نتعه بالسييرا قير عادي

السلام عليكم
ابدا بالتدريج :
نظف الثروتل وهو راكب ببخاخ اي سي ديلكو ثم فيه جنبه حساس هواء دينمو صغير فكه ونظفه تاكد انه شغال
نظف حساس الهواء اللي يكون جنب فلتر الهواء بنظف الكترونيات
تاكد ان جميع الليات والهوزات والدكت من فلتر الهواء الى الثروتل مركبة مية في المية وخلوها من اي تهريب هواء
تاكد من حميع الليات الهواء في ثلاجة المكينة مافيها اي تهريب او قطع ومركبة مية بالمية
اذا اعلاه مظبوط سوي فحص كمبيوتر اذا ظهر كود يكون افضل والحل اسهل
ان ماظهر كود سوي رست برمجة للثروتل ويفضل بجهاز Tech 2 ان وجد
تاكد من اصابع البطارية و الدينمو

اخيرا تغيير حساس IAC و TPS بالعامية حساس الهواء اللي داخل الثروتل لان مرات التنظيف ماينفع.معاه مع تغيير حساس الدعسة


بالتوفيق
ولاتنسانا من التقييم واي دعوة طيبة

ما قصرت يالغالي لكن انا مسوي له تصفيه كامله قبل شهرين وكل شي تمام هو اعلب شي يطلع لا شغلت المكيف معقوله المكيف يسوي النتعه ذي لمن افك دعسة البنزين؟

مع المكيف اذا الثروتل نظيف وحساس الهواء الايرماس MAF نظيف وسليم
غالبا مشكلتك من حساس IAC ويفضل تغيير TPS معاه
لان حساس IAC هو المسؤول انه يرفع وينزل دورات المحرك لكن بناء على المدخلات /قراءات الحساسات اللي فوق
يفضل تسوي فحص كمبيوتر قراءة البيانات مباشرة Live Data Scan وبناءا عليها تحديد العطل ان لم يظهر كود
مع التشييك على ماذكر اعلاه من تهريب الهواء وغيره
ممكن تجرب تفصل البطارية لمدة ٥ دقايق ثم فتح السويتش ٣ مرات كأنك بتشغل السيارة والبطارية مفصولة ثم ركب وجرب السيارة ممشى لمدة ربع ساعة
ونصيحة نظف الثروتل وهو راكب ببخاخ اي سي دلكو قبل اي شيء عند اي ورشة بحدود ٥٠ ريال عند اي ورشة لكن خليه يرش و اضغط على دواسة البنزين اكثر من مرة

فعلا حساس TPS كان عندي عطلان على جمس 99
وديته ترايستار يقولون توضيب قير ب 4 الاف
وعرفت الحل من النت وركبت الحساس وطلع من افضل ما يكون

الله يعطيكم العافيه جميعا ويكتب اجركم