أضف سؤال أو موضوع جديد          

ارتفاع حرارة الجمس فما الحل ؟

up 2 down 0
mahail1 6
قبل 2 شهر و 2 أسبوع



السلام عليكم ورحمة الله وبركاته
اخواني انا عندي مشكله في حرارة الجمس ٢٠٠٢
ترتفع اذا مشيت او كنت واقف
رحت لأكثر من ورشة و النتيجه تصيخ الراديتر و فكيت البلف
و غيرت غطاء الرديتر ولا زالت المشكلة موجوده
واتمنى للي عنده خبره يعطيني حلول







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام ورحمة الله وبركاته

المشكلة من البلف اذا فكيته تولع حرارة السيارة، لان البلف يحبس الماء الحار بالرديتر عشان يبرد وينظم عملية تبريد الماء

تبي تقول المشكلة من قبل لا افك البلف، اجاوبك واقولك ان البلف القديم 99% كان خربان اصلا وهو سبب المشكلة

الحل تشري بلف اصلي وتركبه هذا شي اساسي غلط تفكه

ما ضبطت لا تفك البلف وابحث عن سبب ثاني طرمبة الماء او غيرها

لكن البلف اساسي


وفق الله الجميع لكل خير


up 4 down 1
نديم الطيف 249
قبل 2 شهر و 2 أسبوع



نديم الطيف مابعد قولك قول
ردك كافي ووافي
فعلا فك البلف اكبر غلط
المفروض يستبدل كنوع من الصيانه اما الإزاله غلط


up 2 down 1
منيرعلي 45
قبل 2 شهر و 2 أسبوع



يعطيكم العافيه ابي اركب بلف جديد و باذن الله يضبط معي


up 0 down 0
mahail1 6
قبل 2 شهر و 2 أسبوع



يأخوان بقول رايي ولكم الحرية بأخذه او تركه الناس الي تعطي
دس لايك على اي تعليق تقهر وهو تعليق عادي منتد مهو حراج نفسه
اسمع رايي:
مثل ماذكروا الأخوان غير البلف وشيك المراوح يمكنها ذابت مع الحرارة
افحصها اذا هي كهرب اذا ميكانيكية مع المكينة شيك الكلتش حقها
اذا تصب ماء من البزابيز وفتحت غطاء الراديتر مويتك مصدية انت
فتحت على نفسك ابواب خرابات يمكن تغير الطرمبه نفسها حتى
وتصيخ الراديتر وبلف وطرمبة اذا مويتك نظيفه شيك الغطاء وغير
الليات تراها مع الحرارة تضعف وتلين تنكمش وترتفع الحرارة بسببها
هالنقطه محد ينتبه لها ركب هوزات اصلية وشيك فيوزات المروحة
احيان مع الحرارة تضرب وتطفي المراوح وقبل كل هالاشياء كلها
افحص كميوتر ب١٠٠ريال ماطلع معك توجه للأشياء الي ذكرتها
وغير الماء صب ماء راديتر ميتسوبيشي الأصلي الجالون ب٤٠-او ٥٠
فيه اخضر واحمر او ازرق واكرر فكونا من الدسلايك حنا نساعد
بألي نقدر الكلام الي مافيه احترام هذا هاجموه انا فقط قلت رأي
ولكم االحرسة بأخذه او تركه وشكرا


up 2 down 0
فهد 7100 4
قبل 2 شهر و 2 أسبوع



تستاهل احلى لايك يابطل
كلام.سليم
الله يهدي جماعه الديسلايك


up 0 down 0
منيرعلي 45
قبل 2 شهر و 2 أسبوع



كبر غلط انك تفك البلف وش حدك عليه

عموما مشكلتك اتمني انها تبقى في منئظومة التبريد ولا تخرج عنها لانها ان وصلت للماكينة الله يعينك وقتها

عموما شف طرمبة الماء وافحص الرديتر ولياته وطبات المكينة وركب غطا رديتر جديد وبلف حرارة جديد وافحص مراوح السيارة

واغسل الرديتر او غيره ان لزم الامر

ان شاء الله امورك سهلة

وفقك الله


up 0 down 0
المعتصم بالله 6519 455
قبل 2 شهر و 2 أسبوع



حساس الحراره غيره جنب المكينه قطعه صغيره وسعرها رخيص
اذا غيرت البلف يمكن صار يقراء غلط صارت معي
.......



up 0 down 0
راعي الشفى 7
قبل 2 شهر و أسبوع