ابحث عن دبة لموتري فهل من مجيب ؟

ركبت الماقنا فلو على اكثر من ونيت ،، موديل ٩٦ ومديل ٢٠٠٠ و ٢٠٠٢ 

كانت حلو اخذتها من اوتو مول زمان حول ٧٠٠ 

وكنت طالب منه تكون هاديه وفعلا صارت مثل صوت الدينالي اعلى ب شيء بسيط 

لكن مع الاستخدام الكثير يزود الصوت ، ف كنت اذا زاد الصوت فكيتها وركبت جديده لان تخرب النغمه مع انها كانت اصليه

بالنسبه للفلو ماستر ماركبتها وكان راعي المحل مايمدحها لان صوتها عالي والبورلا كذلك 

جرب الماقنا ((( اصليه ))) واطلبً الي صوتها هادي 

وبالتوفيق

من افضل الدبات الي شفتها لحد الان فلوماستر سوبر 10
صوتها طرب طرب طرب
وفي دبة فلوماستر سوبر 40 صوتها اخف من سوبر 10
دبات لحالها ماهو كت باك كامل
وتقدر تاخذ فرة على اليوتيوب

بيض الله وجيهكم ورحم الله والديكم على المعلومات الحلوة

والله يا اخوان اني متردد ومحتار مابي اطب في مطب ! واشوف بالموقع ناس تبيعها مستعمل ولا ادري السبب عيب في الدبة او مثل ما قلت ياخوي محمد صوتها يعلى بعد فترة
والبعض يكون استخدامه سي وشين ويغيرها بسبب عيب والله اعلم ..

بالنسبة للفلوماستر ياخوي ms3al تابعتها باليوتيوب ولكن الصوت في الواقع يختلف عن التسجيل او الفيديو وهذي مشكلة
اشوف كم فيديو لكذا دبة عشان اقرر والاحظ دبة وحدة في اثنين او ثلاث فيديوهات تختلف من صوت لصوت

لكن انا لقيت مستعمل بموقع حراج ولا ادري والله وش لعلم اذا تنفع والا لا !! او بيغشني راعيها والا نيته صافية !! بحاول اشوف الاسعار للمستعمل ان كانت معقولة بركب مستعمل مقنا فلو او فلوماستر

بالنسبة للبورلا شفت الفيديو في اليوتيوب وكان صوتها ممتاز لكن احتاج رأيكم بعد زود !
وفقكم الله يا غالين وان كانت الاجابات فيها احتمالات ولكن وافين الأخ محمد والأخ ms3al

الي حاطين دس لايك اكيد لهم رأي اخر ، لو يشاركون برأيهم افضل ، ومنهم نستفيد