أضف سؤال أو موضوع جديد          

كانو يضحكون علي واللحين التزموا فيه

up 15 down 7
ابو كيان . 31
قبل 7 شهر و 2 أسبوع



السلام عليكم

مساء الخير

موضوعي يخص حزام الامان انا الحمد لله من فضل الله اربطه من يوم اشتريت سيارة حتى مشوار ابو عشر دقايق اربطه وكانو جماعتي يضحكون علي اللي يسميني الغشيم واللي ويقول لي كانك سواق هندي
المهم اللحين كل اللي كانوا يضحكون علي ربطوها وصار ملتزمين فيه ولا يتحرك بالسيارة الا وهو رابطه قلت سبحان الله ربطتوه وغصب عنكم ههههههه

يعني لو ما المرور ماقال تراه فيه مخالفه على الحزام ماربطوه ....

اللحين صرت انا اللي اضحك عليهم واقول لهم ربطتوه غصب خايفين من القسايم ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

اي والله صادق اللي ملتزم بالنظام ورابط الحزام ويدق اشارة يقولون غشيم ،،،


up 4 down 2
ابو حسين.......... 787
قبل 7 شهر و 2 أسبوع



ههههه فعلا بالغصب كلهم يربطونه شاءو ام ابوو 

من عمري ٦ سنوات وانا اربط الحزام الوالد الله يطول بعمره علمنا كذا لذلك مافرق علي شي الا سالفة الجوال تأقلم موب اكثر


up 3 down 4
benz lover -74
قبل 7 شهر و 2 أسبوع



^ يارجال تحصله يربطك بالحزام عشان ماتشغله وهو يسوق موب عشان امان ههههههههههههههههههه امزح امزح


up 6 down 3
d7ooom777 426
قبل 7 شهر و 2 أسبوع



كنت اداوم من الدمام الي رأس ابوعلي خلف الجبيل
من كثر ما شفت حوادث على الطريق الرابط بين الدمام والجبيل التزمت بربط بحزام الامان
نحن نتخذ الاسباب والحافظ الله
حفظ الله الجميع من كل سوء


up 8 down 0
fanar1 530
قبل 7 شهر و 2 أسبوع



عقبال ماينزلو مخالفات على دق الفلشر

ماشاء الله الطرق قل فيها الحوادث بشكل ملحوظ وأخيرا المرور حس بأهمية شغله


up 5 down 16
يارب توفيقك 2014 1653
قبل 7 شهر و 2 أسبوع



مثل اول نضحك على المتقاعدين
يفرون بيوتهم يطفون اللمبات و كل فاتورة كهرب يدققون فيها

الحين كل الشعب يطفي اللمبات و السخانات و التوصيلات
كل شي محسوب دبل تحس انك مربط و تحت المراقبة
داخل البيت من الكهرب و الماء
و برا البيت كاميرات المخالفات و الله يجيب العواقب سليمة


up 8 down 0
1405-1985 1421
قبل 7 شهر و 2 أسبوع



مايزال عندنا مشكلة بشكل يومي وهي بعض الناس قبل لا يعبر تحت كبري او مخرج يمسك بريك و يوقف وطبعاً باقي الناس اجباري يوقف وراه ولاتدري هو خايف الكبري يهجم عليه والا يبي يجرب البريك في المخرج

في البداية كنت اقول اكيد فيه حادث او شي لكن امش قدام ماتلقى ولاشي ابد


up 3 down 0
chevrolet zr1 584
قبل 7 شهر و 2 أسبوع



مشكلتنا إذا طلعنا برا زي أمريكا و أروبا
جلسنا نمدح في النظام ونقول مافيه لعب وكذا
عندنا يوم جينا بنطبق النظام جلسنا نتذمر وساهر أكلنا والمخالفات أكلتنا
صحيح فيه حركات مالها داعي بنظام ساهر لكن حنا بالبداية والظاهر راح تجي أيام مع الكاميرات الحديثة راح نرضى على ساهر على بداياته..

