أضف سؤال أو موضوع جديد          

الغش في السيارات المستعملة الموديلات الحديثة

up 2 down 1



السلام عليكم ورحمة الله وبركاته


ياخوان عطونا طرق الكشف عن تاريخ السيارات من حوادث وغيرها خصوصا الموديلات الحديثة

في حال الرغبه في شرائها

هل هو عن طريق المرور
او شركات التأمين
او الفحص الدوري
هل هاذي الجهات تتفاعل معك او ماتعطيك وجه


لان وصل الغش في السيارات الى تصليح التالف نهائيا وممكن عن طريق الواسطات

يعدلون البيانات







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أطلقت الإدارة العامة للمرور خدمة جديدة تهدف إلى تسهيل عملية بيع وشراء السيارات المستعملة وذلك عبر توفير تاريخ ومواصفات وسجل السيارة المطلوبة.

تحمل الخدمة الجديدة اسم “موجز” حيث تتيح هذه الخدمة لكل من البائع والمشتري، مراجعة تاريخ السيارة من حيث الحوادث والصيانات والإصلاحات وذلك وفقاً لمصادر رسمية لا يمكن التلاعب بها. ويمكن طلب التقرير الموجز عن السيارة عبر الخدمة وإدخال رقم هيكل المركبة وبعض المعلومات الأخرى الموضحة في الفيديو أدناه.

يقدم التقرير عدداً من المعلومات القيمة التي تشمل كلاً من:

عدد المرات التي تم الاستعلام بها عن المركبة.
عدد الحوادث المسجلة على المركبة.
عدد الملاك السابقين للمركبة.
آخر فحص فني للمركبة.
وزن ونوع ولون وتاريخ صنع المركبة.
رقم الهيكل الخاص بالمركبة.
عدد المخالفات السابقة المسجلة على المركبة.
تفصيل الحوادث المسجلة على المركبة.
نوع التأمين وتاريخه.
سجلات الصيانة وتواريخها والعديد من المعلومات الأخرى.

اكتب في قوقل ( موجز ) او قوقل بلاي


up 5 down 0
اكس بلور 2010 12
قبل 8 شهر



رفيق لي يبحث عن سياره له شهرين اللي فحص ٤ كلها سيئه
وغير كلام راعيها
يقولك طرف الرفرف. تفحص تحصل التلحيم تحت
الممشى ٧٠ الف. فقط
تفحص الا المكينه شبه منتهيه
اما آخر مره غير الزيت قبل ٧٠ الف ك
او مرجع العداد
والنظيف يطير قبل يطب السوق



up 0 down 0



أيضا إذا بتفحص اتجه لمراكز الورشه تحصل ميكانيكي
يعرف السياره بصوتها بريحة الزيت الشكمان
لأنها شغلته
اما مراكز فحص قليل تحصل الفاهم
وهمه يمشيك علشان السيارات اللي صافه خلفك بتفحص خصوصا اذا انت عند المعارض والحراجات
والظمان ٢٤ ساعه. مايمدي يطلع شي وتحصل بالضمان مايشمل شي أيضا
ضمان فحص
يستثنى كذا وكذا ....


up 1 down 0



خدمة موجز ذي توي ادري عنها الصراحة


لكن عطونا طرق الغش اللي مايتم اكتشافها


موجز غالي وبفلوس. بقيمة الإستعلام إللي ماتدري وش وضعه بإمكانك تودي الموتر محل فحص وخلصنا


up 3 down 0
hemo1001 42
قبل 8 شهر



ي رجال موجز خرابيط والله اني دخلت معلومات سيارتي ومن يوم شريتها

اغلب اللي فيه غلط وناقص واذا ببيع مابغش احد بس للامانه ناقص معلومات وفيه اغلاط


up 1 down 0
7amood1930 236
قبل 8 شهر



صحيح ممكن موجز غير مفيد

لان احيان تصير حوادث ما يدري عنها التأمين ولا المرور


حياك
من واقع تجربه
اذا بتشتري سيارة مستعمله لاتغرك الصور نهائي
بخصوص فحص الكمبيوتر فقط البدي اذا فيه رش بيعلمك
ولاتعتمد بعد وده الى سمكري يفحص لك الشاص
واذا البدي جايه قص او سمكرة مخفيه لن الخبرة له دور كبير
وانتبه الى لمبة الاارباق فيه ناس ماتخاف الله يشبكة مع لمبة
البريك اذا طفت لمبة البريك بعد التشغيل هي تطفي معها
نجي للمحركات
اول نضرة ع مسامير الكبوت هل سبق فكها اولاا
وانصحك تشوف ميكانيكي يشيك اذا هو فعلا المكينه مفكوكة
كذالك القير والمقصود بفك القير ماهو تغيير زيت وفلتر
او فحمة وكلتش
اقصد اجزاء القير كامل
والمكيكانيكي يعرف هالشي
واخيرا انت بنفسك اطلع ع السيارة ولاحظ اذا فيها حرارة
او حذفية او فيها صوت للكارونه اذا اقتنعت توكل على الله
وسلامتكم


up 1 down 0
باترول 2020 2594
قبل 8 شهر



بالمعرض لما ترغب في الفحص لا تروح للمحلات الي مخصصه للفحص خاصة الي يوديك لها الشريطي بنفسه لانه متفق مع العاملين بورشة الفحص ان يخفو العيوبويطلعون لك عيوب تافه لانه لو اظهرو العيوب ماراح يجيب احد يفحص عندهم
الافضل انت بنفسك تختار ورشة حقيقية من الورش وليس محلات الفحص وخلي المكيانيكي يفحص المحركات والسمكري يفحص البودي والشاص ، واشرط على البائع ان طلع عداد الطبلون يختلف عن المسجل بالفحص الدوري انك تسترد فلوسك وترجع السيارة او يرجع لك من قيمة السيارة وهذا لازم يسجل بعقد المبايعه لان شيخ المعرض عند الشكوى مايحتكم على قال ويقول ، فقط يعتمد المسجل بالعقد


up 0 down 0
ابو لؤي2017 54
قبل 8 شهر