أضف سؤال أو موضوع جديد          

هدرز على الجمس

up 5 down 1
bindakheel 571
قبل 2 شهر و أسبوع



السلام عليكم و رحمة الله و بركاته

موضوعي اليوم عن تجربة هو عن الهدرز

الهدرز معروف هو يجي مكان الاقزوز بيبات حسب النوع المتوفر الاستيل البحريني او السويدي

من المكينة و يكون اوسع شوي او نفس مقاس الوكالة

وظيفته يريح المكينة و يقوم بأخراج الهواء بسرعه و مخفف لضغط المكينة الناتج عن عملية الاحتراق



رحت البحرين قبل اسبوع و فصلنا هدرز على يوكن 99 مكينته تجي 350 فورتك 5.7

السعر 2700 طبعا كامل لين نص السيارة

من النصايح اللي تسويها و انت ناوي تركب الهدرز لازم يكون عندك مصدر دخل للهواء قوي

يعني مثل ماتطلع هواء بسرعه لازم يدخل هواء اسرع و ذلك بتركيب فلتر و يفضل اصلي او رياضي

و تكون دبة الوكالة موجوده وانا لغيت دبات التلوث و رجعت دبة الوكالة لسبب لايكون في ازعاج

بعد اسبوع من التركيب رحت عليه البر و مشي على الطريق و لا اروع

صرفية بنزين تحسنت و عزم اكبر طبعا يعطيك تقريبا من 8 حصان الى 15 او 20 حصان

و السبيات الحمد لله مافي سلبيات

فيه اشاعات تطلع ان الهدرز يتعب المكينة او يقص الزيت و هو كلها اشاعات

اكثر الشباب بس يركب هدرز ماعندهم الا الدعس يعني بهدرز او بدون راح تتعب من الدعس


الاماكن اللي تفصل لك الهدرز انا انصحك بالبحريني في سلماباد او بني جمرة محل كزوز مارت

او العتيبي بالدمام الصناعية الاولى

السويدي الاماراتي في الشارقه


تحياتي لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


غريبه بحريني ٢٧٠٠ اللحين مكاين اللكزس
ال ٤٠٠ اللي ترهم على الهلكس والباترول
ب ٣٠٠٠ اقل شي كامل جاهز ماهو تفصيل بعد
ممكن تفيدني بنوع المعدن اللي ممنوع
منه ومن ناحية الفلتر افضلك ركب غرفه
لانه كل ما برد الهوا يعطي اداء ازين
وبعد كذا لازم برمجه عشان تستفيد
اقصى شي وركب لك مراوح سبورت
او سوبارو وانا اتكلم عن تجربة


up 1 down 3
yasserg16 759
قبل 2 شهر و أسبوع



اخوي ياسر انا كنت اركب هدرز بحريني على مواتري بدايتها كانت على 200 ال 78 و غيره بعد وموديل 80 حده بس 950

و الالتيما 95 كان سعره ب 1200 لان اخدت الهدرز لين الدبة لان تفصيل من جهة وحده

المكاين ال 8 سلندر جهتين و يوصل لك لين الدبة ب 2800 او 2700 ريال بس و ادا كامل ياخد عليك 3000 لين اخر شيء

اكزوز مارت انا اتعامل معاه من اكثر من 10 سنوات و ادري انه بس يشوف سيارات سعودية يغلي السعر لذلك نرجو الحدر
في التعامل معاه

المشكلة شغله توت التوب و نوع الهدرزات عنده الاستيل

بس على مراوح السوبارو مايعجبوني في ال 8 سلندر الاحسن منهم مراوح اليوكن او التاهو الجديد

و الاقوى منهم مراوح الاسكاليد تجي 5 و 9 ريش

هدا رقمه (0097317785717)

هدا شغلهم

https://mulpix.com/instagram/%D9%82%D8%B2%D9%88%D8%B2_%D9%85%D8%A7%D8%B1%D8%AA.html


up 3 down 1
bindakheel 571
قبل 2 شهر و أسبوع



الله يباركلك وانا اشوف ماله داعي بسبب االسيارة و السعر اللي يكسر الظهر لو طلبته من برا مع الشحن ارخص
شريت للأفجي من ايبي امريكي اصلي ستانستيل


up 0 down 2
x-bariq 119
قبل 2 شهر و أسبوع



مشكور على معلوماتك و مستغرب من اللي يستخف بالهدرز
البحريني تراه اطلق من الهدرزات الاصليه و اوسع
الامريكي زفت تحسه نفس الشكمان بالانش
و سعر البحريني معروف للسته سلندر ب 1000 و شوي
و ال8 سلندر دبل و اقوى و افضل من الامريكي و السويدي

بارك الله فيك


up 2 down 1
mustafa77 6103 172
قبل 2 شهر و أسبوع





x-bariq تقدر تصور لنا الهدرز

الامريكي يجي 2 انش بالكثير
البحريني يجي 3 انش الا ربع اوسع و احسن مع التركيب و وتوصيل لين الدبة مع وصلته جاهز و ألمنيونايز

انت تجيب من امريكا سويدي او امريكي ضيق و 2 انش و بدون تركيب و بدون وصلة و بالوصلة يزيد سعره

و بالتركيب يطلع اغلى من البحريني

لذلك البحريني ارخص و افضل


up 1 down 1
bindakheel 571
قبل 2 شهر و أسبوع



يعطيك العافيه و انا زمان عن المنتدى كنت ابحث بقوقل و لقيت موضوعك
عموما ماعليك من اللي يقول غالي انا رحت و قال لي ب 3 الالف و عندي جمس فورتك
و حاولت و قال لي جيبها و بعدين نتفق
و البحريني اقوى الهدرزات و افضلها


up 1 down 0