أضف سؤال أو موضوع جديد          

مشكلة في سوبربان 2004

up 2 down 0
طالب طالب 46
قبل 7 شهر



السلام عليكم يا أخوان

عندي سوبربان موديل 2004 وصار لي مشكله فيه ، أمس تقريبا احاول اشغل الموتر بس مايشتغل ثم بعدها سويت
له اشتراك واشتغل معاي ، وحركت وفي وسط الطريق وانا ماشي بالموتر الا وفجأة طفى علي في نص الشارع
واحاول اشغله ويشتغل بعد معاناه ، المهم تكررت الوقفات هذه طول الخط وانا ماشي والموضوع خطير في وسط الشارع
رحت عند حق بطاريات وغيرت البطارية واستمرت نفس المشكلة يطفى علي الموتر ، بعدها رجعت البطارية وعرفت ان المشكلة مو من البطارية
من الاشياء اللي لاحظتها في الموتر ان العزم ضعيف جدا وفيه نفضه ، اليوم العصر وديته عند كهربائي وقال ممكن طرمبة البنزين وسوا فحص لطرمبة البنزين
وطلع ضغط البنزين 60% وقال ممتازه الطرمبة مافيها مشكلة ، بعدها سوا فحص كمبيوتر وطلع يقول فيه مشكلتين
الاولى البواجي والاسلاك يقول يبي لها تغيير لأن فيه خلل في احتراق المكينة وايضا يبي يشيك على الكويلات
الشيء الثاني يقول فيه مشكلة كهربائية في الكمبيوتر لأن اشارة الengine ماتطلع على الطبلون
فقال بنغير البواجي والاسلاك واذا ضبطت المشكلة تمام ولو استمرت المشكلة لازم تغير كمبيوتر السيارة

فحبيت استشيركم عن المشكلة وايش هي البواجي والاسلاك اصلا ؟ وهل لها علاقة في ان السيارة ماتشتغل فجأة و يكون عزمها ضعيف اذا اشتغلت ومشت
وايش علاقة كمبيوتر السيارة في هذه المشكلة ؟

اسئلتي كثيرة لكن ابي مساعدتكم ومشورتكم في الموضوع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هل فيه صوت طالع من جهة تانكي البنزين و السيارة شغالة
صوت مثل الونه او الطنين صوت واضح .


up 1 down 0
زكريا حكمي 111
قبل 7 شهر



لا مافيه صوت واضح وتقدر تميزه من جهة التانكي


up 1 down 0
طالب طالب 46
قبل 7 شهر



طيب اذا طفى عليك مره ثانيه جرب تضرب التانكي من تحت
ب حديدة او مفك عجل او اي شي وجرب بعدها تشغل السيارة
اذا اشتغلت اعرف انه الطرمبه خربانه.


up 2 down 0
زكريا حكمي 111
قبل 7 شهر



ابدا بالاسهل البواجي رغم اني اعتقد انها ماتسبب وقوف المحرك والسيارة تشتغل وتمشي يمكن البواجي قديمة غيرها وشوف ثم ابدا باسلاكها اذا ما ضبطت يعتبر صيانة وبعد كذا اذا ما ضبطت ابدا البحث عما يليها والله يوفقك


up 1 down 0



تراها تجي مجموعة كاملة طرمبة مع العوامة اللي تسوي قراءة
عداد البنزين . يجي سعرها غالي . انت تحتاج طرمبة لوحدها.
فقط.


up 0 down 0
زكريا حكمي 111
قبل 7 شهر



احمد ربك ما سواها لك في خط سفر.


up 0 down 0
زكريا حكمي 111
قبل 7 شهر



اعراض طرمبة بنزين ٦٠٪‏ ضعيفة مع الزحمة تحتر 


up 1 down 1
benz lover -74
قبل 7 شهر



غير البواجي ولو انها تجي عمرها طويل بالجمس

لايوجد اسلاك بواجي...فيه كويلات وماتحتاج تغير لان لو واحد عطلان

راح يبان معك في فحص الكمبيوتر..والسياره بيكون فيها تفتفه واضحه

بمجرد مايخرب واحد فيهم.

