البحث عن يوكن والمبالغة بالاسعار

السبب من بعض الناس الي يجي مطفي النور وبس يشتري هم السبب والله فيه ناس كبار لكن مايعرف شي عن السيارات وسهل جدا ينضحك عليهم

المتوكل اسمح لي اختلف معك

اذا تقصد كبار السن خلنا نقول من 40 وطالع الفئة هاذي عاصرتهم الدنيا عصر ويعرف قيمة القرش مظبوط 

للأسف اكثر من ينضحك عليهم الشباب لعدم وجود خبرة وتحصله توه موظف وآخذ اعلى قرض ولايعرف الاسعار

وبصراحة شفت الناس من زود طيب نيتهم بمجرد مايحلف صاحب السلعة بنظافتها ويحلف برأس مالها خلاص يستسلم للأمر الواقع ويشتري وهو مغمض 

وبعض الناس يشتري السيارة ويكرفها سنتين واذا جيت تسوم منه يحلف أن السيارة طالعه عليه بالقيمة الفلانية تيمنا منه انها راح تمشي على الزبون وللأسف انها تمشي على البعض

يا صاحب الاعلان انت نفس وضعي تماما..

تقريبا من اكثر من شهرين وانا ادور يوكن طويل او شفر سوبربان 2013 - 2014 بحكم ان الشكل الجديد غالي واعلى من ميزانيتي..

و كل يومين او ثلاثة انزل المعارض مره بالنسيم والمره اللي بعدها الشفا وعلى هالحال, حتى الصالات وارد امريكا مريتهم كلهم ولا لقيت شي يستاهل..

والاسعار مبالغ فيها مره واللي سعره رخيص تحصله معدوم مايسوى..

كان ودي فل كامل ولاكن اسعارها لا تقل عن 90 الف..!! والدينالي 13 و14 ماينزلون عن 100..!!

بعدها قلت استاندر بدون دبل ويخب لاكن المشكلة يوم اشوف اسعار الاستاندر حتى هي غالية وقريبة من سعر الفل..!!

مثال:
لقيت سوبربان 2014 ماشي 50 الف يقول مسيوم 88 الف
ولقيت يوكن طويل 2014 ماشي 70 الف يقول مسيوم ب 90 ولا ينزل ريال والمشكلة كلها استاندر
ولقيت برضوا سوبربان 2014 دبل بس موب فل ماشي 75 يقول مسيوم 93..؟؟

على كذا باخذ فل كامل لانهم حول بعض في السعر.

نعم كلامك صحيح لكن هناك بديل ممتاز وأكثر الناس ماتدري عنة 

عند اكسبديشن 

مديل 2015 

اسعارها مابين 70 و 80 الف 

سيارة مستعملة لكن تعتبر جديدة وسعر طيب 

بصراحة انصح فية لمن ميزانيتة في هذا الحدود 

والله غريبه معروض علي تاهو في رمضان
موديل 2013 دبل ممشاه فال100 الف كيلو
مسيوم ب58 الف ريال وحد 65 الف ريال
وهذي اسعارها ويعتبر سعره مرتفع نوعا ما

اللي يبي النظيف يصبر ويحصل مطلوبه
ويتشوف بين الناس والمواقع ترى تحصل صيدات طيبه

ولد الرياض 2010 افضل طريقة للشراء البحث عن المستخدم اللي يبي يبيع بالسعر العادل لأن الشريطية والمعارض اسعارهم جنونية

Masss الوالد لو يحصل اكسبدشن 2015 ب 20 الف ماله رغبه فيه اطلاقا

أبو ناصر 58 الف اعتقد سومة شريطي والحد اشوفها هي القيمة العادله لكن لو تحصله بمعرض أو مع شريطي اعتقد يحده فوق 80 الف.

اشتريت يوكن لون اسود من معارض جده

مديل 2008 استاندر بدبل ماشي 263 الف

بي 30 الف ايش رايكم بالسعر ؟

ممتاز جدا... الله يعطيك خيرك ويصرف عنك شره

شف طبيعي سيارات المعارض غاليه دايم كذا انت دور بحراج وبتلقى اللي تبغاه

ارتفاع اليوكون والتاهو بسبب ارتفاع سعر الجديد
والقديم لا زال له زباينه
قد تنزل الاسعار بارتفاع البنزين
وفق. الله الجميع