هل الجنوط الصينية جيدة ؟ أرجوا المشاركة

الجنوط الصينيات حليله عشان سعرها , لكن الشكل جدا ممتاز وطبق الاصل للجنط الأصلي , اما العيب فالجنوط الصينيه معرضه للعفط بأتفه الأسباب يعني لو ينشر عليك كفر تلقى الجنط معفوط
وأيضا معرض للكسر بسهوله لا سمح الله يعني مايصلح تسافر عليه , لكن بالديره عادي اشرهم شكل دلع وسعر رخيص واذا يوم من الايام نويت تسافر ركب جنوط الوكاله وسافر

خذ  صيني درجه اولى  معليه يمشي   لو لقيت امريكي اصلي بتشاليح افضل وافضل 

والله انا انصح اي واحد مايركب جنوط صينيه او صينيه درجه اوله ولا ثانيه كله ضحك علي الدكون يعني ابغا افهم وش درجه اوله ودرجه ثانيه والله التصنيع واحد
 الجنوط التجاريه كافه ماتنفع ماتنفع ماتنفع مع جوارعنا الجميله كل يوم انت في المخرطه

لا انصح بالجنوط التجاري ابدا بتاتا البته

والله يالربع عندي موتر قبل كم سنة مركب له جنوط صينية وأسافر عليه خطوط ومشيي عليه ما ينزل عن 160 ومع ذلك لا رجة ولا حذفة ولا حصل الا كل خير ولله الحمد
ومرة ضرب علي كفر وانا أمشي 180 أمامي ومن فضل الله سبحانه ما صار شيء لنا يالركاب،، والجنط سليـــــــــــــــــــــم

نصيحة لا تاخذ صيني ابد مثل ما قالو الاخوان ينعفط وانا انصحك 
الجنوط اللي تيجي مع السيارة وبسسسس 
                                        والباقي كله خسسسس
واحلى لايك^-^

اتفق مع الاخوان الصيني حساس او لو تركب مظهر احسن تركب الجنط صغير حاول تصغره مو جنط ضخم والكفر كانو خط من الدعسه الرياضيه مو لدي الدرجه حاول تاخذ جنط صغير وترفع الدعسه والله يعيش معاك ويخدم اما فرضا لكامري تركبلها 17 والكفر نحيف اكيد بينكسر من اردى مطب اما 15 والكفر كبير شويتين عادي كانه وكاله يعيش بس فيه انواع لدرجه انها ماتخليك تبعد من الترصيص ورجه مابعدها وفي انواع تعيش وتترصص مره وحده وتخدم حسب النوعيه حقتها موفق اخووي

يعطيكم العافية .. حد جرب الجنوط التجارية على اليوكن ؟ ياريت لو يعطينا تجربة اذا في شخص جربهم .
وأنا أتفق مع الشباب الي قالوا أن الجنوط الصينية رديئه لكن مش كلها في ناس جربت جنوط صينيه على الفورد وماشيه معاهم أهم شي الحفر والرصيف :)

نصيحة لا تركب جنط صيني أو تايواني

قد ركبته على هوندا اكورد وكليت مطب وانكسر وشق الكفر وبغى يعدم علي الهوب 

ترا فرق السعر مافيه ذيك الطمعة

الجنوط الصينية بصفة عامة جنوط مظهرة فقط لاغير
زمان اول مانزلت الجنوط بمنتصف التسعينات كانت الصينية حلوة وخدومة لما كان ققيمتها 3000 وفوق
لان التجار كانوا عارفين انها مالها سوق زي اليوم
لكن الان التجار عارفين ان السوق يطلب ويجبلك جنوط اي كلام لرخص السعر وكثرة الطلب
وبصفة عامة الجنوط التجارية الان كلها اي كلام حتى شكلها مايبقى لو كنت تسرع في شوارعنا اللطيفة 
خذلك اصلي ولو مستعملة المهم عليها ختم المصنع اضمن لك والضمان بيد الله تعالى

.. فيه ناس تقول الجنط الصيني يخرب الهوبات مجرد ماتركبها تخرب الهوبات ما ادري وش السبب !
هل انه عشان انه كبير مثلا ؟

لكن انا اتفق مع اخوي الي قال اذا بغيت تاخذ جنط صيني لاتاخذ اكبر شي خذ الحجم الاصغر شويتين
أو انك تاخذ الجنط الي تبي بس حاول تاخذ كفر كبير عشان مايضغط على الجنط وبالتالي يطعجه ،
ولا استبدل جنوطك بأصلي من نفس المحل او الوكاله وعطهم الفرق وسلامتك ..

والله يا اخي انا مركبها جديده مقاس عشرين مع كفرات قودير ألماني جديده مكلفتني حدود الستة آلاف جميعاً وله سنه تقريباً وقد أخذت فيها كذا مطب جامد وضعها معي الا الأن سليم لأرجه ولاشئ والحمدلله وتراها توافيق من الله ملاحظه الموتر عندي  يوكن ٢٠١٢ ست اندر قصير والموتر لايوجد به قساوه ولاشئ

تبون العلم الصحيح لحد يسافر بالجنوط الصينيه المدينه وبس لاتعرضون انفسكم للخطر لأن مع السفر تحتر الكفرات والجنوط والصيني مايصبر على الحراره

اللي بيسافر عليها يتأكد أولا من جودة الكفرات وتاريخها ويحشر الكفرات هواء ولا يسرع لا يتعدى ١٢٠ وأموره طيبة