هل أجد من يصلح باكم الجمس 2011 HD ؟

وعليكم السلام ورحمة الله وبركاته 

الافضل اذا نويت تصلحه تروح الوكالة وتشوف ثمن طقم الاصلاح اذا موجود وهل يستاهل تدفعه ،،،ورح عند محلات اصلاح وعطه شغل يده مع ضمان شغله ،،، وان شفت المبالغ اللي بتصرفها غالية دور لك تشليح ويكون عليه ضمان ،،، ولا تنسى هذي فرامل مهمه جدا 

شف لك شخص فاهم وخله يعلمك وش تجيب ، وجب له القطع بنفسك وهو ياخذ حق شغل يده فقط ، الزيت خذ امريكي wagner سعر العلبة 8 ريال وممتاز ، مع مراعاة ان زيت الفرامل يجب تغييره كل سنتين مهما كان نوعه

لا تغير الباكم كامل
اهم شي الاصلاح الداخلي والجلب
ولازم تكون اصلي ....الجرم الحديد ما يتغير
وشيك على جلد سلندرات الاقمشه احيانا
تصلب

شوف ياغالي اول شي روح الوكالة وشف هل للباكم طقم اصلاح ينباع عندهم 
اتوقع انهم يبيعون باكم كامل فقط لأن عندي جمس 2007 وشريت له باكم كامل لأن مايجي له اصلاح
اذا  قالو مايجي له طقم اصلاح اعرف ان اللي رحت لهم كلهم يرعون وان شغلتك ان شاء الله بسيطه اما تكون جلدة ولا غيرها 
ممكن اصلاحه 
واذا يجي له طقم اصلاح اقلها بتشتريه وبتحاسبهم على اجرة اليد 

مشكورين يا اخوان على تجاوبكم معي بارك الله فيك

المشكلة ان سالفة ( باكم هيدروليك ) اول مرة تصير لي مع جمس ! كنت متوقع ان الباكم عادي وكلها طقم اصلاح بسيطة عند اقرب بنقالي ويعيش فتراة طويلة عادي جدا
لكن رحت فحصت عند كذا شخص قالو لي باكم هيدروليك في البداية ما صدقتهم ..
وجدت اغلب الشباب يتكلمون عن باكم الهيدروليك
فلما بحثت عن هالموضوع وجدت ان الجموس بشكل عام من موديل 2009 او 2010 تقريبا وطالع تجي باكم هيدروليك
عموما بيض الله وجيهكم ما قصرتم على الردود الطيبة وانا بحاول اروح للصناعة مخرج 17 لمحلات الهيدروليك
بالنسبة لقطع الغيار بشكل عام هي 3 صوف داخلية وخارجية وهذي أغلب الباكمات الي عرفتها من سنين
لذل ما يحتاج وكالة . اقرب محل قطع غيار متوفرة فيه
شخص واحد الي تكلمت معه عن القطع قال لي بلف داخلي للباكم !!! وهذا حسيت انه كذاب والله اعلم لأنه ما يجي بلف داخلي . كلها مجرد صوفتين ربل وصوفة نحاس
بالاظاف الى الزيت فقط .

راح اشوف وش يصير معي يمكن اكون اخطأت في بعض المعلومات والله اعلم ولكن بشوف الوضع واحاول انزل صور للقطع المطلوبة
دعواتكم

هذا مقطع يشرح عملية عمل الباكم :
https://youtu.be/HGZoujYf-EQ
ولو كانت مشكلة بلف فهذا يعني ان الباكم لا يمكن توظيبة او اصلاحة ويجب تغييره بالكامل افضل

مجرد معلومة اجتهادية ومثل ما قلت قد اخطئ وقد اصيب والله اعلم .. وهناك من هو اخبر مني

السلام عليكم ورحمة الله

الله يجزيكم خير جميعا .. وكما وعدتكم راح ارد عليكم بالحل باذن الله
عموما ابشركم زبط الباكم والمشكلة هي طقم اصلاح كلفني 250 ريال في ورشة اسمها ( الأمان للهيدروليك ) مقابل تشالينجر بالصناعية مخرج 17
حبيت افيدكم وربي يكتب الي فيه الخير لي وللجميع

تحياتي لكم

الجمس الاتش دي من يوم طلع وهو باكم هيدروليك.
عيبه طقم الاصلاح مافيه الا امريكي اعطه سنه الى سنتين ويرجع يهرب
ووممكن يكون حسب تركيب الفني لأني صراحة غيرته مرتين
وكل مره يخرب والان يهرب وراح اشتري جديد وافتك منه

كنت اسولف مع الفني بورشة الامان الي صلحت عندهم واسأله عن سبب عطل الباكم لأني على كثر ماستخدمت جموس ماعمره خرب عندي .. اول مرة يخرب مع موديل 2011
فقال لي بعض السيارات عيب مصنعي ويعلمني عن دودة دركسيون ارمادا كان واقف جنبي موديل 2015 يقول اول مرة يجينا ارمادا فيه مشكلة بالدودة ! فقال بعض السيارات فيها عيب مصنعي معين وبعضها ماشيه امورها
فقلت له بغير باكم جديد واريح مخي من الاصلاح كل شوي لو خرب
قال احتمال يكون الباكم الي تشتريه بعد فيه عيب مصنعي ويخرب بعد شهر والا شهرين وش تسوي ؟
بيني وبينك غصيت هههههههههههههه
قلت صلح صلح وانت ساكت والله يعين

اخاف اقول لك زين ما سويت تاخذ جديد والخوف يطلع فيه عيب مصنعي ! قهر .. والوكالة ما تضمن الا شهر او اقل والأغلب تضمن تشغيل يعني تركبه من تاريخ الفاتورة يعطيك 24 ساعة الى 72 ساعة ولو رجعت لهم قال لك انتهى ظمان التشغيل والتجربة والاسترداد
لكن ركب خذ من التشليح دامك ناوي ناوي .. على الاقل خسارة مقبولة
ان مشي حاله فأنت محظوظ وان خرب فتكون الخسارة اقل

وربي يكتب لنا ولك وللجميع كل خير وييسر امورنا

يالغالي انا عندي نفس مشكلتك 
الي هو الباكم 
ما شاء الله عليك الان صار لك تقريبا سنتين من كتابة الموضوع 
هل تنصحني اسوي الباكم عند نفس الورشه الي صلحت فيها 
علما اني مريتهم وقالي 250 ريال 
سيارتي جمس 2001 

ياهلا وياغلى .. المعذرة على التأخير في الرد
صلح عندهم وانا اخوك بصراحة شغلهم نظيف وسعرهم انظف :)
لا تتردد بحسب تجربتي وشغلهم نظيف ماشاءالله