أضف سؤال أو موضوع جديد          

مشكلة قير دينالي 2007

up 6 down 0
فهد00600 18
قبل 2 سنه و 3 شهر



السلام عليكم ورحمة الله وبركاتة
الرجاء من لدية حل لمشكلتي لا يبخل علينا وجزاكم الله خير
المشكلة في سيارتي يوكن دينالي 2007 فجاه ماعاد يقبل ولا غياريعني كنه في الp اوn استغربت اطفيت المحرك
وفي اليوم الثاني جربت وشغلت الموتر وعشقت في الD مشى معي قرابه الكيلو متر ورجع يفضي ادعس بانزين
بس مافي فائدة
غيرت الزيت والفلتر من شركة الجميح وكأنه شوي زبط مشيت مسافة 2 كيلو متر ورجع نفس الاول !!!!
ولا اعرف كيف اتصرف
الزيت السابق غامق بس مافية اي رائحة حرق
رحت للورشة المكانيكي مجردما قلتلة الموضوع قالي توضيب ب 5500 ريال وبكرة يكون جاهز!!
ابغى نصيحتكم الله يجزاكم الجنة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


https://youtu.be/ufsMk8BTHck


up 0 down 4
ب ص ر 66
قبل 2 سنه و 3 شهر



حياك
نصيحة الموتر هذا كله حساسات 
سالفة التوضيب خلها الحل الااخير
دايم نسمع كذا سوالف اخر شي يطلع العطل فيوزات حساسات
منفصله او عطلانه 
وصاحب الورشه اللي قالك توضيب وبكرا وهو خالص يدري سبب
العطل شي بسيط 
اجل توضيب قير يوم 
وعلئ العموم اذا حصلت سبب المشكله نزل موضوع للفايده
وباالتوفيق


up 1 down 0
باترول 2020 2623
قبل 2 سنه و 3 شهر



انبهك من الورشة دي.   ياحيسلق لك القير سلق بيض وحيرجع تاني يخرب. يازي مااتفضل اخويا بترول. حاجه بسيطه وحيتوهك
ابعد عنه


up 1 down 0
55thary 11
قبل 2 سنه و 3 شهر



اعتقد مشكلة كهربائية من حساسات وفيوز وغيره 

افحص كمبيوتر ورح عند كهربائي فاهم


up 0 down 0
ابو حسين.......... 1024
قبل 2 سنه و 3 شهر



اذكر مرة صاحب لي معه كامري ٢٠٠٦ قير اوتو ،،،كان عنده القير مايمشي الا فنمرة واحدة ووداه عند ورشة وغير له مغناطيس وزبطت 


up 0 down 1
ابو حسين.......... 1024
قبل 2 سنه و 3 شهر



^^ مافي مقارنة بين قير اوتوماتيك ٤ نمر مافيه تقنية بقير الدينالي ٦ نمر كهرب وله شريحة كل قير وله اعطال مختلفة


up 0 down 4
benz lover -76
قبل 2 سنه و 3 شهر



وعليكم السلام افحص كمبيوتر وللمعلوميه القير الاوتوماتيكي مايفضي الا اذا الكلشتات ضعيفه وتقدر تعرف من خلال فك كارتير القير اذا فيه رايش حديد والزيت قالب لونه معناه الكلشتات معدومه وانصحك بتغيير افضل من التوظيب مع الإهتمام بتغيير موعد الزيت للحفاظ على القير


up 2 down 1
نواف الحربي4 333
قبل 2 سنه و 3 شهر



عليكم السلام ورحمة الله وبركاته
طالما الزيت القديم مافيه ريحة حرق وماارتفعت حرارة القير احتمال تكون طرمبة زيت القير


up 1 down 1
ابو هيما20 210
قبل 2 سنه و 3 شهر



حلوه ذي يوضبه لك من بكره مخلص ماصار توظيب هذا

المهم شغلتك بسيطه بأذن الله
شف هذا الرابط نفس مشكلتك وقرأ الردود بتمعن وتركيز

https://gmc.montada.haraj.com.sa/79247/

ولو تقدر تكلم راعي الجمس بالرسائل الخاصه بموقع حراج
عشان تتاكد وش صار عليه لانه نفس مشكلتك وموضوعه قريب
منزله قبل شهر لكن للاسف بعضهم ياخذ الفائده ولاتشوف الا غباره
مايعلمك وش صار معه


