رديتر المحرك

40 2

لايمكنك التصويت حتى الحصول على 20 نقطة على الأقل
إضغط هنا للإخفاء

bindakheel 1204
قبل 6 سنه و 8 شهر

السلام عليكم و رحمة الله و بركاته


انا بحاول ان كل فترة اكتب مواضيع هنا ليستفيد الجميع و يمكن اكون غلطان و الشباب يصححون لي و للكل

المشكلة الموقع مافيه دعم للصور و الا كان افضل

كما تطرقت من قبل عن موضوع التكييف بنروح الى التبريد

في شيء محيرني من زمان و الا هو الوكالات عندنا يعني موتر مثل الجموس 8 سلندر او غيره حتى 4 سلندر

يجي معظمها مو كلها برديترات صغيره صفة وحده او حتى بدون مبردات و خاصة من التسعينات

مثال الجمس سوبربان او اليوكن و التاهو و غيره حجم مكينته 350 كان يجي صفة وحده و قليل على 454

مع ان بالخليج المفترض يجي اكبر شيء و مع مبردات للقير على حرارة اجوائنا بالصيف

في ناس تضطر تركب مراوح كهرب يعني انت حل الموضوع بالاول قبل لا تشيل البلاد

بتضطر تركب مراوح

و تضعف الكهرب و ترهم دينمو دينالي او غيره و تركب بطارية مقاس اكبر

نبدي و عن تجربة

انا عندي جمس سوبربان 1996 ملكي 350 ابو 8 مسمار

عانيت من الحرارة شوي مع المكيف و الصيف والموتر واقف

اللي سويته

1- غيرت الرديتر من صفة وحده الى 4 صفات المنيوم مع قواعد فوق ل454

طبعا ركبت صيني و خويي ركب اردني و لا فيه فرق و الحين لنا اكثر من سنتين الحمد لله و سعره 500 ريال

2- ماء بريستون حبتين و معروف يجي من GM بس مو مركز انا اخدت 50/50

حق اصبه كامل بدون ماء مقطر او ماء عادي و بالوكالة السيارات اول تطلع من المصنع تتعبى موية تبريد بس

3- غطاء رديتر ديكسول و اكثر خطأ تاخد حق فورد او غيره لان يفتح على 92

4- تغيير الثرموستات

5- الريش تجي على 350 بس 5 ريش و 454 تجي 9 ريش و بعضها 11 و انت خد ابو 11 ريشة

و لا تخاف من الحنة لان ادا الكلتش تمام مابحن و انصحك بكلتش مروحة لجموس 2005 حتى لو امريكي

و اهم شيء يكون الكاور موجود كامل لدفع الهواء بين المكينة و الرديتر

ملاحظة لو تغير الرديتر لاكبر بيركب بس على القواعد فوق تسويها عند حداد او محل الرديترات يعرف بسيط

و نصيحة مني

انا عندي جهاز لغسيل المكينة بالبيت اللي تحتاجه بس دينمو او مضخة موية نص حصان او حصان

و ليات و تسوي له مثل اللي بمحلات الرديتر ماتكلف سعر المضخة و كل سنة نظف موترك بنفسك


و مثل ماقلت من قبل تركيب مروحة اضافية للمكيف تكون اهم شيء اصلي

بتقول وداعا للحرارة وتلاقي افضل تبريد للمكينه و المكيف وحتى مبرد قير الوكالة اللي داخل الرديتر بكون ابرد

موضوعي القادم عن مبرد القير

دمتم بحفظ الرحمن

إبلاغ

الردود