أضف سؤال أو موضوع جديد          

زيت الجربكس متى يتغير

up 4 down 1
عبدالله الحربي 9885 10
قبل 8 شهر و أسبوع



استفسار لاهل الخبرة عندي سيارة جمس 2014
ماشية 98 الف
متا اغير زيت الجربوكس
وافضل مكان اغيره
لان في ناس كثيرة تقول ابعد عن تغيره لان سياراتهم بدت تخبط بعد تغيره

اتمنى تفيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


خلاص هذا وقت تغييره

غيره لكن تأكد انه نفس نوع الزيت المخصص

و بعد التغيير اسبوع او 10 ايام لا تدعس ابدا خلي سواقتك هاديه


up 3 down 0
ابراهيم 78 -97
قبل 8 شهر و أسبوع



رح لمركز ون ستوب او اي سي دلكو يغيرونة او بترومين وان شاء الله ما علية خلاف


up 0 down 6
ابومزعل 338
قبل 8 شهر و أسبوع



اي سي ديلكو ياخذون شغل يد 600 ريال هههههههههههه

هذا للكابرس وهو كارتير تحت سهل فكه

غيرته برى اخذوا شغل يد 100 ريال

جمس سييرا 2015 دبل شغله اصعب لازم فك الكفر الامامي و يغيرون الفلتر و الزيت

ممكن اي سي ديلكو ياخذون 1000 ريال شغل اليد على كذا


up 0 down 4
ابراهيم 78 -97
قبل 8 شهر و أسبوع



اشتر ٦ علب اسي ديلكو. 6 ب ١٢٠ ثم كارتير ب ١١٠.  ثم اذهب لورشه مختصه غيره ب ١٥٠
وبكذا وضعك سليم


up 2 down 4
عبدالله الشفيعي 1429
قبل 8 شهر و أسبوع



غيرته عند بترومين وسخن القير ورحت الوكاله وشريت الزيت من عندهم وطلع ارخص من بترومين ب220 ريال
رح الوكاله واشتر الزيت واسال الموظف كم يحتاج لتر
او طلع الزيت من القير وقيس كم لتر طلع لك اذا 6 لتر عب 6 لتر وكذا
واذا بتغير فلتر قير تاكد انه يستبدل في سيارات م يتغير فلترها
والافضل تغيره في الوكاله اذا يضمنونه لك


up 1 down 1
evil3000 69
قبل 8 شهر و أسبوع



تغييره المفروض كل 60 الف انا غيرته مرتين مره بالجميح اعتقد ب 700 ريال ومره بايسي ديلكو ناسي التكلفة اهم شي لو تغير برا خذ الزيت والفلتر والقازقيت ( الوجه) من الوكالة


up 2 down 1
ابوخلوودي1 5037
قبل 8 شهر و أسبوع



^^^^^ ثم يخبط قيره ههههههههههه

اي سي ديلكو هذا اسم الشركة او المنتج

يعني يختلف لزوجته و نوعه من نوع لنوع

ما يهم اي سي ديلكو او موتر كرافت المهم يكون تصنيفه مناسب للسيارة اللي هو VI

اما تحط اي سي ديلكو تصنيف III هذا حق الموديلات 2006 و تحت ما يناسب

صحيح يعتبر اصلي ولكن ما يناسب نفس الموديل


up 2 down 2
ابراهيم 78 -97
قبل 8 شهر و أسبوع



ردي كان على عبدالله الشفيعي و جات ردين بعده لخبطت الامور


up 1 down 0
ابراهيم 78 -97
قبل 8 شهر و أسبوع



انا قلت ايس ديلكو 6 وهو الاحدث.  مابعده. شي زي ميركون vlللفوردات
لان بترومين جيتهم لقيت عندهم الفديم 3عشان تعرفون نصب بترومين
لكن ايسي ديلكو الاصلي ممتاز.      والاحدث هو ٦ مابعده شي 
لانه متطور.   فيه ايس ديلكو. ١ و ٢ و٣ و ٤ ووو.  اخر شي رقم 6


