طرمبة الزيت ليوكون دينالي ٧

غيرها وبالغالب تكون من لزوجة الزيت الثقيلة

غيرها عشان ما تأثر على المكينه ولاعاد تمشي عليها وتاكد من صوت السياره عند التشغيل في الصباح اذا في صوت طقطقة فالوضع لازم تغيرها لان الزيت مايروح لراس المكينه اول التشغيل وهذا يؤدي الى تخبيط لاسمح الله اقولها لك عن تجررررربه

عادي غيرها وسعرها حول الالف ريال بس تأكد ان العطل منها يمكن من الحساس او العداد

تبغى تعرف وش سبب تعطل طرمبة الزيت ؟


راح اجيبلك رد احد المهندسيين والمجربين لسبب عطل طرمبة الزيت وراح اعطيك رده واذا تبي رابط الموضوع انزله لك بس لانو الموضوع طويييل جدا فراح اختصر عليك بالشي اللي قاله.


عزيزي اهم عامل مؤثر على المكينه من ناحية لزوجة الزيوت هو اول 60 ثانيه من تشغيل المحرك وهو بارد (cold start)

لان عند تشغيل السياره وهي بارده الزيت يكون في بطن المكينه وهي طافيه والمكينه تستمر فتره دقيقه تقريبا تتحرك البساتم فيها بدون تزييت على ماتحركه الطرمبه. اللحظه هذي من تشغيل المحرك هي الي تحدد عمره ومتئ ينتهي (الشي الي انت خايف منه)

الان نتفق ان اللحظه المهمه والحرجه هي اول 60 ثانيه من تشغيل المحرك. ولو تلاحظ في الجدول الي كنت تحطه ان البيانات الموضحه فيها كانت تبدا درجات الحراره فيها من الحد الادنئ ( اغلبها بالسالب, بارده جدا) ثم السهم تشوفه يمتد الى النهايه بدون تحديد هل درجة الحراره يتحمل الى 40 او 50 مثلا. لو درجة الحراره الخارجيه مهمه حتى بعد مايسخن المحرك كان تلاقي في الجدول تحديد الى درجة الحراره القصوئ برضو!

لان الحد الاعلى عالي جدا وغالبية الزيوت راح تغطيه (ولا ماكان لها اي فايده. الخلاف على التزييت في بداية التشغيل).. المكائن توصل حراراتها الداخليه مابين 100 الى 108 (هذي افضل درجة حرارة تشغيل للمحرك ويكون فيها بافضل حالاته) برأيك درجة حرارة المحرك الداخليه 100 وفوق هل يفرق عندها الخارجيه هل هي 45 او 50 ؟

اذا نستنتج ان الاهميه هي ماهي في درجة الحراره الخارجيه. درجة الحراره الخارجيه تشيل همها لما يكون الطقس جدا بارد يسير وقتها ارجع للجدول وشوف اي واحد يناسب برودة منطقتك بحيث انه يكون خفيف كفايه الى ان يتفكفك بسرعه ويروح للبساتك ومايصير متلبد من البرد ويطول وهو ماتوزع ع كامل اجزاء المكينه.


بالمناسبه, ارجع لجدولك حتلاقي ان لزوجة 5w30 مناسبه لجميع درجات الحراره مهما كانت بارده (او حاره. لان الحراره الخارجيه مالها تاثير كبير بالنسبه لحرارة المحرك الداخليه)


ابي منك تروح لواحده من السيارت الي تحط لها زيت 20w50 تعال لها الصبح (وتكون السياره طول الليل واقفه وماحد شغلها) .. شغل السياره وركز. اراهنك اذا ماسمعت صوت تكتكه طالع من المكينه يستمر فتره من الزمن وييختفي.

كل ماطالت هالفتره ( اكثر من 30 ثانيه ) مع الوقت حيندمر المحرك. وكل ماقلت كان افضل.

حقيقه, انا متخصص في الهندسه المكيانيكيه .. واستند في قرارتي على الي تعلمته في التصميم الميكانيكي. الموضوع فيه ستاندرز واستناد على شهادات وتقاييم. اما كلام البناشر لا يؤخذ عليه لاهم ولا الوكاله. لان هالشي ( مع اشد احترامي لهم) يتخطئ معلوماتهم بكثير.

ايضا اخوي. المساله مو مسالة استخدام شاق وحرارة خارجيه فقط. في اشياء اكثر من كذا. واحد منها ع سبيل المثال طرمبة الزيت, في سيارات جي ام مكاين الفورتيك لو تحط لها لزوجة 20دبليو 50 تودع. وهذا الي خلئ اكثر اصحاب الجموس يشتكون منها ويقولون ان فيها خلل تصنيعي وتخبط.

لا ياعزيزي مافيها خلل تصنيعي طرمبة الزيت, المشكله ان المستخدم نفسه يشوف في الكتالوج مكتوب "استخدم 5w30 ولا تستخدم اي من 10w30 او 20w50" والاخيرتين كان محطوط تحتهم خط!

وحقيقه, ماقد احكم ع موتر كرافت ان هو سبب عطل مكينتك لان مابينت سبب العطل انت. ومافهمت من مشاركاتك كيف كان توصلت الى ان سبب العطل هو الزيت؟ لكن حسب خبرتي المتواضعه ان المشكله ماكانت في الزيت نفسه, المشكله كانت في قرارك اخوي. انت استخدمت زيت ثقيل لفتره طويله جدا الى ان توسعت مسامات المكينه. ثم انتقلت الى زيت خفيف بالتالي صار اصغر من المسامات الي تسبب فيها الزيت السابق وبدا التخبيط.
المفروض العكس, تبدا بزيت خفيف وبعد مسافه طويله جدا. تزود لزوجة الزيت.

شخصيا استخدم نفس موتر كرافت الي انت كنت تستخدمه 5w30
موتري تاهو 2011 وخليجي
ممشاه 35 الف تقريبا
الى الان اشوفه عادي مافي عليه اي ملاحظات.
وسبب اختياري له ان حاصل على اعلى تصنيفات
SN
GF-5
باعتماد الـ API

اتمنى تكون وصلت مشاركتي رغم انها طويله. حاولت ابتعد عن المفاهيم الهندسيه وخرابيطها واوصل عصارة معلوماتي كـ سرد عادي