أضف سؤال أو موضوع جديد          

هل من حل لمساعدات الكهرب للجمس 2007 - 2014 ؟

up 1 down 0
رحـ العاصفة ـيل 68
قبل 3 أسبوع و 6 يوم



السلام عليكم ورحمة الله

موضوعي استفسار عن مساعدات الكهرب الخاصة بالجمس ( يوكن ، تاهو ، دينالي ، سكاليد ) موديلات 2007 الى 2014
مثل ما تعرفون ان اليوكن والتاهو الفل كامل مساعداته الخلفية اعتقد نفس الدينالي والاسكاليد كهرب

انا عندي تاهو 2007 امريكي فل كامل LTZ مساعدات خلفية هيدروليك ( او كهرب مثل ما يسمونها )
انفقعت العام الماضي ورحت غيرت الأثنين الخلفية بسعر 950 ريال للواحد وشغل يد الواحد 100 ريال
اول 3 شهور تمام معي وبعدها صرت اسمع صوت ماطور الهيدروليك كل ما وقفت عند اشارة او وصلت عند البيت يشتغل بلحاله
وكأن السيارة محملة يبي يرفعها !!
والسيارة فاضية مافيه الا انا .. يعني المفروض ما اسمع صوته الا اذا تحملت السيارة يبدأ يشتغل

وبعد مرور السنة ونص تقريبا انفقع المساعد اليسار

بصراحة احترت وش الحل ؟
لفيت الصناعية لين دخت مالقيت حد يفيدني او فاهم في موضوع هالمساعدات الكهرب للجمس ولا لقيت حد يصلح او يشيك لى الماطور الهيدروليك

اتمنى تفيدوني .. ودي شخص فاهم يشوف الماطور اذا فيه مشكلة ويتصلح او الشكلة من المساعدات وجودتها والا وين المشكلة بالضبط ؟؟؟

شاكر ومقدر تعاونكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقدر تركب مساعدات الاستاندر مع فصل الكهرباء عن ماطور المساعدات الكهربائية.


up 1 down 0
asalami 2122
قبل 3 أسبوع و 5 يوم



او هذا الحل الاحترافي

https://youtu.be/v_2GtXT4_NE


up 0 down 0
asalami 2122
قبل 3 أسبوع و 5 يوم



الحل بدله الى عادي بدون بالونات 
لاكن راح يتغير عليك الموتر من ناحية الراحة 
والتكلفة من 1000الى1500 ريال


up 0 down 0
باترول 2020 2621
قبل 3 أسبوع و 5 يوم



مشكورين يا اخوان على تجاوبكم
انا حاليا مركب مساعدات عادية من 4 شهور تقريبا لكن الصراحة كرهت السيارة بسببها مافيها اي توازن مثل ما كانت السيارة سابقا

انا الي احتاجه حاليا فحص واصلاح جهاز الهيدروليك اذا يحتاج اصلاح وهو اهم شي بالموضوع لأني غيرت مساعدات مرتين وحرام والله سعرها موب رخيص المساعد الواحد يكلف 1000 ريال مع تركيبه

الأخ 0asalami
الفيديو عجبني والشرح واضح وممتاز .. لكن المشكلة انه يلغي الهيدروليك كامل بحساساتها ويركب مساعدات عادية يعني ماستفدت شي وانا اخوك

الفكرة يا اخوان اني بركب مساعدات هيدروليك ماعندي مشكلة وان كان سعرها غالي لأنها تتحمل اقصى سرعة للسيارة وتمنع الاهتزاز بالسيارة
ومع المساعدات العادية تحس السيارة ترقص عل سرعة 140-160 مافيها راحة مثل السابق
مشكلتي تتضمن في فحص جهاز الهيدروليك ان كان سليم او يحتاج اصلاح او تغيير ومن الورشة الي يفحصونه او يصلحونه
لأن اغلب الي لقيتهم يصلحون بوالين واجهزة هيدروليك الغاز الخاصة بالسيارات الألمانية فقط ( بي ام ، مرسيدس )
السيارات الأمريكية من الورشة الي فاهمين فيها ويفحصون الهيدوليك الكهرب ويعطون النتيجة وبسعر جيد ؟
هذا الي حيرني بصراحة

