أضف سؤال أو موضوع جديد          

مشكله في الجمس

up 1 down 0
ابو راشد 3 342
قبل 11 شهر



السلام عليكم ورحمة الله 

عندي يوكن مديل ٢٠٠٠ امريكي الموتر نضيف من كل النواحي 

الا مشكله فيه من يوم شريته قبل ٤ سنوات وللحين موجوده 

اذا وقفت والمكيف شغال يحتر الموتر والمكيف يحتر بعد وذا دست بنزين تنزل الحراره شوي  ويبرد المكيف وذا كان المكيف طافي احيان ماترتفع وحيان اذا طولت مره وهو واقف وشغال ترتفع 

طبعا اذا احتر احيان احصل ماء الاديتر ناقص وزوده 

تكفون الي يعرف مشكلته ولا مرت عليه يفيدني 
لان الورش لو جيتهم كل واحد يبي يصرف لي مشكله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتوقع كلتش المروحة عندك تعبان وخصوصا انه مراوح الجمس مديل 2000 مكانيكية


up 1 down 0
ms3al 1558
قبل 11 شهر



ركب مراوح كهرب قدام الدريتر ورا الشبك


up 0 down 0
المالكي 1254 10
قبل 11 شهر





قدام الرديتر




up 0 down 0
المالكي 1254 10
قبل 11 شهر



وعليكم السلام
هذا عيب المروحه المكانيكيه
شوف تركب مرواح للمكيف تنفع شوي وماتطول يعني ربع ثلث ساعه ترتفع الحراره

الحل واحد ومافيه غيره ولاتتعب نفسسك (غير المروحه الاساسيه من مكانيكيه ام سير الى مرواح كهرب)

عندي تاهو2002 ولافضيت اركب له مرواح واستخدامي له قليل وان شاء الله ناوي اركب له


up 0 down 0
المنطق يقول 665
قبل 11 شهر



كلتش المروحة وان كانه سليم شف طرمبة الماء يمكن ماتدفع ماء الا لادعست له وطريقة فحص كلتش المروحة طف الموتر وخله يبرد وفرها بيدك ان كانت خفيفة غير الكلتش او زيت الكلتش وان كانت ثقيلة فهي سليمة وافحص طرمبة الماء وطريقتها شغل الموتر وهو بارد وافتح غطا الرديتر وناظر الماء ان كانه يتحرك وواضحة حركته الطرمبة سليمة وان كانه ماء راكد ودعست للموتر وتحرك فجاة فهي على وشك
ان كان فيه غلط صححولي ياخوان


up 1 down 0
ahamd9477 121
قبل 11 شهر



رديتر وارد امريكا يجي صغير بدله بواحد كبير ترى رخيص و نظف المكينة بجهاز تنظيف رديترات و ضيف ماء اصلي

و ركب لك مراوح ثنتين اصليه قدام الرديتر وحده مع السلف و الثانيه مع التكييف

و ادا مصمم ركب لك مراوح يوكن او تاهو جديد من موديل 2007 و طالع كهرب


up 0 down 0
bindakheel 913
قبل 11 شهر



مشكلتك من المروحه ركب مروحه 
ورا الشبك وتنحل مشكلتك 
لو الرديتر فيه شي ترتفع الحراره وانت ماشي 
اما اذا وقت ترتفع الحراره ولا مشيت تنزل الحراره 90 بالميه
من المروحه  


up 0 down 0
w.asa 2052
قبل 11 شهر



المشكلة طبيعية عندي تاهو امريكي نفس الموديل و نفس الوضع
بحثت و حصلت مواضيع كثيرة في المنتديات يشكون من نفس المشكلة
ترتفع الحرارة اذا كنت واقف ومشغل المكيف لمدة 15-30 دقيقة
واذا درجة حرارة الجو اكثر من 35 تقريبا
والمشكلة شائعة في اغلب الجموس الامريكية من موديل 2000-2004
لان المروحة فيها مكنيكية
لكن من موديل 2005 وفوق اصبحت كهربائية



up 1 down 0
ghost1 576
قبل 11 شهر



مثل ماوضحولك الاخوان ابد ركب لك مروحتين خارجية
خلف الشبك وركب لها حساس مرسيدس بكوع المويه مقاس 85 تشتغل اذا ارتفعت الحرارة
اتوماتيك وتشتغل اذا شغلت المكيف وركب مراوح مرسيدس
مقاس 10 انش لانها تحل لك المشكله نهائي اثناء الوقوف
والتبريد يصبح افضل وقت الصيف وتنزل لك حرارة القير
وافحص كلتش المروحة اذا خربان غيره واذا حاب تزيد ركب مبرد قير
تروكل مقاس كبير ولاراح تشكوى من شي اسمه حرارة مكينة
او قير ما انصحك تركب مراوح كهربائية بدل المروحة الكلتش
انا جربتها تصلح للمكينة الطراز الصغير اما المقاس الكبير ماتنفع
والمروحة الكلتش مميزاتها تبرد لك الرديتر والمكينه وتشتغل
في جميع الظروف حتى لو تخرب تبرد لك 90 % وتقدر تمشي فيها اما المراوح
الكهربائية اذا خربت ترتفع الحرارة وتضرب لك المكينه ولاتقدر تمشي بالسيارة
نصيحه ثانية فك شبك السيارة وجيب لك فلاش ورشه على رديتر
المكيف وخله دقيقه ثم رشه بموية ضغط قوي يطلع لك الاوساخ العالقه فيه
وركب لك رديتر ثلاث رصات وغير بلف الحرارة ركب حق جيب نيسان بخاخ
يجي نفس مقاس الجمس ويفتح على 76 درجه وغير غطاء القربه اذا كان خربان
وحط مويه اصلي رديتر باذن الله ماراح تشكوا من ارتفاع الحرارة



up 1 down 1
ftfr999 269
قبل 11 شهر



هاذي المشكلة شائعه بشكل جدا كبير واغلب اصحاب الجموس
جوني يشتكون منها زي وصفك بالزبط 
واعطيتهم من مراوح المرسيدس 12انش ولا عاد اشتكو من ضعف 
المكيف وقت الوقوف ولا من ارتفاع الحراره بشكل نهائي جدا 
لو يوقف يوم كامل
وان كان تحتاج منها كلمني ومايصير خاطرك الى طيب


up 1 down 2
احمد شريف 3195
قبل 11 شهر



ركب مراوح كهرب وارتاح
الحرارة بتنزل
صرفية البنزين اقل
المكيف راح يبرد اكثر من اول
العزم اقوي
ماراح تسمع حنة المروحة الميكانيكية
موديلات ٢٠٠٥ و ٢٠٠٦
مراوحهم كهرب شد بلد ويركبون عندك فك ركب
بس شرط تركب حساس مرسدس وامورك طيبه


up 0 down 0