النظام إذا حبيت تطبقه من خاطرك راح تطبقه بطريقة ثانية والصراحة الانضباط والمحافظة على القيادة أمر مهم جدا جدا للحفاظ على سلامتك وسلامة الآخرين


up 2 down 1
مجرد مشاركة 112
قبل 7 شهر و 2 أسبوع



ما أجمل النظام .. ولكن عندنا ناس مايعجبه العجب ويأتي بأعذار واهيه هو نفسه غير مقتنع فيها

وأنا مع أخي ( يارب توفيقك 2014 ) في إنزال عقوبه صارمه في اللي مايعرف إنه فيه إختراع إسمه ( فلشر ) إشاره إذا بتلف يمين تدق يمين وإذا بتلف يسار تدق فلشر يسار ههههههههههههههههههه



up 0 down 0
jakwar2004 293
قبل 7 شهر و 2 أسبوع



لاحظت في مدينه الرياض عند رغبه قائد المركبه الدخول الى مخرج او الى الالتفاف يمينا او يسارا يتضايق السائق والمركبه التي بالخلف ويحاول يحده
من الالتفاف او المرور حتى لوكان الماسف بعيده بشكل كبير ومريح لا اعلم هل الحل بالدخول وعدم اخبار السائق والمركبه التي بالخلف حتى تتفادى غضبه والدخول بأمان وكل اريحيه
الى المخرج او اللفه !!!


up 4 down 0
team leader 54
قبل 7 شهر و 2 أسبوع



المسافه*

مريحه*

تصحيح


up 1 down 0
team leader 54
قبل 7 شهر و 2 أسبوع



الصراحه اني اربطه سابقا.   اذا سافرت حيث اني افرغ جيوبي من اي شي.  وحيث انه بعد الله يحمي  
لكن داخل المدينه.  مزعج اذا بغيت تطلع الجوال تفكه.    واذا فرغت جيوبك تنسى اغراضك
عز الله انه داخل المدينه عقوبه وكتم للحريه شاء من شاء وابى من ابا.       لكن صرت مكرها اخاكم لابطل من يوم اركب اربط ابوه.   ١٥٠
تفلل الكوكو. مرتين.       واول ما ادخل حاره.  انطلق من قيودي.   اعطني حريتي اطلق يديا.  


up 1 down 0
عبدالله الشفيعي 1427
قبل 7 شهر و 2 أسبوع



في شي مهم بعد نسيت اقوله
لو تترك مسافة متر بينك وبين الي قدامك يجيك واحد يسقط فيها ماتدري كيف وبدون فلشر وبدون مايدري ان سيارته فيها مرايات واذا كلمته زعل عليك

حنا ماينفع معنا الا كاميرات تصوير تجي في السيارات من المصنع حق مثل هذه الحالات وتشتغل الكاميرات مع السلف ثم ترسل الى المرور بضغطة زر


up 0 down 0
chevrolet zr1 584
قبل 7 شهر و 2 أسبوع



ولسا بعض الناس ماهي فاهمة قاعدة (الأولوية لمن بداخل الدوار او للقادم من اليسار)
وماشيين على قانون "الأولوية للصامل" ... لا ويزعل اذا ماوقفت له شين وعينه قوية ههههه

الي ماهو مستوعب قانون الدوار شف ياصاحبي:
انت توك بتدخل الدوار وقف وناظر يسارك اذا الدوار فاضي اطلع او خلك واقف زي الأسد لين يفضى
واذا انت خلاص دخلت الدوار لاتوقف ابداً حتى تطلع لمخرجك....اضبطوا أموركم من الحين الله يرحم والديكم... مانبي بكره يحطولنا ساهرعلى كل دوار!!



up 0 down 0
عربي كريم 33
قبل 7 شهر و 2 أسبوع