كم بكون ضغط زيت الجمس الطبيعي

طبيعي تحت النص ومع الدعس يرتفع مدري ينزل بس الطرمبة طبعا خربت علي لم كان ممشى السيارة 200 الف تخرب علية بس الحمد لله ماتخبط المكينة الكمبوتر يطفي السيارة تلقائي علامات خراب طرمبة زيت المكينة اذا شفت ظغط زيت المكينة صاير تحت الربع تسمع صوت بالمكينة ضرب وكذا وتختفي مرات وتجي فجاة مع تكتيمة

تحت النص بشوي طبيعي خاصة اذا احترت 
السيارة ويرتفع مع الدعس 
ماهو لازم تتبدل طرمبة الزيت
 اذا انت محافظ على سيارتك 
وتحط الزيت المناسب وتغيره في وقته 
وكذلك احتمال يكون الطرمبة ممتازة 
والمشكلة من العداد او حساس ضغط الزيت 

مشكورين بيض الله وجهكم واثابكم لكن السؤال من باب الا اطمئنان اذا فحصت كمبيوتر يبين وضع الطرمبة او لا

لا ما تبين الطرمبة في الكمبيوتر اللي يبين فقط الاشياء اللي فيها حساسات ومرتبطة بالكمبيوتر فقط

وبخصوص الجمس عادي مؤشره تحت النص بشوي وهو واقف واذا مشى يرتفع الى النص فوق النص بشوي طبيعي يعني هذا في المعدلات الطبيعية اذا صار ينزل بزيادة وحتى مع الدعس تلقاه تحت النص ولا مفوت هنا شيك يمكن الحساس ويمكن الطرمبة


وتختلف من موتر لموتر وعلى حسب الاستخدام والمحافظ يعني اللي يمجر لك الزيت لين يشحم في المكينة ويستعمل نوع ردي هذا طبيعي بتجاوب معه الطرمبة جمسنا مشى حوالي 390 الف من وكالته ثمن بدت تضعف طرمبته لأن ابوي ماكان يستعمل له زيت جيد كان يحط سوبر جيتي وبعض الاحيان يطول في المكينة

وغيرتها وعطيته بترومين الترا سفن وله كم سنة الحمدلله اموره طيبة


بالتوفيق

مشكور احي الكريم

لايك للجميع تستاهلون ممكن تكملو جميلكم معاي وتساعدوني بموضوع الكفرات الحين موتري يحتاج طقم كفرات وجنوطه مقاس ٢٠ خايف اركب كفرات واندم هل اذا كانت جنوطه ١٧ افضل واريح ولا اخليها ٢٠ وايش احسن لاستخدام المدينة والمشاوير الموتر بدون دبل وانا ماني راعي بر

والله اللي عندي جنوطة 17 ومريح حيل ينفع حق اي شي
انت من استخدامك لجنوط 20 وش حسيت فيه وانت تسوق؟

قاسي جدا واحس الموتر ثقيل بس مدري القساوة من جنوط عشرين ولا لان الكفرات ناشفة

طبيعي جنط العشرين يكون قاسي لكن اذا ما بتغير الجنط انصحك بهانكوك من تجربة على جنط عشرين في يوكن حسيت بفرق كبير من بعد ما انكسر ظهري من كفرات قوديير القاسية

ربي يبيض وجوهكم دنيا واخرة ويحفظكم جميعا ويجزاكم الجنة