أضف سؤال أو موضوع جديد          

نصيحه لأصحاب الجموس و الاسكاليد

up 13 down 0
FIGHTER PILOT 157
قبل 9 شهر و أسبوع



يا اخوان انا عندي عدة نصائح لأصحاب الجموس و الشفر و الاسكاليد (و السيارات بشكل عام) بحكم استخدامي لها لفترة طويله :
١- نصيحه اذا اشتريت أحد هذه السيارات لازم تقرأ نوعية لزوجة الزيت المستخدم على غطاء الزيت أعلى المحرك لأنه سبق و واجهة مشكلة في صوت طقطقه في المكينه و أفادوني بأن هذا صوت طرمبة الزيت لأنه ثقيل عليها و غيرته على طول 5w-30 حسب المطلوب وجلس كم شهر ورجع صوت المحرك طبيعي و لله الحمد .
٢- اذا واجهت مشكله مهي واضحه لك لا تستعجل في اصلاحها عند اطرف ورشه...لا و الف لا حصل لي كثير مواقف و دفعت مبالغ كبيرة لإصلاحات طلعت أغلبها تشخيص خاطئ ، مثلا طفى المكيف فجأه و رحت أكثر من ورشه و أغلبها كبيره و مشهوره و غالبيتهم قالوا الثلاجه تهرب و لازم تغيرها ب ٣ الاف ولكن ما اقتنعت الين طحت لي في كهربائي محله صغير برمج لي المكيف مع علبة الفيوزات و ب٥٠ ريال و رجع كل شيء على وضعه ، موقف ثاني كانت السياره ما تعطي عزم يعني تغير ٣ غيارات و تبقى على سرعه منخفضه كأنها تقطع و تتفتف فحصتها عند أطرف واحد كمبيوتر و طلع لي ١٠٠ مصيبه في القير و غيرتها كلها بأكثر من الفين ريال و المشكله مثل ماهي ☹ رحت محل ثاني قال لي طرمبة البنزين و فعلا طلعت هي .
٣- غالبية المشاكل ممكن تحصل لها حلول في الكتاب حق السياره ، مثلا طلع لي check engine وكل الورش اتفقوا انه لازم فحص كمبيوتر ، فتحت الكتب حاط لك عدة احتمالات قبل ما تروح الورشه اول شيء قريته: تأكد من غطاء تانكي البنزين انه محكم الاغلاق و حركته شوي وراحت العلامه طلع فعلا هو المشكله و غيرته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكلة الزيت والمكيف دايما تتكرر في اغلب السيارات وبعض الورش مثل ماقلت تخمينات وغير كذا وغير كذا حتى تكره السيارة وفالاخير تطلع مشكلة بسيطة تتعجب منها 


up 1 down 0
ابو حسين.......... 1020
قبل 9 شهر و أسبوع



الله يجزاك خير على الفائدة ..

شكرا  ماقصرت ..


up 1 down 1
m7md 33 1015
قبل 9 شهر و أسبوع



بالنسبة للجموس ١٠\٣٠ يمشي بس ٢٠\٥٠ هو اللي يخرب المكينة واول شي طرمبة الزيت تخرب