الناس عليهم بسبب الازعاج الصادر من سياراتهم

وانا كل ماشوف واحد معدل سيارته ومزعج الناس باصوات سيارته يعلم الله اني ادعي عليه انه يطب فمصيبه مايقوم منها

وعلى فكره 
هذي الحركات تدل انه صاحبها مريض نفسيا ويحب يلفت انظار الناس تجاهه لانه يشعر بالنقص ويحتاج الى استشار نفسيا يتعالج عنده


ويعطيك العافيه ياراعي الموضوع


تسلم يغالي الله يعطيك الف عافيه
كلامك صحيح ميه ميه وانا معاك


up 5 down 0
الكحلي 36
قبل 7 سنه و 7 شهر



شاقح بن مشقوح جاب العلم الوكاد
تسلم يدينك يالذيب
وانت يا صاحب الموضوع انك جبتها على الجرح لبعض الناس
بس المشكله انه في هذا الزمن ما عاد صار العقل بالعمر لا صار بالتربيه
والله تلقى ناس اعمارهم فوق الاربعين ويقعد يتفرج تفحيط ولا يطارد بنات بالاسواق
ولا رافع صوت الاغاني عند الاشاره
وقتها ودك تنصحه بس تستحي لانه اكبر منك
بالله وش الدبره عاد


up 1 down 1
حكيم المعاني 10324
قبل 7 سنه و 7 شهر



ياشاقح بن مشقوح الشقيحاني لايجوز أن تدعي على أخوك بالشر لأن في ملك يقول ولك مثله عندما تدعي فأنصحك أن تدعيله بالصلاح والهداية


up 1 down 0
ه عبدالله الحربي ه 1337
قبل 7 سنه و 7 شهر



اسال الله ان يكتب لما فيه خير للجميع والشريطيه حسبنا الله عليهم هم اللي يلعبون بالاسعار يرفعون على كيفهم وينزلون على كيفهم


up 1 down 1
سعد القحطااااني 13
قبل 7 سنه و 7 شهر



صاحب الموضوع   أنت مارتبت الموضوع صح  ولاطرحت الحلول  وهاجمت فئة  من المجتمع  غالية علينا  وموضوعك ذا ينفر الشباب منك وبالعكس المفروض نحتويهم مانحاربهم 

وبعدين اللوان السيارات حرية شخصية .

والتطعيس رياضة .((الرالي )).

وتعديل السيارات  هواية ولها ناسها .

والتفحيط  أنا معك فيه إزعاج للناس  ولأكن فيه حلول  وهي الحلبات والساحات المخصصة وهذي مسؤلية الدولة أولأ 

وبالتحديد رعاية الشباب  مهوب مخصصين أكثر الميزانية للكرة القدم  وساحبين على باقي الرياضات ؟! 

أخي الحبيب  قبل أن نتصادم مع  بالمهاجمة فقط  لازم نطرح الحلول ونحتوي الشباب لأنهم عماد الدولة بعد الله سبحانه 


