أضف سؤال أو موضوع جديد          

افضل شاشة سياره ؟

up 2 down 0
just you2014 253
قبل 2 سنه و 4 شهر



السلام عليكم عندي يوكن 2007 ولا فيه شاشة ورغبتي للشاشة للسببين اولا عشان الكاميرا الخلفيه والثانيه عشان الخرائط وخاصة نظام اندرويد خرائط قوقل وفكرت اخذ مرايه تركب على المرايه الاصليه وفيها كاميرا مع جي بي اس منفصل يشتغل على الطفايه وفكرت اخذ شاشة متكامله مثل الرود ماستر نصيحتكم وش الافضل الاولى او الثانيه شاشة متكامله ووش افضل شاشه وبارك الله فيكم وكتب اجركم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
اول شي انصحك بتركيب شاشة كاملة مكان المسجل
ثانيا اذا جيت تركب شاشة
اشرط علية الصوت يكون زي ماهو نضام Bose
بدون ترهيم او توليف
لان بعض الشاشات مايشتغل النظام الصوتي
فيحاول انة يسوي توليف ويشغلها بدون نضام الصوت
يعني يصير الصوت زية زي صوت مسجل كرسبدا
فانتبة
وتفضل رابط هالفيديو
https://youtu.be/tHTzgcFV51s


up 2 down 0
الرفاعي33 13912
قبل 2 سنه و 4 شهر



الله يسعدك ماقصرت


up 0 down 0
just you2014 253
قبل 2 سنه و 4 شهر



شاشات رود ماستر السبب لان وكيلها هنا اي خراب هم المسؤولين عنه وعندك هاب شاشات كورية بس مالها وكيل
اهم شيء اذا جيت تركب تشرط عليه بدون تجريح في الاسلاك يعني فك وتركيب فقط



up 2 down 0
xviper 134
قبل 2 سنه و 4 شهر



وانصحك تاخذها بدون خرايط لان كل فترة يبيلها تحديث واشوف خرايط الجوال افضل وادق


up 2 down 0
ابوخلوودي1 5071
قبل 2 سنه و 4 شهر



رود ماستر حسب ما سمعت انها تعلق كثير

والا موجوده بالسوق عندي هاب طلبيه اقل شي 23 يوم


up 0 down 0
just you2014 253
قبل 2 سنه و 4 شهر



ابو خلودي انا ماخذها عشان الخرائط بنسبة 50 % لان فيه مرايا ب200 تؤدي الغرض بالنسبة للرجوع للخلف


up 0 down 0
just you2014 253
قبل 2 سنه و 4 شهر



عليكم السلام

اشوف انك تشتري حقت الوكاله تاخذها من تشليح او مر على الاعلانات من خلال خانة البحث عن شاشة الجمس ، هي حقت الدينالي تركب مكانها او التاهو ltz ،


up 2 down 0
panamira 1890
قبل 2 سنه و 4 شهر



إذا الميزانية تسمح ركب الاصلية أنا رميت شاشة صينية ورجعت المسجل الاصلي جودة الصوت فيها فرق كبير جدا جدا وإذا عندك شاشة علوية من الوكالة غالبا ما رح تشتغل مع الشاشات الصينية الا إذا ركبها واحد فاهم


up 1 down 0
أبو بسام22 78
قبل 2 سنه و 4 شهر



الشاشة حسب خبرتي بالشاشات والسيارات كمثل سيارتك

اذا كان موترك فيه سماعات بوز ( سماعات الفل كامل والنص فل ) ركب شاشة إسمها فلاي اوديو هي المناسبة لك

شركة قوية وقائمتها ومعالجها سريع جدا وواضحة جدا والاهم من هذا كله انها تدعم مضخمات الصوت ومتوافقة معها ) سماعات البوز ( اللي هي خاصة بوكالة جينرال موتورز

اما المراية ما أنصحك لأنها فعلا صغيرة جدا وتسبب تشتت لك

فلاي اوديو طبعا فيها مميزات
خرائط من آي قو عربية
مداخل يو اس بي و اي يو اكس و بلوتوث اتصال
تشغيل مقاطع الفيديو
وتقدر تربطها مع الدي في دي العلوي

