أضف سؤال أو موضوع جديد          

ماهو سبب ارتفاع حرارة السيارة عند المشي جمس سييرا

up 2 down 0
wesamoo 6
قبل 5 شهر و أسبوع



السلام عليكم 
استفسار اذا احد مرت عليه هذه المشكله او انهاء طبيعيه 




عندي جمس سييرا ثمان صواميل HD2500 موديل ٢٠٠٩




مشكلتي 
اذا مسكت خط بسرعه ١٢٠ الاحظ ارتفاع حرارة المكينة فوق النص تستمر دقايق كذا وترجع النص الطبيعية
 يعني بين ارتفاع ونزول وانا مستمر بالطريق على سرعه١٢٠ طبعا بدون مكيف
لكن اذا وقفت وشيكت الخراطيش ماهي مضغوطه بشكل مخيف يعني طبيعين حتى حرارة المكينه ما احس انها 
مرتفعه لما اتحسسها بالكبوت 




مع العلم 
الرديتر نظيف وماي اخضر اسي ديلكو المخصص للرديتر 
والبلف جديد ما اخذ شهرين والطرمبه كذلك جديده 
وماء الرديتر ماينقص 
 والمروحة كلتش النظام القديم ومافيها اي خراب ثقيله عند الدوران باليد 
ومركب مبرد قير 
حتى زيت المكينه ماهو ناقص ونظيف ذهبي 




وحرارك القير تقريبا ماتتعدى ٥٥ بسبب برودة الاجواء 
طبعا هذه المشكله اليوم بالليل وحنا بالشتاء والجو باارد اقل من ١٥ درجة تقريبا 




اذا احد عنده العلم الاكيد ياليت يفيدنا الله يجزاكم خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

الاغلب ان طرمبة الماء ما تشتغل بشكل سليم، مرة تدور الماء ومرة تجيم او ضعيفة، يوقف الماء وترتفع الحرارة بعدين تشتغل الطرمبة بشكل صحيح وتبرد السيارة، وهكذا

الصح انك تبدلها قبل تخرب مرة وحدة وتسبب لك مشاكل ثانية انت بغنى عنها



والله تعالى اعلم، وفقك الله



up 2 down 1
نديم الطيف 267
قبل 5 شهر و أسبوع



تأكد من مشكلة الطرمبه مثل ماتفضل الأخ نديم وإذا لم يكن السبب من الطرمبه تأكد أيضاً من
البلف قد يكون تركيبه بالمقلوب لأن حصلت معي قبل كذا من أحد السباكين .


up 0 down 1
jakwar2004 437
قبل 5 شهر و أسبوع



شيك على اصابع البطارية اذا مشدوده تمام تأكد من حساس الحرارة الخاص بعداد الحرارة


up 0 down 1
باترولاوي 29
قبل 5 شهر



العيب حسب وصوفك من اللديتر من تجربة


up 0 down 1
زايد الشرقي 65
قبل 5 شهر



الله يعطيكم العافيه 
الطرمبة جديده ما اخذت شهرين ثلاثه 
اما البلف مركب عدل مو مقلوب والرديتر اخر احتمالاتي لانه الماء نظيف من استخدمت السياره وغيرته ثلاث مرات على مراحل ومده متفاوته 
وبالنسبه لحساس الحراره اغلب الظن هو السبب حسب اصحاب الخبره لأنه يخرب فا يبدأ يشكل بالقراءة خاصتاً انه حرارة مكينة السياره لو تحسسته باللمس والحراره 
مو ذيك الحراره اللي معروفه لما ترتفع الحراره حتى الخراطيش مو مضغوطه بشكل قاسي يوحي لثوران وغليان الماء
السياره حاليا ضبط وضعها لكن لو رجعت المشكله بغير الحساس ولو مافي فايده بفك الرديتر وبعمل له تنظيف بالكامل 
واصابع البطاريه بفكهم وبنظفهم وان شاء الله ماترجع المشكله 
الله يجزاكم خير 
وجميع اللي ذكرتوه راح اعمل لهم صيانه بالكامل


up 0 down 0
wesamoo 6
قبل 5 شهر



هالايام  انت  مطفي  المكيف  ومع التسارع   طبيعي  كل  السيارات ترتفع حرارتها  ثم  اذا استقرت  السرعه  رجعت الحراره  تنزل شوي .  
طبعا الارتفاع في  نطاق المعقول .  انت لم تذكر ارقام  او وصف  لامبير الحراره  كم ارتفع  عن معدله الطبيعي . 

تجربه  بسيطه  شعل المكيف  علشان  تشتغل المروحتين  وامش بنفس  الطريق  والسرعه اللي  لاحظت ان الحراره زادت فيها  وشف  ترتفع ولا لا .

موتري  حرارته ٨٧  مع المكيف او بدون . مع المكيف اذا  تسارعت تزود  درجه درجتين ثم اذا  استقرت السرعه  رجعت ٨٧ .   بدون  مكيف  وتسارع توصل ٩٣  


up 0 down 0
ali400ali 214
قبل 5 شهر



رديتر فيه مشكلة .. اذا الحرارة تطلع وانت مسرع معناه تسييخ رديتر او تغيير لأنه فيه انسدادات والموي مايوصل لكل الجهات


up 0 down 0
ربيع الأول 354
قبل 5 شهر



المشكله طلعت بسيطه جدا 
الرديتر والطرمبه وساعة الحراره وكل حاجه شغالين تمام 
المشكله وايرات حساس الحرارة منجرحين ومتلامسين مع بعض 
وسببوا لي تفتفه في الموتر وارتفاع الريس ودخان اسود وهذا اللي سبب لي
ارتفاع مؤشر ساعة الحراره ونزوله بشكل مستمر وطلع عندي بالطبلون عبارة 
تم اطفاء مكيف السيارة بسبب ارتفاع الحرارة
وحرارة المكينه بالاساس طبيعيه ومافيها اي مشكله

بسبب تلامس الواريات اعطى الكمبيوتر أمر كأنه حرارة السياره مرتفعه
وتبي تطفي 

سبحان الله شغله بسيطه اكتشفتها بنفسي وضبطتها 
والان السياره امورها تمام وزي الحلاوه




up 0 down 0
wesamoo 6
قبل 4 شهر و 2 أسبوع