طبعا بقية المساعدات ما تنفع للجموس بشكل عام :
مساعدات بلاستين قاسية وتنفع للسيارات المهربدة الي ما تحتاج تبحث عن الراحة فيها ( مركبا سابقا على جمس غمارة )
مساعدات مونرو تنفع للسيارات الي مساعداتها غالية وراعيها يبي يبيع ويخلص ناشبة بحلقة ( مركبها سابقا على كدلك كونكورس )
مساعدات كنج رينش سعر أغلى من الوكالة الأصلي ( تنفع للبيك آب محركات كبيرة 6.0 لتر و 6.2 لتر : رابتر ، F250 ، جمس 2500 ، رام 2500 )



up 1 down 0
رحـ العاصفة ـيل 68
قبل 3 أسبوع و 5 يوم



وعليكم السلام
تواصل مع قناة تاهو ويكون ابو جهاد
على اليوتيوب وراح تستفيد كثير


up 0 down 0
احمد 170 326
قبل 3 أسبوع و 4 يوم



حلك عندي اخوي انا عندي اسكاليد وكان صوت الماطور مزعجني زي ما تفضلت ركبت كعكات خلفية ٢ سم علي اليايات وظبطت معي لها حول ٣ سنوات ما يشتغل الماطور الا اذا شغلت السيارة او حملتها حمولة تستاهل انه يشتغل حتي المساعدات ما اذكر متي غيرتها صار عمرها اطول

لا تنسانا من دعائك...


up 0 down 0
مى مى 810
قبل 3 أسبوع و 3 يوم



احمد 170
شاكر ومقدر تعاونك ربي يسعدك .. لكن ابو جهاد ماعنده خبرة في المساعدات

مي مي
الله يوفقك وييسر امرك ورحم الله والديك
اعطني تفصيل اكثر ..
كعكات اسفل اليايات الخلفية : معناته الخلل الاساسي في اليايات ؟؟؟؟
اذا كان رفعت اليايات وسكت الماطور اتوقع اليايات ضعيفة ونازلة عن مستوى رفع الهيدروليك
تتوقع يكون هذا هو السبب ؟؟؟
فكرتك حلوة .. واذا الوضع يستحق معناته مضطر ارفع السيارة 2 سنتي من الخلف و 3 سنتي من الامام عشان تنوزن بوقفتها



up 1 down 0
رحـ العاصفة ـيل 68
قبل 3 أسبوع و 2 يوم



اذا رفعتها ٢ سم من الخلف ماراح تأثر كثير ولا راح يبان عليها وانا سويت هالطريقه الغير مكلفة نهائيا اظن بالتركيب كلفت ٣٠٠ ريال وارتحت جدا وحبيت الموتر بعدها جربها وراح تدعيلي واذا ما ناسبك الوضع مالك الا تغير اليايات بس انا اشوف جرب الشي الرخيص اول توفيرا لك والله ييسر امرك


up 0 down 0
مى مى 810
قبل 3 أسبوع و يوم



صحيح الكعكات اسفل اليايات وتكون المونيوم تعيش معك فترة انا مركبها من ٣ سنوات وللآن ممتازة


up 0 down 0
مى مى 810
قبل 3 أسبوع و يوم



الله يسعدك ما قصرت
الأن برجع اشتري لي مساعد يسار وكعكات ثم اركبهم من جديد واشغل الهيدروليك
كنت خايف لا يكون جهاز الهيدروليك خربان لكن اذا كانت المشكلة بسبب اليايات مرتخية فالأمر سهل

الف الف شكر وفقك الله .. بجرب واذا ضبطت بعطيك خبر للفائدة العامة


up 0 down 0