هذا والله أعلم  وصلي اللهم على نبينا محمد وعى اله وصحبة أجمعين 


up 4 down 0
الصخيبري 394
قبل 7 سنه و 7 شهر



اخوي الغالي الصخيبري
تحيه طيبه لك ولك من شاركنا في الموضوع
اخوي الكريم عنوان الموضوع لأصحاب العقول السليمه فقط ولعلمك اي شخص عقله سليمه باذن الله يتفق معاي بدون شك . ووش اللي تقوله انت عن الموضوع انه مو صح وان مافيه حلول واني هاجمت فئه من المجتمع ..لا أكون أرهابي وأنا ما ادري يا شيخ.
اخوي الكريم انا موضوعي هو رأي شخصي منقول مني لأصحاب العقول السليمه وعرض الرأي يختلف كل الاختلاف عن عرض موضوع كماده للبحث والنقاش او طرح موضوع للدراسه الاسباب والحلول
و انا يا اخوك ما كتبت الموضوع بصيغه قضيه للدراسه وضمنتها الاسباب والحلول
انا كتبت موضوع عباره عن رأي شخصي بصيغه تعجب واستغراب
وبالنسبه للكلام اللي تقوله بالله فكر معي شوي
انت تقول الوان السيارات حريه شخصيه .. مافيه شك يا اخوي بس بعض الالوان ماهي للرجال .وردي ..وبنفسجي .. وبقيه الالوان البناتي
وانت تقول ان التطعيس رياضه (الرالي) الله يهديك وش جاب الرالي عند مجموعه شغاله طول اليوم ترقى وتنزل في نفس الطعس ويمكن تمر عليهم سنه وهم كل اسبوع في ذا الطعس
الرالي مسابقه دوليه تخص مجموعه فرق وهذي الفرق عباره عن شركات ومؤسسات تشارك حسب شروط وعلى طرق معينه في بلدان مختلفه وبسيارات معدله ومخصصه لمثل هذه المنافسات مو بجيب ربع والا جكسار اويترول او هلي وادتسن وكلها من وكالات السعوديه اذا مانصها من الحراج
وانت تقول التفحيط فيه ازعاج لكن الحل حلبات وان الدوله تخصص ساحات .سلامات يا اخوي تبي الدوله تخصص ميزانيه وتفتح حلبات للمفحطين ماتدري انت ان المفحطين اغلبهم يتعاطون مخدرات. وفيهم من يعاني من اضطرابات نفسيه حاده تجعل منه خطر على نفسه والاخرين اون ان على بالك ان الفئه ذي المفروض على الدوله تفتح لهم حلبات واذا امكن كم كشك للبياعين والمروجين حتى يضبط الشغل صح
وفي النهايه يا اخوي الغالي تقول اني اتصادم مع ذا الفئه بالمهاجمه بدون طرح حلول يا عزيزي هنالك فرق كفرق السماء عن الارض بين الشباب الكفو صدق اللي يحافظ على سمعته وهيبته ومستواه الاجتماعي ويبربوالديه ويخدم المجتمع والدوله مو مثل لااللي مضيع عمره في الشوارع واقسام الشرطه والمرور لا ريح نفسه ولا ريح والديه ولا ريح الناس من أذاه ولافاد المجتمع ولا فاد دولته .


up 3 down 4
xxx9 32
قبل 7 سنه و 7 شهر



بيض الله وجهك ياراعي الموضوع اشهد انك وضحت امورهم وفضحت عقلياتهم بالنسبة للصغار منهم يبي له توجيه ونصيحة لكن الفضيحة اللى وجهه كله شنبات وعاده يفحط ويطعس ويرفع ويبي بالقوه انه صغير وطايش لا ولابس طاقيه ولا معصب راسة بخرقة تمسيح اوغتر خضراء وسوداء الحمد لله صدق اهل العقول في راحة


up 0 down 0
ساكن غريب
قبل 7 سنه و 7 شهر



ياراعي الموضوع انا مع الاخوان جكساء والصخيبري كلاممهم سليم ليش الدول الاخرى عندهم ساحات لتفحيط او لتطعيس ليش عندنا هينا بس محتكرين الرياضه في الكوره وياليتهم بيو وجيهنا بكاس العالم انا شاب التطعيس رياضه وشتفرق عن الرالي ماتفرق شي سياره وعلى جبل ترقاء وتنزل لا والعن من الي يطعسون عندنا الي عندنا وش حليلهم يرقون وينزلون ولا الي تقول عنهم رالي وموسسات وشورط ومدري وشو وهم ماشاء الله طبلون الموتر كله تحت جالد ام الموتر وتقول شروط ومدري وشو ياخي نسيت شي بخصوص المقاومات ليش ماعلقت عليها؟ ولا في نظرك صح بعدين الي يركبون الالوان هذي تراء الاغلب يحب يغير من الالوان المعتاده لون مميز مافيها شي بعدين اذا ذاك الوقت ساقو البنات وقتها قل اللوان بنات انت تتكلم عن هالموضوع بسطحيه ما تعمقت فيه وسالت وستفسرت وجهة راي وقلتها وعيبت وهاجمت اذا انت من الناس ماتعشق هالرياضات لاتذم فيها كل الرياضات بالعالم خطره حبكت على التطعيس والتفحيط انت تشوف الموضوع من سطحه انا اتكلم لك من جوووو الموضوع انا شاب وعرف الشباب وش يعانون منه


بالعقل اخوي الدباب؟؟؟ الكبير والصغير سواء بنت او ولد رجل او امرءه طفل ام طفله كلهم يركبونه ويطعون وهو اخطر من السياره في التطعيس ولاسيارتك تفشل وحاسد الناس على سيارتهم؟؟؟؟


