أضف سؤال أو موضوع جديد          

البحث عن يوكن والمبالغة بالاسعار

up 5 down 4
دكتوراه في الحب 348
قبل شهر و أسبوع



صباح الخير على الجميع




نزلت معارض العروسة جدة أبحث عن يوكن قصير  للوالد مويل 2013 او 2014 يوم الاثنين العصر 




بإختصار الاسعار مبالغ فيها جدا والنظيف نااادر جدا




حصلت موديلات 2010 و 2011 ممخشة وممشى كثير وكلها الحد من 70 الف الى 85 الف وبصراحة مافيها اللي يستاهل فوق 60 الف!!




وحصلت موديل 2012 سعودي نظيف ماشي 122 الف وحد 87 الف ريال استاندر بدون دبل!!




وحصلت موديل 2014 نظيف جدا ماشي 37 الف لون ذهبي حد 98 الف استاندر بدون دبل !!!




والمضحك حصلت موديل 2011 حد 78 اعتقد داخلية سوداء ومنجد المراتب جلد بيج ومرهم عليه جنوط 20 انش وصاحبه يحلف أنه ماهو مرهم!!!




خلاصة التجربة.




خلو سيارات المعارض تخيس عندهم أو يبيعون بأسعار السوق, ونصيحتي للي يبحث عن سيارة دور على المستخدم اللي يبي يبيع بالسعر المعقول لأن سيارات المعارض الزود فيها يتراوح بين 15 ألف إلى 20 ألف ريال.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السبب من بعض الناس الي يجي مطفي النور وبس يشتري هم السبب والله فيه ناس كبار لكن مايعرف شي عن السيارات وسهل جدا ينضحك عليهم


up 2 down 3
المتوكل 777 246
قبل شهر و أسبوع



المتوكل اسمح لي اختلف معك

اذا تقصد كبار السن خلنا نقول من 40 وطالع الفئة هاذي عاصرتهم الدنيا عصر ويعرف قيمة القرش مظبوط 

للأسف اكثر من ينضحك عليهم الشباب لعدم وجود خبرة وتحصله توه موظف وآخذ اعلى قرض ولايعرف الاسعار

وبصراحة شفت الناس من زود طيب نيتهم بمجرد مايحلف صاحب السلعة بنظافتها ويحلف برأس مالها خلاص يستسلم للأمر الواقع ويشتري وهو مغمض 

وبعض الناس يشتري السيارة ويكرفها سنتين واذا جيت تسوم منه يحلف أن السيارة طالعه عليه بالقيمة الفلانية تيمنا منه انها راح تمشي على الزبون وللأسف انها تمشي على البعض


up 5 down 1
دكتوراه في الحب 348
قبل شهر و أسبوع



يا صاحب الاعلان انت نفس وضعي تماما..

تقريبا من اكثر من شهرين وانا ادور يوكن طويل او شفر سوبربان 2013 - 2014 بحكم ان الشكل الجديد غالي واعلى من ميزانيتي..

و كل يومين او ثلاثة انزل المعارض مره بالنسيم والمره اللي بعدها الشفا وعلى هالحال, حتى الصالات وارد امريكا مريتهم كلهم ولا لقيت شي يستاهل..

والاسعار مبالغ فيها مره واللي سعره رخيص تحصله معدوم مايسوى..

كان ودي فل كامل ولاكن اسعارها لا تقل عن 90 الف..!! والدينالي 13 و14 ماينزلون عن 100..!!

بعدها قلت استاندر بدون دبل ويخب لاكن المشكلة يوم اشوف اسعار الاستاندر حتى هي غالية وقريبة من سعر الفل..!!

مثال:
لقيت سوبربان 2014 ماشي 50 الف يقول مسيوم 88 الف
ولقيت يوكن طويل 2014 ماشي 70 الف يقول مسيوم ب 90 ولا ينزل ريال والمشكلة كلها استاندر
ولقيت برضوا سوبربان 2014 دبل بس موب فل ماشي 75 يقول مسيوم 93..؟؟

على كذا باخذ فل كامل لانهم حول بعض في السعر.


up 4 down 1
ولد الرياض 2010 743
قبل شهر و أسبوع



نعم كلامك صحيح لكن هناك بديل ممتاز وأكثر الناس ماتدري عنة 

عند اكسبديشن 

مديل 2015 

اسعارها مابين 70 و 80 الف 

سيارة مستعملة لكن تعتبر جديدة وسعر طيب 

بصراحة انصح فية لمن ميزانيتة في هذا الحدود 


up 3 down 0
masssss 766
قبل شهر و أسبوع



والله غريبه معروض علي تاهو في رمضان
موديل 2013 دبل ممشاه فال100 الف كيلو
مسيوم ب58 الف ريال وحد 65 الف ريال
وهذي اسعارها ويعتبر سعره مرتفع نوعا ما

اللي يبي النظيف يصبر ويحصل مطلوبه
ويتشوف بين الناس والمواقع ترى تحصل صيدات طيبه


up 1 down 0
ابوناصر 454 640
قبل شهر و أسبوع



ولد الرياض 2010 افضل طريقة للشراء البحث عن المستخدم اللي يبي يبيع بالسعر العادل لأن الشريطية والمعارض اسعارهم جنونية

Masss الوالد لو يحصل اكسبدشن 2015 ب 20 الف ماله رغبه فيه اطلاقا

أبو ناصر 58 الف اعتقد سومة شريطي والحد اشوفها هي القيمة العادله لكن لو تحصله بمعرض أو مع شريطي اعتقد يحده فوق 80 الف.


up 0 down 0
دكتوراه في الحب 348
قبل شهر و أسبوع



اشتريت يوكن لون اسود من معارض جده

مديل 2008 استاندر بدبل ماشي 263 الف

بي 30 الف ايش رايكم بالسعر ؟


up 2 down 0
الـتاجر الـكبير 701
قبل شهر و أسبوع



ممتاز جدا... الله يعطيك خيرك ويصرف عنك شره


up 1 down 0
دكتوراه في الحب 348
قبل شهر و أسبوع



شف طبيعي سيارات المعارض غاليه دايم كذا انت دور بحراج وبتلقى اللي تبغاه


up 0 down 0
فيصل طلال... 141
قبل شهر و أسبوع



ارتفاع اليوكون والتاهو بسبب ارتفاع سعر الجديد
والقديم لا زال له زباينه
قد تنزل الاسعار بارتفاع البنزين
وفق. الله الجميع


up 0 down 0
لا للغلاء 429
قبل شهر و أسبوع