اتمنى إني افدتك واي استفسار حاضرين


up 2 down 0
الاحترافي 1437
قبل 2 سنه و 4 شهر



هلا اخوي باناميرا المشكله شاشة الوكاله الخرائط فيها وسط على قولة اصحابها ولا ودي بالاصلي


up 0 down 0
just you2014 253
قبل 2 سنه و 4 شهر



هلا ابو بسام الخرائط تهمني كثير وعلى حسب اصحاب اليوكن والتاهو الشاشات اللي بالسوق افضل من هالناحية


up 0 down 0
just you2014 253
قبل 2 سنه و 4 شهر



الاحترافي صحيح السماعات عندي بوز وفعلا كلامك صحيح المراية شغله ولا حصلت منها متكامله كام مع جي بي اس وباذن الله راح اشيك على الشركه اللي ذكرتها وماقصرت الله يحفظك


up 0 down 0
just you2014 253
قبل 2 سنه و 4 شهر



ودي اعطيك ليك يالاحترافي ولا عاد يمدي ):


up 0 down 0
just you2014 253
قبل 2 سنه و 4 شهر



رأيكم بشاشة رود ماستر سمعت انها تهنق ويخرب فيه اليو اس بي لقيت شاشة اسمها هاب ولكن للاسف طلبيه ما توصل الا بعد 23 يوم والاهم تدفع نصف المبلغ قبل الحجز وان استخرت راح عليك المبلغ وفيه شاشة اخري فلاي اوديو وللاسف ما حصلت منها الا مستعمل وغاليه جدا جديده 3000 الاف ريال رأيكم بارك الله فيكم


up 0 down 0
just you2014 253
قبل 2 سنه و 4 شهر



رود ماستر مركبها على موتري
وركبت ثنتين الاولى جلست سنتين
وكانت تمام وفي الاخير علقت ولا نفع معها اي حل
وركبت الثانية اخر اصدار قبل 8 شهور
بطيئة في المس ابعد عنها بتمل منها


up 1 down 0
الرفاعي33 13912
قبل 2 سنه و 4 شهر



الله يجزاك خير فعلا سمعت كثير انها تعلق وفيها بطئ


up 0 down 0
just you2014 253
قبل 2 سنه و 4 شهر



ايوالله ياغالي نصيحة اخ ابعد عنها
كانت تعلق وافصل البطارية واشبكها وتشتغل
وعلى هالموال 4 شهور اخر شي علقت ولا اشتغلت
بيجي ناس يقولون دلمها تعلق ليش تركب وحده ثانية من نفس الشركة
وقت يوم خربت في رمضان وانا في الباحه
ولا عندي وقت اسافر جدة او الطايف اركب شركة ثانية
اضطريت اخذ رود ماستر مافية الا هي بمحلات الباحه
مشي حالك


up 0 down 0
الرفاعي33 13912
قبل 2 سنه و 4 شهر



نصيحة شاشة هاب وارفع يدك من عميل مجرب مافيها عيب واحد سريعه مافيها تعليق لها وكيل بجدة بأرقى الشوارع بعيده عن سوق الزينه.. والشركة تطور بشكل سريع انا متأكد انها بتستحوذ على سوق الشاشات قريب لانهم كل فترة بسيطه ينزلون باصدار جديد ومميزات احدث مايضحكون على العميل لدرجة اتاكدت بنفسي لمن جربت بيدي شاشة بالسوق رامها ٤ جيجا فيها بطئ وجربت شاشة هاب الرام ٢ جيجا سريعة جداً استغربت قام قاللي الموظف عندهم الرقم اللي بتشوفه بالسوق ذا تسويقي عشان تشتري لكن العميل الفاهم يبحث عن مصدر تصنيع الرام يكون من شركة معروفه وعملاقه حتى يعطيك الرام كامل كفاءته  .. جودتهم عالية جداً الجهاز بدون مبالغة مثل الجوال .. شي جربته وحبيت افيد فيه خلق الله ..اضافة لكميراتهم المجانية وجودتهم عالية بالرؤيه..والله على ما اقول شهيد


up 0 down 0
mohammed.2040
قبل سنه و شهر