أضف سؤال أو موضوع جديد          

مشكلة الحراره في محرك الدينالي لم اجد لها حل

up 1 down 0
yousef alyusef 5
قبل 3 شهر و 2 أسبوع



السلام عليكم جميعاً

عندي مشكلة لم اجد لها حل الا وهي الحرااااارة وما ادراك ما الحرارة

المشكلة بالتفصيل هي:
عندي محرك دينالي 6 لتر حديد موديل 2005
شيب براسي من الحراره وماخليت شي ماغيرته فيه 

يحتر اذا مشيت واسرعت فوق 100 في الاجواء الطبيعيه وتقرب توصل للـH واوقف تنزل طبيعي
وفي اوقات الظهر والاجواء الحاره ترتفع للنص في وسط المدينة حتى مع الوقوف تضل الحراره نص
مع مكيف او بدون المشكله نفسها واذا مشيت ترتفع للـH
يعني الحراره ترتفع مع المشي هذا امر مؤكد واحيانا مع الوقوف والسرعه الخامله في الاوقات الحاره
اما في الاوقات الطبيعيه مع المشي في المدينه ماشتكي من شي

جربت جميع الحلول التالية:

المراوح كهرباء وسليمة
الرديتر سيخته وكذلك بدلته وجربت نفس المشكله
طرمبه المويه بدلتها بنوع امريكي 
البلف مفكوك من الشتاء ولا ادري شاك انه منه لانه اخر شي راح اسويه قلت اركبه يمكن تنتظم الحراره داخل المحرك وانا اللي اعرفه اذا البلف مفكوك يبرد مايحتر
غيرت الروس لروس اكبر LS2 ووجيه جدد ولافاد نفس المشكله
غسلت سلندر المكينه مافاد

ماخليت شي وله سبب بالحراره الا وشيكت عليه وللحين مادري وش سبب الحرارة
واللي عنده حلول اخرى يفيدنا الله يجزاكم خير جميعاً

والله يحرم وجيهنا ووجيهكم عن حر جهنم يارب.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم اشكرك على ردك يالعلي 700 / 

وبخصوص كلامك ان رديتر المكيف متسكر ماراحت عن بالي وشيكت نظيف جدا
وزياده على هذا فكيت الكبوت كامل ومشيت بدون كبوت برضو يحتر

مابقى الا الدبه مع اني ماتوقع ابد انه منها بس بجرب افكها لاحقا

لاحظت شي مهم  باوقات الليل والفجر والاوقات البارده يعني 
الحراره ماترتفع الا بعد سرعه عاليه ١٦٠ وفوق ولو امشي ١٢٠ الوضع تمام
عكس النهار لو امشي ١٢٠ يحتر فوق النص ويقرب للاتش ومن اوقف تنزل طبيعي على طول
يعني بالعربي الحراره ترتفع تحت ضغط RPM عالي

والله شاب راسي! 
شي غريب 


up 0 down 0
yousef alyusef 5
قبل 3 شهر و أسبوع



تقدر تركب مراوح اسكاليد 6.2 تجي 5 و 9 ريش مع بعض و تفك دبات التلوث اريح

و ان شاء الله خير


up 0 down 0
bindakheel 571
قبل 3 شهر