عندي يوكن 2018 وين افضل معرض بالدمام اعرضه فيه

اخوي اعرضه في موقع حراج واكتب السعر الي تبيه 
والله يرزقك الزبون الجاد 
وخل الموتر عندك تحت عينك وتستخدمه بعد 
وربي بيرزقك بيعته 

اما بالنسبه للمعارض ، اذا تعرف احد راعي معرض وعنده ذمه اعرضه 

اما اذا ماتعرف بياخذون عليك ارضيه بالشهر 
وبياخذون عالمشتري سعي معرض 
غير التلاعب الي يصير من بعضهم وليس الكل 
وقد صارتلي مواقف معهم زمان 
اوقف موتري بمبلغ فلاني ، ارسل احد اعرفه يلاقيه اغلى مما عرضت 
ويطول عندهم لين تكره السالفه وتبيعه برخيص واساسا هم بايعينه باغلى 
وهذي بالذات صارتلي 
بعت  لكزس قبل ٧ سنوات تقريبا 
كنت طالب فيه ١٣٥ وطول الموتر واخر شيء كلموني عال ١٢٠ ومن هنا وهناك وافقت على ١٢٣ 
وعطوني شيك مصدق باسم صاحب المعرض علما ان الي شراه من خارج المعرض 
هنا انا استغربت وحاولت ابحث عالشاري بعدها ولقيته شاريه ١٣٠ الف وماعلمته اني خذيت ١٢٣ 
قلت هو راضي بالسعر وانا رضيت ب ١٢٣ 
لكن مايجوز الي سووه ، هذا وانا معرفه معهم 

اوافق رأي الاخ m7md33 بعرض السيارة وهي عندك افضل واضمن لك وربي يرزقك البيعة الطيبة

اليوكن سيارة مرغوبة ما شاء الله واذكر انها تنزل بأعداد محدودة نوعا ما وشف اعلانات اليوكن والتاهو الجديدة تبارك الله تحصل الردود بالاعلان عشرين ثلاثين رد

أضم صوتي ل m7md وزبونك يجيك لحدك من حراج وإذا مصمم تحطه في معرض الافضل يكون معرفة وثقة

اذا تبي تبيعه عشان سعر البنزين اسمح لي تصرف خاطئ

لكن اذا مزنوق وتبي القروش
اعرضه بالموقع وحـده بالمبلغ اللي تبيه

والله يوفقك

m7md 33 اسف يابعدي بالغلط عطيتك دس لايك ان شاء الله اعوضك

بخصوص اني اعرضه بحراجه انا مجرب الموقع اكثر من مره ٩٠% شريطيه ويجون ياذونك بحلالك لاهم بيشترون ولا يفكوني شرهم
القصد من البيع السياره كبيره علي عجزت اتأقلم معها والا البنزين مصروفه ممتاز

Mohammed1368 بسيطه ياخوي حصل خير 

ابو اسامه شريطية حراج واذيتهم ولا شريطية المعارض وحركاتهم 

لا تثق فيهم أبدا
ممكن ياخذون مكسب من وراك بدون علمك
مثلا يبيعون سيارتك ب ١٦٠ الف و يقولون انباعت ب ١٥٥ الف لا و ياخذون منها دلاله كمان
حصلت عليه شخصيا