اسئلة عن التطعيس

اولا: امين والله يسمع منك 
ثانيا الارضي اقوى هذا اللي اعرفه
والكفرات تفرق
في اللي يجيك مبرزه وكبيره ومن مظهرها تعرف انها للتطعيس

مشكور على الردود بصراحة افدتوني

افادوك الاخوان ,,

اما بخصووص السييرا طبعا الدبل تاير قوي بس يناقز وقاسي لانه سست

والـ 2500 HD زيه سست

افضل شي سييرا غمآرة Z71 يجيك 8 سرندل ومكينة 5,3

والسييرا معروووف وحش

مشكور على الردود

صلى الله عليه وسلم
وعليكم السلام ورحمة الله وبركاته
بالنسبة للكفرات والجنوط فأكيد لها أثر كبير في التطعيس، واللي توضح لي إنك تسأل عن السييرا، عشان كذا بجاوبك بالنسبة للسييرا أحسن مقاس له جنوط ديزل نيكل مقاس 17 وكفرات رملية بالون ماكسس ممكن فيه من يخالفني الرأي بس هذا أفضل شيء أشوفه للتطعيس.
وبالنسبة لقوة السييرا في التطعيس، بصراحة كل أنواع الجمس قوية جدا جدا جدا في البر بشكل عام، خاصة إذا مجهزة بدفلك وتراكشن، بس عيبها نازلة شوي خاصة الوجهية، والعيب الثاني ثقلها إذا غرزت ماهي بزي الياباني خفيفة.
بالنسبة للدبل الأزرار أقوى أو الأرضي أقول لك كلها نفس القوة، اللي يختلف طريقة التشغيل، الدبل اليدوي قير تحركه ويشبك معك الدبل بشكل ميكانيكي كامل وخراباته قليلة جدا جدا جدا، أما الدبل الأزرار فهو بس تضغط زر ويشبك معك الدبل ولكن أعطاله تكاد لاتنتهي بسبب إنه مايعمل بطريقة ميكانيكية فقط أول شي يعمل بطريقة كهربائية بعدين بطريقة ميكانيكية، يعني تضغط الزرار ويمر الأمر على الفيوز ثم الكمبيوتر ثم الحساس ويفر الحساس التروس وعاد يشبك الدبل، لكن إذا شبك الدبل خلاص القوة وحدة، وأحيان الدبل الأرضي يكون كهرب بس شكل كذا أرضي وإلا هو نفس الكلام خراباته واجد.
بالنسبة لقوة الدبل تاير فهو أكيد أقوى من ال 2500، بس ال 2500 يكفي ويوفي وزيادة بعد، ماتحتاج لأقوى منه
أتمنى أكون أفدتك، وأحترم جميع الآراء من يوافقني ومن يخالفني.