برايي ابدا بتنظيف منظم الهوا او البوابة لانها تسوي نفس الاعراض بالجموس




up 0 down 0
abdullah.ags 365
قبل 7 شهر



والله انا كلمته عن طرمبة البنزين قال سليمة و قال الطبيعي يكون ضغطها من 40% الى 60% فمادري والله اذا هذه المعلومة صحيحة

لكن تساؤل الأخ الحميدي وليد مهم ، هل وجود مشكلة في البواجي ممكن توقف محرك السيارة أثناء القيادة ؟!



up 0 down 0
طالب طالب 46
قبل 7 شهر



شيك على الكويلات وحساس الكرنك 


up 0 down 0



ابدا بالاسهل الا وهو تغيير البواجي
مانفع غير فلتر البنزين...تلقاه مسدود وصخ وشوائب
مانفع شيك على حساس الهوا والكرنك ونظف الثروتل
بالنسبة للكمبيوتر عندك الاخ احمد الحربي حق الكمبيوترات وهالامور استفسر عنده يمكن يفيدك ان شاء الله


up 0 down 0
ali-911 3030
قبل 7 شهر



طرمبة بنزين تخرب بذا النوع خاصه  
اذا انت من النوع اللي مايعبي الا اذا ولعت اللمبة 
اول شي غير صفاية بنزين يجي مكانها تحت باب السواق 
وشوف اذا فرقت السيارة شي بسيط فالمشكلة من الطرمبة 
وغيرها بطرمبة جكسار سعرها 280 اصلية وفيش 10 ريال 
ولا تخلي البنزين ينزل عن النص 


up 1 down 1
qahtani.505 287
قبل 7 شهر



اشك في الطرمبه، البواجي ما تسبب انطفاء تام والكويلات تسبب تفتفه

الكهربائي اللي يقول لك بأغير بواجي واسلاك كويلات اول ونشوف، هذا يبي بس حق شغل يد !

شوف لك كهربائي ممتاز يطلع لك المشكله، ومسألة ان الكمبيوتر خربان لأنه ما يطلع علامة تشيك انجين، هذا يرفع احتمالية
خراب الطرمبه لأنها لو خربت ما تظهر لمبة التشيك انجن. رأيي الشخصي تغير الطرمبة بطرمبة فكسآر او بوش الماني حق 12 سرندل
ويولفها لك كهربائي. فقط الدينمو اللي يتغير لا تغير طرمبه كامله، ومعروفه موديلات الجمس هذا بخراب الطرمبه مغيرها في موتر الوالد رحمة الله عليه اكثر من 4 مرات خلال 10 سنوات


up 0 down 0
saudi___07 1125
قبل 7 شهر



اشك في الطرمبه، البواجي ما تسبب انطفاء تام والكويلات تسبب تفتفه

الكهربائي اللي يقول لك بأغير بواجي واسلاك كويلات اول ونشوف، هذا يبي بس حق شغل يد !

شوف لك كهربائي ممتاز يطلع لك المشكله، ومسألة ان الكمبيوتر خربان لأنه ما يطلع علامة تشيك انجين، هذا يرفع احتمالية
خراب الطرمبه لأنها لو خربت ما تظهر لمبة التشيك انجن. رأيي الشخصي تغير الطرمبة بطرمبة فكسآر او بوش الماني حق 12 سرندل
ويولفها لك كهربائي. فقط الدينمو اللي يتغير لا تغير طرمبه كامله، ومعروفه موديلات الجمس هذا بخراب الطرمبه مغيرها في موتر الوالد رحمة الله عليه اكثر من 4 مرات خلال 10 سنوات


up 0 down 0
saudi___07 1125
قبل 7 شهر