أضف سؤال أو موضوع جديد          

تفتفه في السياره

up 4 down 1
zihr 7
قبل 7 سنه و شهر



عندي يوكن 2003فيه رجفه بسيطه عند يكون واقف عند الاشاره وتزيد عندما يكون المكيف شغال وديته اكثر من ورشه وقالوكراسي المكينه وغيرتها وكرسي القير وغيرته اصلي مافيه فائده قالو شكمان وغيرته ومافيه فائده الذي يستطيع يفيدني ارجو الافاده شاكرين لكم ياخوان والذي يعلم ورشه جيده في الخبر اوالدمام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياخي اترك الورش الحراميه والزيود النصابين الي فيها

رح اي ورشة متخصصة كبيره مثل البيان وافص كمبيوتر ب 100 ريال فقط يطلع لك العيوب كاااااااااااااااااااااااااااااملة والكامل وجه الله
وتوفر المبالغ الي بينصبون عليك فيها هالزيود حسبي الله عليهم




up 4 down 3
YASSER505 4165
قبل 7 سنه و شهر



الامريكي بشكل عام فيه حساسات بالهبل نظف حساس الماف اللي يجي عند الفلتر لانه يقيس كمية الهوا ويتحكم في ضخ الوقود نظف الثروتل


الفحص ازين لك لان الحساسات تتعطل وفي حسات لاتغيرها مالها داعي ومكلفه اتركها مارح تضر اما اذاالتفتفه جامده اكشف وغيرالحساس الضروري واي حساس داخل المكينه خله يولي لو غيرته راح يرجع بسرعه


up 0 down 0
علي العميري 79
قبل 7 سنه و شهر



شيخ المعارض
انا عندي المشكلة ذي وايش السبب


up 0 down 0
mr.abuud 1711
قبل 7 سنه و شهر



يعني انظف الفلترولا 


up 0 down 0
mr.abuud 1711
قبل 7 سنه و شهر



معليش بالنسبة للبخاخ وين احصله قبل الفلتر ولا بعد


up 0 down 0
mr.abuud 1711
قبل 7 سنه و شهر



الحل الأكيد لازم تسوي تصفيه للمكينه من (صفايه البنزين والكويلات والبواجي ماء الرديتر) هذه أساسا لازم تغيرها بشكل دوري حتى لو ماكان العطل منها وغيرها في الوكاله أفضل وأما التفتفه وديه الوكاله يسون له صيانه ويصلحون العطل وريح راسك من لف الورش والنصب والقطع الغيار المغشوش. موفق أن شاء الله .


up 0 down 0
عاشق المعارض 703
قبل 7 سنه و شهر



شيك على الخانق وتاكد انه مربوط كويس ونظف الثروتل بدي


up 0 down 0
t.s.91 5
قبل 7 سنه و شهر



الله يلعن الميكانيكين الدلوخ بس وش كراسي مكينه وكراسي قير ووش دخل ابو الشكمان في رجفه المكينه؟؟؟؟


up 0 down 0
doom1 198
قبل 7 سنه و شهر



الله يلعن البخاخات كلها دوخ راس الله على ايام الكربريتر راحة بال وتعرف مشاكل سيارتك بنفسك


up 3 down 0
ابو جمل 33
قبل 6 سنه و 9 شهر



قلهم ينظفون" الثروتل " ويفصلون السالب حق البطارية ومن ثم يعيدونه لمكانه بعد التنظيف وراح يرجع موترك وكاله . بحول الله


up 2 down 0
صدوق المخايل 207
قبل 6 سنه و 9 شهر



شيك الكويلات والبواجي او السلك حق الكربون


up 0 down 0
بوقايد 44
قبل 6 سنه و 9 شهر



خذ العلم صارتلي قبل طلعت المشكله من الكويلات واحد من الكويلات مايوصل ,,
عندك خيارين لاثالث لهما ياكويلات او بواجي الكهرب اذا ضعف في السياره مايغذي المكينه بصوره صحيح فترجف المكينه


up 1 down 0
al-samer2000 199
قبل 6 سنه و 8 شهر



(هاذا الموضع منقول من منتدى لاحد يتفلسف )

السلام عليكم ورحمتة الله وبركاته
صباح الخير لكل الاعضاء
امس الجمعه بالليل جالس اقلب بقوقل بالصور كيف اصحاب الجيوب يركبون تانكي ماء ويركبون مضخات وتوليفات واختراعات بسيطة فكرتها عظيمة في فائدتها وجاء ببالي كيف اسوي جهاز بخاخات بسيط ومايكلف شي وفوق هذا يعطينا نتائج مبهره ومتوقعه وخصوصا اني تعرضت لنصبة محترمة تنظيف بخاخات ب250 ريال وشفت شغلتها سيطة جدا وماخذت وقت وخصوصا ان اصحاب الورش الله يهديهم يوم تقولة تفتفه وتقطيع يقولك تنظيف بخاخات طيب بكم عاد الاسعار حدث ولا حرج من 200 ريال وطالع الصباح السبت امس بدات بالتنفيذ بجلب القطع من محل لمحل لين جمعت كل القطع اللازمة وحطيتها بالشطنة ورحت للعمل للعصر ههههههه بدات بتركيب القطع بعد صلاة العشاء وطبعا مانستغني عن ارائكم واقتراحاتكم

الجهاز بسيط جدا وفكرته سهله لابعد الحدود ويتكون من
1/ لوح خشبي 30سم *30سم اقرب منجرة يعطيك اياها ببلاش
2/ قربة ماء لاي سيارة ويفضل قربة ماء سيارة ددسن ب15 ريال
3/ طرمبة بنزين حقت مازدا ب30 ريال
4/ هوز للبنزين طولة1 متر 5 ريال

طبعا التركيب بسيطة كما الصورة التالية

عملية تثبيت للقربة الماء والطرمبة البنزين على لوح خشبي
وتوصيل الهوز من القربة الماء للطرمبة البنزين وربطها بواسطة قفيز
توصيل هوز من طرمبة البنزين الى الماصورة المغذية للبخاخات البنزين وربطها بقفيز
تشتري علبتين شامبو بخاخات من اي قطع غيار وتفرغها في القربة وتخلطها ب 1 لتر بنزين 95ثم تشبك السلك الطرمبة البنزين في البطارية في القطبين الموجب والسالب وتشغل السيارة الى ان ينتهي المخلوط من القربة طبعا توي خلصت من تركيب القطع باقي التنفيذ وسوف اوافيكم بالنتائج بالفيديو باقرب فرصة


">

رابط مباشر

http://im17.gulfup.com/2012-04-28/1335636452261.png


وهذي كرتون طرمبة البنزين حقت المازدا لرخص سعرها او اي طرمبة اخرى


">

رابط مباشر

http://im28.gulfup.com/2012-04-28/1335636581761.jpg





up 1 down 1
اهمد 1206
قبل 6 سنه و 7 شهر



سلمت الأيادي شكراإاإاإاإاإاإاإا


up 1 down 0
ابو جمل 33
قبل 6 سنه و 5 شهر



فحص كمبيوتر ب 100 يطلع لك السبب بالضبط

احسن من التصليح بالتخمين


up 0 down 0
mr.mlam7 5
قبل 4 سنه و 3 شهر