انت طرحت موضوع فا تقبل النقد


بسم الله الرحمن الرحيم
اخي الحبيب انا قرئت ردودك
والحقيقه اكثر شي اعجبني فيك انك كاتب اسمك((لا اله الا الله محمد رسول الله))
وخذ مني الرد على تساؤلاتك
بخصوص انك تتفق مع من يعارض ما اطرحه من رأي هذا وانا اخوك شي يخصك .
وبخصوص انك تطالب بساحات للمفحطين الله بهديك ((وش هو التفحيط في الاساس )) ما سئلت تفسك ليش الواحد يفحط وش اللي يجبر الشاب يروح يفحط مابالك الي تعدى عمره30 سنه يااخوك والله ثم والله ما يمتهن التفحيط الا واحد فيه خلل (( متعاطي مخدرات -- مظطرب نفسياً-- منحرف اخلاقيأ-- متخلف عقلياً--مغرر به)) واغلب الشباب ينساقون في هذي الممارسات لأسباب غير منطقيه ابدأمنها(( الانحراف بالعاميه الدشره-- حب الرذيله بالعاميه لعيون اللطيف-- للهروب من الواقع بالعاميه فاشل))
وبخصوص ان التطعيس يعتبر((رالي)) تكفي يا شيخ ارحمنا والله الرجال افلحت وهذولي الشباب الله يصلحهم كل اسبوع في ذا الطعس واتا شرحت الفرق بيت الرالي والمطامره في الطعوس.
اما بخصوص القومات فالقومات كانت بداياتها بشكل رسمي في الولايات المتحده الامريكيه تحت مسمى منافسات استثنائيه للسيارات المعدله وهي عباره عن منافسه لقطع مسافه معينه في وقت معين ضمن ظوابط وشروط مسبقه منها السلامه والامان ووجود حلبه مخصصه اما مسئله ا ثتين من الشباب يتجاكرون في شارع عام وشغل افلام هوليود هذي امور ما يتعمد القيام بها الا واحد ((ناقص عقل))
وبخصوص الدبابات الظاهر انك ماقريت اللي انا كتبته مظبوط يا اخوي انا ماذكرت شي عن الدبابات لا من قريب ولا من بعيد
بخصوص مسئله حسد التاس على سياراتهم الله يحفظك يا شيخ
باين عليك اتك توك في سن الشباب انا يا اخوك ماني بصغير سن انا اول سياره شريتها بحقي الخاص عام 1309 هجري يعني اغلب شباب ذا اليومين اذا مو كلهم كانو اطفال يوم انا عندي موتر هذا اذا اغلبهم عاده ما ولد بعد
وصدقني في ايامنا يا اخوك كثير من الامور اللي نشوفها من شباب ذا اليومين ماكان لها وجود ابد.


up 0 down 2
doom1 198
قبل 7 سنه و 7 شهر



هلابكم  الموضوع  من وجهة نظري  حله موجود  

التفحيط  عندك الأمارات  سوت لهم حلبات منضمة وخارج نطاق العمران  وفيها شرطة وإسعاف ومطافي  يعني لاتخاف من ترويج المخدرات بالعكس في الحلبات بيكون الشباب تحت نظر الحكومة 

والتعديل له مهراجانات في الخارج وأقرب شي عندك الكويت  فيها جوائز وتحفيز للشباب وتحت نظر الحكومة 

والتطعيس الي تقول يرقون وينزلون  في الأمارات مسوين ((طعس التحدي)) تحت أشراف الحكومة وفيه جوائز وتحفيز للشباب 

وفي النهاية أقولها بحرقة  الشباب عندنا مظلومين  ورعاية الشباب  مهتمة بكورة القدم وبس  والي مايحب الكورة وش يسوي ؟! 


