أضف سؤال أو موضوع جديد          

موضوع مطروح للنقاش ما أفضل سائل تبريد المحرك للمجربين؟

up 4 down 1
abu mohammad 555 63
قبل 5 شهر



السلام عليكم، تقبل الله منا ومنكم صالح الأعمال وبارك لنا فيما تبقى من رمضان،،
كما في العنوان يا أخوان ما هو أفضل سائل لتبريد المحرك (الرديتر) علمًا بأن السيارة يوكن ٢٠٠٧، أرجو من أهل الخبرة المشاركة
دليل المالك يوصي باستخدام Dex-Cool 50/50 بحيث يتم تخفيفه بالمياه المقطرة، الكثير لم ينصحني بالـ ACDelco الصناعة المحلية ما رأيكم بالأمريكي وكذلك توجد عدة خيارات أخرى:
Zertex
Prestone
Peak
General Motors
Mitsubishi Motors
Mercedes-Benz
Motorcraft




ما هو أفضل خيار وكم جالون أحتاج بحيث أتفادى مشاكل الصدأ والحرارة وبالنسبة ما الذي يناسب السيارة الأحمر أم الأخضر وهل ينصح بتفريغ القربة سؤالي الأخير يوجد سائل لتنظيف الرديتر كيف يستخدم أرجو الإفادة من وإلى بارك الله فيكم. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماادري عن سؤالك الاول لكن تنظيف الرديتر افضل طريقة تفضي مويته كاملة وتغسله لين يطلع الصدا والوصخ وبعدها تحط ماء مقطر وتمشي عليه فترة وبعدها تنزله وتحط سائل تبريد ممتاز ، هذي انسب طريقة تنظيف


up 2 down 4
0abo_waleed0 103
قبل 5 شهر



ميستوبيشي و مونر كرافت ثق فيهم. ومرسيديس ممتاز وكثير يمدحوه يمكن يكون اغلى شوي. وشركة بريستون كثير يمدحوها وانشهرت بالفترة الأخيرة لكن ما اعرف اذا هي ممتازة ولا بس دعايات. والأفضل انك تأخذ الجاهزة وتريح نفسك. للتنظيف شاهد https://www.youtube.com/watch?v=g8YZF5cW7-A


up 2 down 0
dell2012 900
قبل 5 شهر



ماء رديتر السيارات الكوريه 50:50 افظل تركيز


up 2 down 0
osamah5887 116
قبل 5 شهر



تويوتا وارفع يدك او موية هوندا او متوتر كرافت


up 0 down 1



كل سيارة لها نوع خاص من الوكالة ف انتا حط مثل ماكان او تسأل وش السائل المناسب لنوع سيارتك


up 2 down 1
zax_makkah 235
قبل 5 شهر



ماء بيرستون امريكي جاهز مخلوط 50/50 ما تحتاج إضافة ماء مقطر مكتوب عليه GM
وانا مجربه و سعره 60 ريال و ممكن للجمس تحتاج عدد 2 جالون
و يستعمل حتى 150 ألف كم في حالة كانت السيارة عندك مافيها صدأ او مشاكل في دائرة تبريد
المحرك
و بالنسبة لسائل تنظيف دائرة التبريد متوفر في محلات العدد او ساكو
او القطع radiator flush من عدة شركات منها بيرستون



up 1 down 0
alhkami 424
قبل 5 شهر



عن تجربة وليس قيل وقال
ماء تويوتا لأن فيه مادة تشبه الزيت تقوم بتزييت طرمبة الماء
والمواصير 
أنا أستخدمه لكورلا 98 من ثمان سنوات وقبل فترة سكرت الكبوت
على مفتاح عدة كبير وكسر جزء الرديتر العلوي البلاستيكي الأسود 
وغيرته ويوم فكوه شفت داخل الرديتر يلمع وكأنه جديد ولا صدأ 
ولا ترسبات .


up 1 down 1
ملوكي2015 -7
قبل 5 شهر



وعليكم السلام

اغلب موية الدرييتر الاصلية تشترك في نفس المواد والمكونات ويختلف اللون فقط ،،، خذ اي نوع اصلي وهذا يكفي 


up 1 down 0



بالنسبة للتنظيف اذا تبغ تنظف ،،،،مافي داعي اذا كان الرديتر نظيف ومافيه صدا ولا شي ،،،،بس اذا اردت خذ موية مقطرة وعب الرديتر وحط معاها المنظف وشغل السيارة وخذ فيها فرة وعينك على الحرارة بعدها فضه وعب الموية الاصلية


up 1 down 0



ما قصرتوا جميع بارك الله فيكم، جعلكم ووالديكم للجنة


up 0 down 0
abu mohammad 555 63
قبل 5 شهر



جميع انواع ماء الرديتر الاصليه سواء موتر كرافت بريستون هونداي تويوتا ميتسوبيشي نفس المواصفات تقريبا والفرق اللون

