بخصوص أسعار الكفرات هل تم نزول الأسعار ؟

ان شاء الله صحيح لان حتى الصيني مرتفع سعره

انا غيرت قبل اسبوع نيكسن مقاس ٢٥٥/٤٥/١٩ 

ب ٤١٠ الواحد 

أنا غيرت قبل أسبوع سيلون صيني 2017

الاربعة كلفتني 490 ريال
المقاس 195/55/16

والله شكلي بشوف الصيني
غريب الدار يقول الواحده بـ 410
وأبو يارا أربع كفرات بـ 490
لأني أصلا ما أمشي عليه خطوط بس داخل الرياص

غيرت قبل  3 سنوات كفرات صيني 
طقم ب  400 ريال
ولحد الحين ماشاء الله عليها كاده معي 

اذا تبي السعر الممتازه 
لا تشتري من البناشر 
انزل كيلو  2 و كيلو 3 تحصل بسعر منتاز وفرق 

مشكلة البناشر في الأسعار فعلا
لكن أنا بالرياض وعندنا مكان أسمه الغرابي
تقريبا أسعاره أرحم من البناشر بكثير
بشوف هالويكند كيف أسعار الصيني هناك إن شاء الله

انتبهوا للجودة واتركوا السعر 

الصيني بعض النوعيات اثبت وجوده بسعر مناسب
او تايلندي ماكسس او غيره

المهم درجة تحمل السرعة ة الحرارة انتبه لرموز الحروف
و الكفر قطعة مطاط اي شي يأثر عليها مهما كانت جودتها
و اللي يستخدم مشاوير داخليه ما يسرع يمشيه اي نوع

ياشباب مافيه شي اسمه نزول الاسعار 
اللي يصير فتره من السنة يصير عندهم فترة تصريف للكفرات بسبب التاريخ 
يقول لك سعره نزل والشركة مسويه عليه عرض وكله كلام فاضي 
يبي يصرفه لأن الوكلاء بدأو بتوزيع الكفرات بالتاريخ الجديد 2017
والقديم بينشب للموزعين وماعاد بيمشي عندهم وتحصله يقولك هذا نهاية 2016
وعليه ضمان سنه وعليه وعليه ونشيك لك على الاذرعه والوزن ومن هالكلام  
واذا لاسمح الله صار بالكفر شي ورجعت له حتى مايطالع فيك يقول روح للوكيل الضمان عنده 

والوكيل اذا رحت له  حولك على الفني وعلى طول يكتب لك تقرير ان الهواء ناقص وانت مشيت على الكفر 
ولا خلل بسبب مسمار أو مطب وكأنه يعلم الغيب

سياره تسافر فيها ركب كفرات أصليه 
سياره استخدام بلد ركب صيني 

من زمان نازله يمكن قصدك بتنزل زياده ممكن
انا مركب طقم ميشلان الواحد 350ريال

ركبت اليوم كفرات دلوب لسياره لاندكروزر الواحد 400 ريال

الاسعار ما تغيرت انا ركبت هانكوك قبل 3 سنوات ورحت لمحلات الكفرات قبل اسبوع والاسعار ما تغيرت لكن انت حاول تروح لاكثر من محل بالغرابي وتسعر طبعاً اسعارهم وحده لكن يمكن بعضهم ينقص 10 او 20 ريال للكفر بعد المكاسره وهذا شي من صالحك

مش حالك لايام البرد
كلها شهرين
في الصيفيه يزودون
مع السفر والاجازات ....
مع البرد كل شي يبرد حتى الاسعار

تغيرت الاسعار الهنكوك كان قبل ٤سنوات ب٢٦٠ مقاس ١٥
الان سعره ب١٥٠ريال واسال مجرب وواقف ومشتري