مشكلة بقير يوكن 98

مساكم الله بالخير

اولا حاب اعتذر على موضوعي السابق اللي هو عن البنزين مادريت بحصل لي ديسلايكات
انا طرحت الموضوع فقط للتأكد هل صحيح او لا
و نتبادل النقاش و الاخبار الصحيحه

عموما

عند خويي مشكلة بتبديل النمر بيوكن 98
يعني ادا كان الموتر بارد و جيت تمشي عليه يمشي عادي
شوي و يقوم يتأخر بتبديل النمر و ادا دعست فيه يبدل على طول
يوصل للنمرة الرابعه و هو ماعدا ال 50
فحصت كمبيوتر ماطلع شيء عندنا و بدلت الحساس و لا في فايده
و اخوانا الحلاقين يبون يوضبون القير و انا مو مقتنع لان جت مرة وحده كدا
و عزمه تمام بس تأخير و تسريع في التعشيق فقط

الشغلات اللي سويتها
بدلت الحساس
بدلت الديلكو و المنظم مع الحساس عن تجربه و يوم شفت مو منه الخراب رجعتهم

احد مرت عليه مثل هالمشكله يفيدنا جزاكم الله خير

إبلاغ

الردود

انا حصلت معاي نفس المشكله لكن عزمه كان تمام
المشكله فقط في القير اذا احتر الزيت يطق
اذا كان بارد عادي يعشق بدون مشاكل
كانت لمبة المكينة شغاله فحصته كمبيوتر
طلع رقم العطل p1870
قالو لازم توضيب فكوا القير وجدو مع الزيت موية
مبرد القير الي برديتر خرب ودخل المويه للقير
تبي نصيحة رح لورشة متخصصة بالقيور افضل من
السباكين الي بالورش افحص عندهم كمبيوتر يطلعون
لك سبب العطل .

ftfr999 271
قبل 6 سنه و 7 شهر

في حساس tps شيك عليه ترا يتدخل بتبديلات القير
وعندك حساس الكرنك وحساس ناك سنسور
والديلكو اذا ماهو موزون يأثر على القير
وتأكد من ظفيرة القير انها سليمة يعني شيك على هذي الشغلات
قبل ماتوظب وان شاءالله المشكله تكون بسيطه وتنحل

سبحان الله 7787 260
قبل 6 سنه و 7 شهر

اخوي زاهد انت القير اللي عند خويك 4L60 يجي فيه اسلاك من القير الى الديلكو اثنين بدلهم بس لان من يصير فيهم حرارة

لعبوا في التعاشيق عندك و مايحتاج تفك الكرتير او تنزل الزيت

مكانهم يكون مع الحساس

بعض القيور لازم تفك الكرتير حق تبدله و انت شغلتك بسيطه

bindakheel 1204
قبل 6 سنه و 7 شهر

انا سويت مثل ماقلت لي يعطيك العافيه طلع نفس كلامك

مشكور يا شباب ماقصرتوا

زاهد الاحمدي 528
قبل 6 سنه و 7 شهر