up 3 down 1
عبدالله الشفيعي 1429
قبل 8 شهر و أسبوع



افضل شي تشوف كتاب الوكاله وتشوف نفس الزيت الي كاتبينه 
وتشتريه من الوكاله او قطع غيار معتمد خذ GM لا تاخذ اي نوع غير الوكاله
والتغيير شف اي ورشة يغيره ونت على راسه لين يخلص 


up 1 down 1
خير ان شاء الله 95
قبل 8 شهر و أسبوع



بقولك تجربتي
شريت تاهو2012 ماشي90الف صاحبه ماقد غير زيت القير

سحبت علبتين من زيت القير وزودت علبتين ومشيت عليه200كيلو

وبعدها شريت 6علب مع الفلتر وغيرته في ورشه مختصه في القير
والحمدلله الحين ماشي100 مافيه مشاكل


up 0 down 0
thamer jumaan 76
قبل 8 شهر و أسبوع



أخي الكريم نصيحة محب له تجارب عدة في هذا المجال لآكثر من سيارة
أولاً / إنتبه إنتبه إنتبه تغير زيت في مراكز صيانة بترومين والله من وراء القصد والحديث عنهم يطول
ثانياً / لكل سيارة دليل او كتلوج وموضح فيه كل صغيرة وكبيرة ( افتح قسم صيانة ناقل الحركة .. وبتلاحظ فيه كل شي )
البعض من السيارات لاينصح بتغيير الزيت ( إلا ) ان كان في حالة الزيت يكون خالط مويه أو دخلت السيارة مويه او محروق ومتغير لونه
والبعض يغير زيت القير مجرد حرص وهذا الخطأ ... فأتمنى تاخذ حذرك من هذه النقطه وتراجع دليل السيارة

وبالله التوفيق ..


up 1 down 2
صقر السعودية 07 310
قبل 8 شهر و أسبوع



يا اخوان.    تكالبت الضباع على خراش.   فمايدري خراش مايصيد
الوكالهيغيرون على ٨٠٠٠٠.    للجموس
لكن تغيير زيت القير للمودلات من ٢٠٠٩ وفوق. مكتوب على ١٥٠٠٠٠.  لتطور القير وزيت القير
لكن. في بحر ال ١٢٠٠٠٠.   و٦  علب  يزيد منها.  حول الربع تخليه للدركسون
طول عمري اغير للجموس هيك.     بتخليه.  بيمشيك الي ٣٠٠٠٠٠. بعد ذلك بتشوف التغييرات.  تثقل.   
ف الصيانه وتغيير الزيوت مهم.   لكن. عند ورشه مختصه.      اما توديه لورشه مايعرف المقاس ماينفع
ف زي ماقلت لك. تاخذ.  ايسي ديلكو.  رقم 6.  تلقا سعره من ٢٠ الي ٢٣ للحبه.   وكارتير.    ولايحتاج قازقيت حق الوكاله قوي
كان عندي فورد ماغيرت القازقيت. لسماكته.     بعكس حق قطع الغيار.  صخيف 



up 0 down 2
عبدالله الشفيعي 1429
قبل 8 شهر و أسبوع



السيارة مادام 2014 يعتبر موديل حديث
أفضل حل هو الذهاب للوكالة وتشوف إذا تغييره على الضمان
حتى لو كان فرق مبلغ بزيادة عن المحلات اللي برا لأنه هذا القير ما ينفع معاه أي تغيير غير مناسب

يعني تخسر الف ريال زيادة بشغل وكالة وفيه ضمان ولا توفر هذا المبلغ عند محلات ثانية وتخسر أضعافه وسلامتك


up 0 down 0
مجرد مشاركة 114
قبل 8 شهر و أسبوع



اخي تغيير زيت القير لسيارات اليوكن والتاهو على 50000 الف كيلو، وانت وصلت الدبل،
جرب الطريقة حق العلبتين اللي فوق وافحص الزيت قبل التغيير، اذا اسود ومنتهي لا تغييره لانها يبدا يفوت في التعشيقات و يخبط



up 0 down 0
-mohammed-sultan- 2
قبل 8 شهر



50 الف كيلو عذرا


up 0 down 0
-mohammed-sultan- 2
قبل 8 شهر