أضف سؤال أو موضوع جديد          

رديتر المحرك

up 35 down 2
bindakheel 308
قبل شهر



السلام عليكم و رحمة الله و بركاته


انا بحاول ان كل فترة اكتب مواضيع هنا ليستفيد الجميع و يمكن اكون غلطان و الشباب يصححون لي و للكل

المشكلة الموقع مافيه دعم للصور و الا كان افضل

كما تطرقت من قبل عن موضوع التكييف بنروح الى التبريد

في شيء محيرني من زمان و الا هو الوكالات عندنا يعني موتر مثل الجموس 8 سلندر او غيره حتى 4 سلندر

يجي معظمها مو كلها برديترات صغيره صفة وحده او حتى بدون مبردات و خاصة من التسعينات

مثال الجمس سوبربان او اليوكن و التاهو و غيره حجم مكينته 350 كان يجي صفة وحده و قليل على 454

مع ان بالخليج المفترض يجي اكبر شيء و مع مبردات للقير على حرارة اجوائنا بالصيف

في ناس تضطر تركب مراوح كهرب يعني انت حل الموضوع بالاول قبل لا تشيل البلاد

بتضطر تركب مراوح

و تضعف الكهرب و ترهم دينمو دينالي او غيره و تركب بطارية مقاس اكبر

نبدي و عن تجربة

انا عندي جمس سوبربان 1996 ملكي 350 ابو 8 مسمار

عانيت من الحرارة شوي مع المكيف و الصيف والموتر واقف

اللي سويته

1- غيرت الرديتر من صفة وحده الى 4 صفات المنيوم مع قواعد فوق ل454

طبعا ركبت صيني و خويي ركب اردني و لا فيه فرق و الحين لنا اكثر من سنتين الحمد لله و سعره 500 ريال

2- ماء بريستون حبتين و معروف يجي من GM بس مو مركز انا اخدت 50/50

حق اصبه كامل بدون ماء مقطر او ماء عادي و بالوكالة السيارات اول تطلع من المصنع تتعبى موية تبريد بس

3- غطاء رديتر ديكسول و اكثر خطأ تاخد حق فورد او غيره لان يفتح على 92

4- تغيير الثرموستات

5- الريش تجي على 350 بس 5 ريش و 454 تجي 9 ريش و بعضها 11 و انت خد ابو 11 ريشة

و لا تخاف من الحنة لان ادا الكلتش تمام مابحن و انصحك بكلتش مروحة لجموس 2005 حتى لو امريكي

و اهم شيء يكون الكاور موجود كامل لدفع الهواء بين المكينة و الرديتر

ملاحظة لو تغير الرديتر لاكبر بيركب بس على القواعد فوق تسويها عند حداد او محل الرديترات يعرف بسيط

و نصيحة مني

انا عندي جهاز لغسيل المكينة بالبيت اللي تحتاجه بس دينمو او مضخة موية نص حصان او حصان

و ليات و تسوي له مثل اللي بمحلات الرديتر ماتكلف سعر المضخة و كل سنة نظف موترك بنفسك


و مثل ماقلت من قبل تركيب مروحة اضافية للمكيف تكون اهم شيء اصلي

بتقول وداعا للحرارة وتلاقي افضل تبريد للمكينه و المكيف وحتى مبرد قير الوكالة اللي داخل الرديتر بكون ابرد

موضوعي القادم عن مبرد القير

دمتم بحفظ الرحمن









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي والله العظيم اشتقنا للمواضيع اللي مثل هذي مشكووور ياغالي ع الطرح الجميل ولك احلى لايك 


up 3 down 1
yasser alyasser 421
قبل شهر



وعليكم السلام
موضوع ارتفاع الحراره مع المكيف اثناء الوقوف
ماله حل إلا تغييير المروحه من مكانيكيه الى كهرب وينتهي موضوع الحراره نهائيآ

تركيب مروحه للمكيف مسويها عندي كلها ثلث ساعه او اقل ويرتفع
واشتريت كلتش مروحه اصلي لكن الحنه مازالت وترفع الظغط

اغلب السيارات اللي تجي مرواح مكانيكيه يواجهون مشكلة ارتفاع الحراره بالوقوف مع المكيف
او ضعف البروده الحل هو (تغيير المروحه المكانيكيه ام سير الى كهربائيه)وبس


up 1 down 1



و عليكم السلام

ماقصرت على الموضوع اخي


up 3 down 0
mustafa77 6103 56
قبل شهر



استبعد انا فكرة ترهيم مراوح الكهرب

تعطل عليك تروح فيها على مشوار طويل بس كلتش المروحة بيخدمك حتى لو عطلان

تركيب مراوح كهرب قدام الاديتر فكرة حلوة بس ترهيم خلف مايصلح

وجهة نظر


up 2 down 1
mustafa77 6103 56
قبل شهر



موضوع جميل وشيق للنقاش
معي جمس سييرا قطع ١٠ رفرف موديل ٩٨ رفرف
حجم المكينة ٣٥٠ فورتك بخاخ
من شريته وانا اشتكي من حنة المروحة المزعجة
وارتفاع الحرارة الى مابعد النص بشرطه واحده اثناء الوقوف عند الاشارة
تم تبديل الراديتر تم تبديل الثروموستات تم غسيل مجاري الماء من الصدأ
تبديل كلتش المروحة وتبديل غطاء الراديتر باأصلي
مافي فرق بالحرارة من اوقف عند اشارة بوسط الزحمه ترتفع لين النص
والمكيف يقل تبريدة
لين نصحني واحد بمراوح الكهرب
وشفت جموس موديلات من ٩٠ الى ٩٩ مركبينها
مميزاتها :
١_ اختفاء الحنه المزعجة نهائي
٢_ زيادة بعدد الاحصنه زيادة بالعزم وخفة بالسيارة
٣_ تسحب هواء كافي وانت واقف بزحمه ماترتفع الحرارة
٤_ زيادة برودة المكيف بشكل ملحوظ
٥_ تحسن في صرفية البنزين
عيوبها :
اذا تعطلت وقف مكانك واقرب سطحة
انا واحد من الناس الي كنت مااحب الترهيم
بس عيوب المروحة الميكانيكة اجبرتني افكر بتحويل الى الكهرب
غير اني شفت سيارات من نفس النوع الي عندي مركبينها ولهم سنين ماشتكو منها
انا حاليا موقف السيارة بالورشة لتركيب مراوح الكهرب ويبيلها ايام ان شاءالله وبنزل موضوع عنها


up 0 down 0
سبحان الله 7787 2
قبل 4 أسبوع



انا من قبل كنت افكر اركب مرواح كهرب بس من ضبطت الحرارة بعد ماركبت الاغراض دي و برد المكيف شلت الفكرة

و الا هي حلوة للتبريد و زيادة العزم بس للمتخوفين منها قلت اطح الموضوع ههه

بس غريبة 350 و فورتك ترتفع حرارتها كدا ماركبت رديتر اكبر 4 صفات حق 454 ؟


up 0 down 0
bindakheel 308
قبل 4 أسبوع



لا ركبت اصلي اللمنيوم بس مشكلتي انا معا مروحة الكلتش
دايم تحن والريش حقينها حديد وثقيله
خل الموتر يطلع واكتب تقرير كامل عن المرواح الكهرب ان شاءالله


up 0 down 0
سبحان الله 7787 2
قبل 3 أسبوع و 6 يوم