كم المده التي تحمي فيها سيارتك ..

على حسب السيارهـ 
بـ الأساس اسمي بالله و اشغل أي سيارهـ <30ثانيه-3> دقآيق واتـوكل على ربك 

لكن السيارات المعـدله مآتتحمى 
لانه كانت عندي آيفوُ ، ومعدل عليهآ ، اشغلها وامشي على طول ~ شغل أي آيفو معدل عليهآ ، والمس لي توصيل الرديتر اضمن لك
اصبعك راح يحتـرق ،، والزيت يحتمـى بسرعـه 
ايضاً ..نفس الموضوع لـ امبريزآ والـ إم3 هاذي عن طريق تجـربه 

والسيارات العاديه مثل ماقلت فوق من 30ثانيه-5 دقايق 

كل ما طولت في تحمية السيارة كل ما كربنت معاك




..... السيارات الجديدة فيها بلف حرارة ما تحتاج اكثر من 5 دقايق تسخين ... ياخي تراها تشتغل على بنزين ماهي ديزل غشان تجلس تسخن لي فيها 15 دقيقة؟؟؟

ماتحتاج تسخخخخين خخخخخ
عندي ددسن 2002 كبليتر اول الوقت كنت اسخنه 
لاكن الحين 10 ثواني وامشي علطول

للمعلومية التسخين الزايد يستهلك عمر المحرك وهو واقف




بالنسبة لي اول ما يتحرك العداد فوق شعار الـ (c) المحرك يكون جاهز للمشي وطبعا هي تفرق بين محرك ومحرك اخر و بين زيت وزيت اخر مثل ماده الماجينتك

5 دقائق كحد اقصى لحد مايوصل المؤشر الى فوق حرف C بعد كذه بعدين تمشي

وراجعوا كتلوجات السيارات وراح تلقون مكتوب موضوع كامل عن مدة التحميه

وانا بنزل موضوع كامل وشرح تفصيلي عن التحميه

خمس 5 دقايق اعتقد انها كفاية

اخوي التاهو بالشتاء اذا جيت احميه يقعد ربع ساعه طبيعي

وييييييييييييييييييييييين يابو انت وياه ؟؟؟

كلها 30 ثانية بالكثير عشان تتحرك زيوت القير والمكينه وامش


اجل ربع ساعه ؟؟؟؟

ياخي من الي لاعب عليكم بالتسخين بالله ؟

انا اعطيكم العلم الوكاد يا شباب

انا قد سألت عن هذا الموضوع بالشركه وأفادوني بالتالي :
1_ بشكل عام لابد ان يتحرك امبير الحراره الى الاعلى قليلا كدلاله على سخونه زيت المكينه وزيت القير وجاهزيتهما لاداء عملهما بشكل سهل ولزج عكس ما اذا كانا باردين
2_عند اي ظرف يستدعي العجله في تحريك السياره مباشره بعد تشغيلها فإنه بأمكانك ذلك دون اي ضرر على السياره ولكن بشرط ان تكون السياره في وضع الارتياح دون الضغط عليها لطلب سرعات اكثرحتى انقضاء ربع ساعه او ارتفاع امبير الحراره الى الثلث

@@@ اتمنى اني اكون افدتكم واعتذر على الاطاله@@@

لابد من التحميه الى حين يتحرك امبير الحراره الى مافوق الخط اوفوق علامهc ومن ناحية تشغيل المكيف والسياره بادره فهذا يضر بالمكينه لان المكيف يثقل على تشغيل المكينه اشكر كاتب الموضوع

السلام عليكم

اخواني عندي مداخله بعد اذنكم

لاحد يجي مطفي النور يقول ابحرك عقب 30 ثانيه اسمحلي الي يقول كذا معناته على السلام موتره او انه من النوع الي يغير كل ست اشهر على الاقل

والله السيارة لازم تاخذ حقه من التدفئة اولا

احد يقدر يقولي تقدر تقلي بطاطس والزيت بارد يلا رقعهااا

حبايبي الزيت تحت ولازم يطلع لصدر المكينه والقزوز لازم 4 دقايق اقل شي عشان تحتر

وبعدين الي يقول احرك عقب دقيقه او اقل من خمس طيب شغل المكيف وخذلك شهرين تسمع انواع الاصوات بالرمان حق المكيف

معروف بالصيف اقل شي 6 دقايق (لو تاخذ فره حوالين الموتر تفقده امداها خلصت الست دقايق)
بالبرد لين 15 طبعا بعز البرد وبالاجواء البارد ه لين ترتفع الحراره الى الميزان الطبيعي

الزبده انا ولله الحمد ماحرك بالصيف لين ترتفع كامل الحراره الطبيعيه وبالشتاء نفس الشي وازيدها 4 دقايق

جماعه الاضرار من عدم التدفئة ومن خبرتي البسيطه
بواجي انواع التفتفه مستقبلا ميزان الار بي راح مع الايام يختلف
ضهور رجة بالمكينه مع الايام وياثر تاثير كبير كبير كبير على اسلاك البواجي تبي تجرب ...

بعد يابو 30 ثانية وابو دقيقه ودقيقتين بعد ماتحرك موترك وتمشي حدود خمس دقايق افتح كبوتك وانزع سكل من حق البواجي وشف وش جوته وكرره عقب ماتعيد الحركه بس تخليها تدفئة بالطريقه السليمة وشف الفرق راح تنبهر


اسالوا مجرب ولاتسالوا
طبيب

الله يوفقكم ويحفظكم

التحميه الا ان يتحرك امبير الحراره شي بسيط وبعدها عشق وامش

جميع الكاتلوجات حقت السيارات الجديدة تقول من 30 ثانية الى دقيقه كافية جدا واذا زت عليها احتمال يتجمع الكربون بالمكينه وبعدها يحتاج لك تصفيه

يالبا   بانوراما مرسيدس   2010   تحميتها 5 ثواني   ومكتوب في كتلوج حقها 

انا سيارتي دايهاتسو تيريوس في علامة في الطبلون لازم تطفا ثمن احرك في البرد الشديد يمكن تاخذ التحمية من ١٠-١٥ دقيقة

حبة دقيقة كااااااااااافية جدا