نصيحه لأصحاب الجموس و الاسكاليد
13
0
إضغط هنا للإخفاء
يا اخوان انا عندي عدة نصائح لأصحاب الجموس و الشفر و الاسكاليد (و السيارات بشكل عام) بحكم استخدامي لها لفترة طويله :
١- نصيحه اذا اشتريت أحد هذه السيارات لازم تقرأ نوعية لزوجة الزيت المستخدم على غطاء الزيت أعلى المحرك لأنه سبق و واجهة مشكلة في صوت طقطقه في المكينه و أفادوني بأن هذا صوت طرمبة الزيت لأنه ثقيل عليها و غيرته على طول 5w-30 حسب المطلوب وجلس كم شهر ورجع صوت المحرك طبيعي و لله الحمد .
٢- اذا واجهت مشكله مهي واضحه لك لا تستعجل في اصلاحها عند اطرف ورشه...لا و الف لا حصل لي كثير مواقف و دفعت مبالغ كبيرة لإصلاحات طلعت أغلبها تشخيص خاطئ ، مثلا طفى المكيف فجأه و رحت أكثر من ورشه و أغلبها كبيره و مشهوره و غالبيتهم قالوا الثلاجه تهرب و لازم تغيرها ب ٣ الاف ولكن ما اقتنعت الين طحت لي في كهربائي محله صغير برمج لي المكيف مع علبة الفيوزات و ب٥٠ ريال و رجع كل شيء على وضعه ، موقف ثاني كانت السياره ما تعطي عزم يعني تغير ٣ غيارات و تبقى على سرعه منخفضه كأنها تقطع و تتفتف فحصتها عند أطرف واحد كمبيوتر و طلع لي ١٠٠ مصيبه في القير و غيرتها كلها بأكثر من الفين ريال و المشكله مثل ماهي ☹ رحت محل ثاني قال لي طرمبة البنزين و فعلا طلعت هي .
٣- غالبية المشاكل ممكن تحصل لها حلول في الكتاب حق السياره ، مثلا طلع لي check engine وكل الورش اتفقوا انه لازم فحص كمبيوتر ، فتحت الكتب حاط لك عدة احتمالات قبل ما تروح الورشه اول شيء قريته: تأكد من غطاء تانكي البنزين انه محكم الاغلاق و حركته شوي وراحت العلامه طلع فعلا هو المشكله و غيرته
إبلاغ
الردود
شكرا ماقصرت ..
1
1
0
0
قبل 6 سنه و 2 شهر