بدي وكاله

وعليكم السلام 
تقبل الله صيامكم 

بالنسبه لي يقول الي يقول ، بفحص بنفسي واتاكد .. 

سالفة بودي وكاله ماعدى رفرف مااشوف فيها شيء
انا عندي سياره مثال فيها رفرف امامي يمين
اكتب بودي وكاله ماعدى رفرف امامي يمين
او
اكتب فيها رفرف يمين امامي وباقي البودي وكاله

يعني واحد سيارته فيها رفرف فقط والباقي وكاله
وش تبيه يقول غصب بيقول بودي وكاله ماعدى رفرف...

اما سالفة رش تجميلي بدون حودث هذي سالفتها سالفه هههههههه
يعني مطلع سياره وكاله وبوديها نظيف
تجيك طناخه وترش جنب كامل بدون سبب؟!! هههه
محد يرش جنب الا عشان توحيد اللون لو كان راش باب او رفرف
او يرش عشان حادث او يرش عشان حكات
بكل الحالتين توضح السبب
موب تكتب رش بدون حودث!!
الصح تكتب سبب الرش اما توحيد الالوان
او بسبب حكات فقط
اما كذا طناخه بدون سبب هذا وراه بلاوي

لا انا اشوف جملة 
فيها رش رفرف يمين والباقي وكاله 
افضل من 
البودي وكاله بس فيها رش رفرف 

بالنهايه كل الطرق تؤدي الى روما هههههههه كلها تؤدي الى معنى واحد 

كله كوم واذا كملها بعبارة منوة المستخدم ياانا اخاف من السياره المعروضه إذا قال منوة المستخدم

اذا قالك سيارة استخدام شايب ف اغسل يدك منها 
يعني اني شايب محافظ 

الادهى و الامر يكتب فيها رش رفرف و كبوت بسبب حكه 

يا ظالم كيف حكه رفرف و كبوت ههههههههههههههههههههههههههههه

رش كبر كف اليد وتوحيد لون واستخدام شايب على وشك يموت..لاتلومون اللي يرش الرفرف والكبوت عشان حكه..يمكن فيه نمله مشت ع الكبوت وبان اثرها..ولازم يرشها ههههههههههههههههههههههههههه البدي لازم يكون نظيف

انا محصل اعلان عن سيارة سعرها رخيص و كاتب تحتاج
صيانة بسيطة ويوم سألته وش الصيانة البسيطة قالي:
تحتاج مكينة و قير ههههههههههههههههه

ههههههههههه
اذكر واحد يقول صدمه خفيفه بالشنطه
رحنا فحصنا لقينا الصدمه واصله الشاص ؟؟
قلنا وشلون صدمه خفيفه قال والله مدري ؟؟

عالم السيارات لو منت فاهم تضيع قروشك يا صابر