أضف سؤال أو موضوع جديد          

سؤال عن السييرا 16 و 17

up 2 down 0
bright lights 7
قبل شهر



السلام عليكم كيف الحال عساكم بخير ..

انا مقبل على شراء سييرا موديل 16 او 17 كيف السيارة معكم بالمسافات الطويلة .. مريحه ولا متعبه .؟
لاني اسبوعيا اسافر بحكم ظروف دوامي .. والسؤال الثاني هل اضائة السيارة زينه ولا مش حالك .. ووش نوع الاضائة
LED او هالوجين او محولات زينون .؟ الطريق اللي اروح من عنده نادرماتمر فيه سيارات مظلم بزيادة
فعشان كذا موضوع الاضائة مهم بالنسبه لي.. واللي عنده امريكي مديل قديم يعرف وش اقصد معاناة مابعدها معاناة مع الاضائة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا جربته في الوكاله غير مريح انصدمت  الحقيقه منه
الهايلكس ارحم منه في التنقيز خصوصاً سعره حول ١٣٠الف
وفِي الأخير غير موريح 
الموظف يقول غير جنوط أصغر وغير مساعدات
يحاول يقنعني لانه داري انه غير موريح 
قلت ياخي اخذ سياره ب١٣٠ الف وكاله وفِي الأخير اروح الصناعيه أرهم فيه

انت بأمكانك تروح للوكاله وتجربه يمكن تقتنع فيه
السياره جميله وهذا عيبها وانا صرفت النظر عنها بعد التجربه



up 2 down 7
البراق15 1637
قبل شهر



من 2016غيروا النور الاصفر وصار زنون كامل حتى الكشافات


up 1 down 0



الله يعطيكم العافيه عالرد بالنسبه لاخوي البراق تجربة السيارة بنفس اليوم اللي تروح لهم فيه ولا لازم حجز وعوار راس


up 1 down 0
bright lights 7
قبل شهر



كان في مشكلة بالسييرا والسلفرادو الشكل القديم ان القير يسخن دايما واغلب اصحابها 
يركبولها مبرد قير اضافي .. ماعندي خلفية لو هالمشكلة انحلت بالشكل الجديد او لا لاكن اتاكد قبل لاتشتريه 
خاصة انك ماتبغى ترهم وتولف بالصناعية .. ومبروك مقدما


up 0 down 0



غير مريح ابدا وضيق خصوصا الغماره كان عند اخوي ٢٠١٦ Z71


up 0 down 0



في نفس اليوم صوره من الرخصه ربع ساعه ويطلع معك الموظف
في السياره
التوكيلات العالميه


up 0 down 0
البراق15 1637
قبل شهر



ماجد غير مشكلته يسخن خصوصا مع راعين ال4 نمر زي الكوابرس 4 نمر لكن القيور الجديدة 6 نمر كويسة
وعتبي على جنرال موتورز يوم خلوا الكوابرس والجموس 6 نمر ليش ماركبوا لها مبرد قير اضافي زي ماسوو للكابرس مع انه في ذا الحر ماهم ذاك اللي يكفي مره.
بس اللي يقول يسخن وذا غير صحيح الا للي فاجره قومات وتدعيس كل شوي ومايريحه هذا طبيعي اي سيارة تدعس لها والجو مايساعد والله لو 4 سلندر راح يحتر ويسخن
اما عن راحته فانا والله ركبت سلفرادو 2010 واشوفه كويس مريح فاللي يقول الهايلكس اريح اتوقع نصاب هههههه


up 1 down 0



بالنسبة للراحة ماتقارنه بسيارات سيدان لانه صنع فالاساس للتحميل
وطبيعي يكون قاسي بس اهون من الشاص واهون من الهايلكس
بفررق كبير ومجربها كلها
الاضاءة جدا ممتازة
واللي يقول يصخن القير صحيح يصخن لكن في طلوع مثلا عقبة
او طعس وانت داعسله طبيعي يصخن
السيارات الي جربتها شاص 2010 هايلكس 2004 غمارتين هايلكس 2016 غمارة
جمس سييرا 2007
وبصراحة انصحك وبشدة بالسييرا دامك راعي خطوط ارسى اقوى اريح
والله يباركلك مقدما


up 1 down 0
11234 74
قبل شهر



موتر ماعليه كلام و ادا السالفة على القير ركب مبرد اضافي عادي حتى لو جديده وكالة بالعكس بتريح القير


up 1 down 0
mustafa77 6103 56
قبل شهر



موتر فاشل
وكل اللي خذوه يشتكون من قساوته وحرارة القير
لازم اللي يأخذه يغير مساعدات ومدري وش يغير عشان تخف القساوه

لازم تصير سواقتك سواقة شياب او يحتر القير
حتى واحد يقولي فالبر ما ادعس له ولا اطعس
ولكن يحتر القير لازم اوقف شوي اخليه يبرد !

انا من ناحيتي ما هضمت الموتر ابد خلاص وقف الجمس الحوض من 2006 اما اللي فوق هالموديل مواتر مزفلت فقط


up 0 down 3



وعليكم السلام 
حبيبي بقولك بحكم املك سييرا غماره 16 فل
مدة الاستخدام سنه وعليها 
واغلبها خطوط وعقبة بحكم عملي الممشى فوق 60 الف 

خذيت الموتر وكالة بعد ممشى 10 الف
واول تشييك بالوكالة تاكدة من الموتر مافيه ملاحظات

ركبت مبرد قير ترو كول 40 الف وحده وبلف حراره رياضي وبرمجت المراوح
ومشاءالله تبارك الله لاحرارة قير ولامكينة كلها عال العال 

السلبيات ( صوت صفير يفقع اذنك بعض يطلع اذا الجو فيه عج
كذلك صوت الديكورات مع الحفر والمطبات قاسي وينفض جنوطه وكفراته ماتناسب خطوط ابدا )
اما على الخطوط النظيفه الموتر ولا اروع ) 

اما الإجابيات فهي موتر يطربك ولا ودك تنزل منه للعلم. مركب عليه فل هوائيات وبرمجه والحمد لله بدون مشاكل
نظام الرادار والتصادم فيه جدا جميل لو سياره قدامك يفرمل من غير تدعس انت وله درجات وتقدر تلغيه
وفيه مثبت السرعه الذكي كذلك نظام الامان فيه صلاتي ع النبي 
تحس معك موتر صح 

اما بخصوص الاضاءه جدا جميلة زينون عدسة وحده خطين عالي واطي
لكن ترى لاتقارنه بنور سيارات تيوتا 

اعتذر للاطالة اذا كنت عاشق للجمس بتاخذه
اما بتاخذه على السمعه بتجلس فتره وتمل منه
ونصيحتي خذ مستخدم سعره نازل وطيب

هذا ماحببت اشارك فيه 
وفقك الله ورعاك 
احترامي ..


up 1 down 1
صلآتي نجآتي 116
قبل 2 أسبوع و 4 يوم