جميعهم فيهم الماده الزيتيه واخفهم بالماده تويوتا الاحمر واي سي ديلكو الصناعه المحلية
تويوتا الاصلي الاسود افضل بمراحل من تويوتا الابيض واي سي ديلكو الاصلي يختلف عن المحلي

ارشح لك اذا ماتبي تخلط وتتعب نفسك بريستون وميتسوبيشي بدون خلط مخلوط وجاهز وبريستون امريكي اصلي ماهو صناعة محلية


up 1 down 0
7amood1930 199
قبل 5 شهر



ملاحظة ياغالي 
دليل المالك يوصي باستخدام Dex-Cool 50/50 بحيث يتم تخفيفه بالمياه المقطرة،
المعلومة هذه فيها خطاء وانا اخوك
50/50 تعني ان هذا الماء مخفف مسبقاً من الشركة ولا يحتاج اضافة ماء مقطر سواء كان اي سي ديلكو او شركة ثانية 
يعني اذا بتعبي منه تحتاج جالونين او ثلاثة عشان تعبي الرديتر كامل 
المركز فقط هو اللي يحتاج تخفيف بماء مقطر 


up 1 down 0
hussain4 845
قبل 5 شهر



انا جربت حق تويوتا على جمس والى اللحين ممتاز شريته من الوكيل لان المحلات اللي برا ماتدري وين اللي يغش وين الالصاحي


up 0 down 0
oneplusone 30
قبل 5 شهر



اول حاجه انا بفهم شي من قالكم ان مويه الاديتر تزود ماء مقطر ؟؟؟

اذا كان دليل المالك يوصي باستخدام تركيز 50:50 فما يحتاج اضافه ماء مقطر ولا معطر ولامقري فيه ههههههههههههههه يكون بعلمك لو اضفت ماء عادي او مقطر لتركيز 50:50 ابشر بالصدأ وخراب طرمبه المويه لان فيها املاح وتسبب ترسبات داخل دورة التبريد المصنوعه من الالمونيوم سريعه الصدأ

يجي واحد ويقولك الماء المقطر مافيه املاح ؟ اساسا هو بخار متكثف لا حبيبي ذاك الاصلي اللي كرتونه ب 170 ريال وعلبته بيضاء ولاتشوفه بالبناشر ابدددد لانهم ياخذون التجاري ابو علبه حمراء وكرتونه ب 15 ريال كنت اخذه لمويه المساحات وكان فاشل فيه املاح اشوفها على القزاز


up 1 down 0
ابو هيثم 7 2249
قبل 5 شهر



اما اذا كان تركيز موية الارديتر اعلى مثل 70:30 ذاك الوقت اتبع تعليمات الكتلوج بتخفيفها بالمويه المقطرة..

المهم ياصاحب الموضوع انا استخدم مويه هونداي تركيز 50:50 صناعه تايلندية واشوفها افضل من مويه تويوتا المصنعه محليا مثلها مثل اي سي ديلكو مافرقت غير اللون (( وحق تويوتا الاصلي علبه سواء ابشرك انقطع ولا عاد يجي مافيه الا العلبه البيضاء صناعه محليه مثل ماذكرت ))

ولعلمك انا استخدم مويه هونداي الاصلية حتى على مواتر تويوتا عندي .. البقية مثل مثل موتر كرافت ماجربتها ولا اعرف اذا كانت مصنعه محليا ام لا


up 0 down 0
ابو هيثم 7 2249
قبل 5 شهر



بالنسبه لسؤالك عن تنظيف الارديتر.. افضل طريقه سويتها انا جبت جالون مويه جديد واضفته للاديتر وبعد يوم فكيته وخليته يصب واضفت واحد جديد علشان يتجدد كامل المويه

طبعا ماتعتبر خسارة وكلها 90 ريال لان سعر الجالون الواحد 45 واشوفها من وجهة نظري اسلم من تخبيص سباكين الصناعيه وطريقتهم البدائية اللي يضيف لك اسيد مجاري وانت بكرامه والا كلوركس هههههههههههه ولا حسب حساب انه ممكن يقطع الخراطيش بحكم انها مصنوعه من الربل

وانت عاد شوف مويه الاديتر القديمه عندك وتحسسها بيدك اذا مافيها شوائب ولا فيها لون بني مشابه للطين فما تحتاج اكثر من الطريقه اللي سويتها وتقدر تسويها ثلاث مرات بدل مرتين على راحتك اهم شي شغل مضمون بدون تخبيص ولا ترقيع .. وتذكر دام الكتلوج يوصي بتركيز 50:50 لايقرب الارديتر مويه عاديه نهائييااا سواء كانت مقطرة او غيره


up 0 down 0
ابو هيثم 7 2249
قبل 5 شهر



والله انا جربت موية موتر كرافت المويه على شكل زيتي ثقيل وجربت برجستون المويه اخف نصيحتي خذ موية موتر كرافت ممتاز جدا


up 0 down 0