نقطه ثانيه اذا تصلح قيرك
لاتشد عليه لان توك مغير زيت عشان لايخبط
ولاتنسى تفيدنا وش صار عليك


up 1 down 3
d7ooom777 387
قبل 2 سنه و 3 شهر



معليش توني انتبه انه محدث الردود
منزل رد بحل مشكلته تغير زيت وفلتر وضبط معه


up 0 down 1
d7ooom777 387
قبل 2 سنه و 3 شهر



يافهد أسأل الله ان يسهل لك حل لمشكلة سيارتك ويجعل لك فرجا من حيث لا تحتسب


مشكلتك سبق وأن شفت مقطع في يوتيوب لواحد امريكي يستعرض المشكلة وحلها كان فيوز لكن ما حصلت المقطع لو حصلته برسله هنا على طول


المشكلة اللي عندك أكد أجزم يقينا إنها (((كهربائية))) بدون ما اشوف السيارة بقول لك على عدة حلول وخلك من اللي يقول توضيب لأخر مرحلة

فيه فيوز فوق دعسة البنزين أو فيش راكب في الدعسة من فوق فكه ونظفه وجرب راحت المشكلة او

رح بالسيارة على فحص كمبيوتر والله يعينك على 100 ريال أو اقل يطلع أكواد الاخطاء والمشاكل اللي في السيارة ولو ماعرف المشكلة من الاكواد وعطنا أرقام الاكواد هنا نتساعد ونحاول نبحث عنها






up 2 down 1
أبو بسام22 78
قبل 2 سنه و 3 شهر



اخي الكريم باعتباري مختص بالقيرات التوماتيك 
مشكلتك فلتر القير غيره ولا تغير الزيت كله ومية بالمية سيارتك تزين باذن الله رح تدعيلي


up 0 down 0
عقاب الطيب
قبل 2 سنه و 3 شهر



الله يعطيكم الصحة والعافية
الرابط الاول من اخوي ب ص ر 64 موضوع مختلف عن المشكلة
ورابط الاخ d7ooom777 729 يقول صاحب المشكه انه غير الزيت والفلتر وما شاء الله اموره تمام
اقد غيرت الريت والفلتر ولا في فائدة
ان شاء الله بنقل السيارة الى دوله مجاورة واكيد بوافيكم بالنتائج
كل الشكر للجميع



up 0 down 0
فهد00600 18
قبل 2 سنه و 3 شهر



اخ فهد غير الزيت والفلتر مرة ثانية وعلى مسؤوليتي 
بتزين معك وانا متأكد ولا تغيرهم بالوكالة غيرهم عند ورشة وقدام عينك
لا تنقل السيارة وتتخسر اسمع مني


up 0 down 0
مهندس مكنيك
قبل 2 سنه و 3 شهر



هلابك اخوي (مهندس مكنيك)
بسمع نصيحتك و اغير الزيت والفلتر مرة ثانية
لعل وعسى
كل الشكر للجميع


up 0 down 0
فهد00600 18
قبل 2 سنه و 3 شهر



أخ فهد حرارة القير كم
وركب مبرد زيت ٤٠ الف وحده يريح القير


up 0 down 0
alnefaie055
قبل 10 شهر و 3 أسبوع



قصدي مبرد زيت القير ممتاز للقير حتى لو المشكله انتهت ركب المبرد


up 0 down 0
alnefaie055
قبل 10 شهر و 3 أسبوع