أضف سؤال أو موضوع جديد          

سييرا 2011HD علق الدبل على الخفيف وش الحل

up 1 down 0
3zyiz 247
قبل 3 شهر و 4 أسبوع



السلام عليكم ورحمة الله

يا اصدقائي الكرام عندي سييرا 2011 HD غمارتين شريته من اسبوع تقريبا
اليوم نزلت به نساح حول المزاحمية اول تجربة للدبل اليوم .. المهم اني نزلت للرمل بدون ما اشغل الدبل ولا نسمت كفرات
كنت واثق بالجمس لأن عندي جمس سوبربان 1500 انزل به للبر ما اشغل الدبل الا اذا غرز ويطلع عادي
اليوم تفاجأت ان السييرا غرز !!!!!!!!
طفيت التراكشن
شغلت الدبل الثقيل
جلس يحفر لين تعلق ،، قلت يا ولد شغل الدبل الخفيف الوضع ما يطمن وشكلي بشد عليه هالدفش ! حطيته على الدبل الخفيف واحاول ما فيه فادة
جلست يمكن نص ساعة محاولات خفيف وثقيل مافيه امل يطلع لين جاني راعي جمس بيض الله وجهه وسحبه بالواير وطلع .
لكن موب هنا المشكلة !
المصيبة يا جماعة الخير ان الدبل علق على الدبل الخفيف يعني تعشيقاته كنها نمرتين وبس
حاول افصل الدبل ما فيه امل .. فصلت اصابع البطارية ورجعت شبكتها ولا انفصل الدبل اخفيف ما زال معلق
سألت في قروبات قالو ارجع ريوس مسافة كم متر وجرب افصل الدبل وجربت ما نفع
اخرتها جيت عليه من نساح الى حي الروضة ماشي 50 ووقفته الان وفصلت اصابع البطارية عل وعسى يفصل الصبح بكرة

لكن الي له خبرة بالموضوع يدلني وش الحل ؟
او من الورشة الي بصناعي الخليج يفهم هالموضوع ؟
او بالصناعية القديمة واروح له بكرة !!
واذا فيه حل اخر غير فصل البطارية يخبرني .. وذا حصلت معكم المشكلة علموني وش حلها

وشكرا للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الدبل عصي ولا فرار كهرب
اذا عصي فك الديكور القير يوجد سسته معلقه او شي راده المشكله منها
اما اذا كهرب فرار اما الفيش خربان مفصول السلك من داخل الطبلون او برمجه او فيوز احترق بعد تعشيق الدبل احترق وفصل الكهرب عن الدايره والدفرنس


up 3 down 1
ماجد المطلق 10769
قبل 3 شهر و 4 أسبوع



الف شكر حبيب قلبي
رحت اليوم بالصدفة بعد المغرب لشخص يبرمج السيارات .. شبك الكمبيوتر وسوا اعادة برمجة وضبط الحمدلله



up 2 down 0
3zyiz 247
قبل 3 شهر و 3 أسبوع



السلام عليكم
حصل معي نفس المشكله فضلا وين موقع اللي يبرمج السيارات
او اي معلومات تفيدني شااااكر لك


up 0 down 0
د/ ابونواف 100
قبل 3 شهر و أسبوع



اسف يابو نواف توي ادخل المنتدى لأن مشكلة هالمنتدى مافيه اشعارات بالردود او الرسائل !! منتدى مهمل غريب امره

عموما يا غالي موقع في صناعية الخليج
تواصل معي يابو نواف وادلك عليه 0505236767


up 0 down 0
3zyiz 247
قبل 3 شهر