up 2 down 0
الصخيبري 394
قبل 7 سنه و 7 شهر



لو سمحتو يا اخوان واكرر لو سمحتو
اذا الامارات سوت حلبه للمفحطين فأسمحو لي اللي وافق على الشي هذا واحد ما يفهم يعني والله شي مفيد وحضاري وثقافي جدا ان الواحد اليوم يروح الحلبه يفحط وين العقول يا ناس وبالنسبه لطعس التحدي اللي في الكويت او انه في السعوديه او الامارات فوالله ((هذا مستواهم)) طعس ويطامرون فوقه وسيارات التعديل اللي في الخليج عموما والله خرطي وانا اخوك حدها كم شهر الا وهي بالورشه هذا اذا ماهي كم يوم فعلى ويش مسوين فيها تفحيط وطعوس وتعديل يا بشر يا ناس يا عالم شاب امريكي اي شاب الا ورع ماتعدى عمره 20 سته اسس ما يسمى الان بالفيس بوك وربح دخل يقدر بالملاين وهذول الشباب اللي في السعوديه والامارات والكويت طايحه روسهم عند الكفرات والطعوس وفي الاخير يطلع لك واحد يقول تصدقون يا شباب عدلت الموتر ورشيت وردي وش رايكم نروح تفحط وبعده نروح ترقى طعس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
((الحين فهمت ليش انا ضد التفحيط والتطعيس وشغلات التعديل بلا فايده))



up 1 down 3
xxx9 32
قبل 7 سنه و 7 شهر



اسمحلي يا صاحب الموضوع
اذا الناس ما اتفقت معك فلا يعني انهم مخطئيين
نظرتك للموضوع من اسوء زاوية فقط يدل على تصلب فكرك واعتقد انك تتكلم من منظورك و فهمك لهذة الامور بدون اعطاء نفسك الفرصة لتقبل وجهت النظر الاخرى
انا طبعا اتفق معك انه جزء من الشباب فعلا مسويين ازعاج بصري و سمعي و سلوكي ولكن انا اتفهم و احترم حق الشباب في ممارسة هذي الهوايات الي تعتبرها حضرتك دلاخة من التفحيط الى التطعيص والتعديل . . .الخ.
و اخيرا احب اضيف انه هوايات ( رفع الادريناليين ) كما هو اسمها العلمي تدل في معظم الحالات على شخصية منتجة و جبارة وذات طاقة كامنة تحتاج الى التوجيه و ان توظف هذه الطاقات في المكان الصحيح وهذا اكيد لن يحصل من خلالك مع اولادك او اي من من تجود بالنصح لهم فلا تبدو كانسان يستطيع النصح بطريقة لا تستفز الطرف الاخر.
و انصحك بمحاولة فهم غيرك بدون لبس قناع الرجل الكبير الفاهم البار المنتج الي ما في زيك.
والمعذرة . . تقبلوا مروري


up 3 down 1
ابو فارس_ 1 3
قبل 7 سنه و 6 شهر



ايوه
الاخ ابو فارس الحقيقه وانا اخوك ردك يا شيخ ما طاب لي وانا مليت من الفسفه الزايده
اسمع يا شيخ شغل التفحيط والتطعيس شغل ورعان
الشنب وانا اخوك معروفه علومه والورع وانا اخوك معروفه علومه فلا لايسوي لي واحد من الورعان ان التفحيط والتطعيس فيه مرجله وان حصل لن فيه رجال ويعشق التفحيط فهذا بعقله نقص
وبالنسبه للتفكير المتصلب التفكير هذي قولها لغيري .
وبخصوص قناع الرجل الكبير القناع ذا اذا تعرفه انت فحنا مانعرفه وان اخوك
واذا عن الموضوع اللي كتبناه فخذ العلم
والله اني داري انه بيطلع لي كم واحد ويقول مثل ما تقول مع اني كتبت عنوان الموضوع لأصحاب العقول السليمه فقط لكن ما فيه فايده المبزره وشغل الوراعين صارت هوايات فذا الزمان وبعد خلوها رياضه في الدول الفاشله
لكن اسمع علي الحرام ان ذا الزمن ضاعت فيه علوم الرجال وصارت النقاصه والنجاسه في حياه بعض الناس شي عادي


up 0 down 5
xxx9 32
قبل 7 سنه و 6 شهر



أنا حاب أوضح أن الموضوع  تغير  على شان تكونو على بينة  

ردي  كان على موضوع  كان يحاكي  الشباب  والموضة  في السيارات  والألوان  والهوايات  والتطعيس .

أرجو من صاحب الموضوع  توضيح ذالك أو تدخل الأدارة  لأن الموضوع في وادي  والردود في وادي  أنزلو وأقرو الردود .

لذالك جراء التنبيه  لاحول ولاقوة إلابالله العلي العظيم 


up 0 down 0
الصخيبري 394
قبل 7 سنه و شهر