أضف سؤال أو موضوع جديد          

تنظيف بخاخات يوكن 13

up 1 down 0
بوحمد4445 96
قبل سنه و 6 شهر



سلام عليكم ورحمة الله وبركاته،،


إخواني اليوكن كأنه في كتمه شوي وتقطيع اذا كنت امشي على الراحة وعبيته أحمر ورحت في خط تقريبا من الدمام الى الجبيل ولافيه فايده فحصته كمبيوتر قالي عندك البخاخات مقفله عندك رقم 3 و5 تحتاج تنظيف.
ياليت اللي عنده فكره كم تكلف واذا في ورشة شغلهم نظيف ؟ طبعا موقعي الدمام.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تنظيف البخاخات له اكثر من طريق فيه عن طريق جهاز مخصص لتنظيف البخاخات 
وهذا غالي شوي 
وفيه الطريقة اللي اغلب الورش يسوونه يفكون البخاخات وينقعونها ببخاخ اي سي ديلكو 
بالنسبة للشغل ما يحتاج ورشة معروفة لان شغلتها بسيطة والمفترض تسويها بالبيت مايحتاج تروح ورشة
شف لك اي ورشة والشغل ما يتعدى 150هذا اذا غالي 


up 3 down 2
mr.bdran 122
قبل سنه و 6 شهر



اشكرك يااخ بدران

بس والله شغلة الفك والتركيب مافي وقت ولاعندي مكان والمشكلة اعرف نفسي اذا فكيت شي اخربه فانا اطبق مقول اعط الخباز خبزه لو اكل نصفه.

انا جيت واحد سوري بالخضرية يقولي 500 ريال شغل يد بدون قطع قلت غالي ياخي قالي والله هذا شغلنا واحنا مو مثل الباكستانية ولا الهنود شغلنا غير مشيت وخليته.


up 2 down 1
بوحمد4445 96
قبل سنه و 6 شهر



قطع ايش !!! هههههههههههههههه
كلها بخاخات تفكها وتنظفها وترجع تركبها ما يحتاج قطع 
شف لك اطرف ورشة خله يسويها لك تراها سهلة مثلها مثل تغيير البواجي 
ما يحتاج لها واحد فاهم ومقطوع سره بالصناعية



up 3 down 1
mr.bdran 122
قبل سنه و 6 شهر



السلام عليكم

جرب تستخدم مادة تنظيف البخاخات اللي تفرغ في تانكي لبنزين

حق ميتسوبيشي قيمة تقريبا 39 ريال
او في نوع غالي لكن ممتاز تبع شركه اسمها BG اظن عليه رقم 445 K او K 440

انا مجرب الاثنين مع كل السيارات اللي امتلكتها وانصح فيها


up 2 down 1
dub_r-50 443
قبل سنه و 6 شهر



dub_r-50
كيف طريقة استخدامه؟ وهل يغني عن نتظيف البخاخات في الورش؟


up 0 down 1
aameer altayeb 147
قبل سنه و 6 شهر



اخوي ياليت تتأكد من فلتر البنزين واتوقع انه بسيارتك داخل التانكي


up 0 down 0
باترولاوي 32
قبل سنه و 6 شهر



طريقة الاستخدام سهلة جدا

خلي التانكي على الربع واستخدم علبة تنظيف وحده

ثم امشي بسرعه ثابته 100 كلم / الساعه تقريبا
مسافه من 20 الى 30 كلم

وبعدها تقدر تعبي التانكي قد ما تبغى وشوف في فرق او لا


up 1 down 0
dub_r-50 443
قبل سنه و 6 شهر



وعليكم السلام
انا مجرب المادة اللي قال عليها الاخ الفاضل تبع شركة متسوبيشي من 10 سنين على فورد ماركيز
فعلاً ممتاز جداً 
جربه اول شي هو ارخص حل ماتتعطل فيه 
بالتوفيق للجميع


up 1 down 1
المدينه 300 784
قبل سنه و 6 شهر



بترومين عندهم مكينةتنظيف البخاخات ب250ريال بس اعطهم ورقة الفحص اللي مكتوب فيها ان البخاخات عطلانه واشرط عليهم انه بعد التنظيف تروح المشكلة


up 0 down 0
bmw z4 1500
قبل سنه و 6 شهر



اول شئ غير صفايه البنزين ثم حط منظف بخاخات ميتسوبيشي وعب بنزين احمر وامسك خط


up 0 down 0
كارينو 572
قبل سنه و 5 شهر



شكرا لردودكم وتفاعلكم الجميل وديتها عن واحد ونظفها وراحت الكتمة ابشركم ولله الحمد .


up 0 down 0
بوحمد4445 96
قبل سنه و 5 شهر



شكرا لردودكم وتفاعلكم الجميل وديتها عن واحد ونظفها وراحت الكتمة ابشركم ولله الحمد .


up 0 down 0
بوحمد4445 96
قبل سنه و 5 شهر