تركيب مكينة يوكن 2014 على موديل 2007

اذا مكينتك مافيها نقص زيت افضل لك خذلك عامود كامات وتكايات وطقم وجيه روس وطبقها ترجع لك وكاله وغير جلد البلوف افضل من تاخذ مكينه مستخدمه ماتدري وش فيها على الاقل مكينتك عارف نظافتها ولاتكلفك الا ربع قيمه مكينه ثانيه تحصل مكينه ترجيع فى التشاليح قله يفك لك عامود الكام منها وشفه اذا سليم ركبه وامورك طيبه

برضو شيك على طرمبه الزيت اذا تحتاج استبدال وربله الشخال غيرها مره وحده 

كذا احسن يعني لان القفل البستم عقدني مع الدعسة المفاجاة

مافهمت عليك ايش تقصد القفل البستم

تقفل التكاية مع البستم مثلا بستم رقم واحد او 6 او 4
والاغلب 1

انت دام التكايات عندك خربانه حاول ماتمشي على الموتر الى لين تصلحها
اذا غيرت التكايات وعامود الكام بيرجع الموتر مثل الوكاله نصيحه اخو لاتسمع كلام الورش الي يقولك غير وغير رح لورشه قله غير لي عامود الكام والتكايات غير طقم كامل عشان تطبقها وتنساها وخذلك طقم وجيه روس مع ربله الشخال وطرمبه الزيت اذا كانت ضعيفه انصحك تركب حقه 6.2 حقه الجمس الدينالي ضغطها اقوا من حقه الفورتك
وخذلك جلد بلوف ود الروس لمخرطه يسوون صنفره بلوف ويركب جلد البلوف لك وطبقها صدقني بيرجع الموتر وكاله
معي كابرس 2011 خربت على التكايات وغيرتها لحالها لى انه الكام عندي الحمدلله ماتضرر والحمدلله رجع وكاله مع العلم مشتغله انافى البيت مادخلته ورشه بحكم الشغله مهي صعبه واعرف لها

يعني احسن َم تغيير الماكينة

ايه اكيد تغير المكينه لوكان الخلل عندك فى البلوك مثلا سبايك او عامود الكرنك او الشنبر عندك تعبان اقولك غيرها بتكلفك كثير بس تكايات وعامود كام حرام تغير مكينه كامله عشانه انت عندك نص المكينه تقريبا فيه خلل الباقي سليم على فكره ترا الشغله ماتاخذ الى يوم واحد فقط وتستلم سيارتك انصحك تشوفلك مركز شغله مضبوط وشفلك احد يشد بمفتاح العزم او التوك رنش عشان يشد لك الروس شده الوكاله