أضف سؤال أو موضوع جديد          

صالات السيارات الامريكة بالرياض

up 7 down 0



السلام عليكم ورحمة الله وبركاته...

اخواني حاب استفسر وين اماكن الصالات او المعارض اللي تجيب سيارات امريكية بطاقة جمركية بالرياض..!

اذكرها اول بالشفا وبين مخرج 11 و10

لي تقريبا اسبوع شفت اللي على الدايري الشرقي اغلبهم قفلوا مافيه الا 3 او 4 صالات فقط..!!
ورحت الشفا ونفس الحكاية اغلب الصالات الاوله قلبت شركات تقسيط جديد وباقي كم صالة بس السيارات اللي عندهم موب كثير مثل اول..

لاني اخبرها او عام 2004-2010 تقريبا كانت الصالات شغالة شغل جامد افضل من المعارض بس الان شبه معدومين وسياراتهم مخيسه..!

وهل فيه معارض تبيع سيارات امريكية بطاقة جمركية بالشفا؟ لانه بالنسيم دورت ماحصلت شي؟

واستفسار اخير اغلب الصالات تعطي ضمان 100 الف كيلو او 5 سنوات على (المكينة والقير والدفرنس والدبل والكمبورسر وعلبة الفرامل وطرمبة البنزين)
فهل ضمانهم حقيقي ولا كلام على ورق؟ يعني يصلحون السيارة بقطع اصلي ولا يسلكون لك بقطع اي كلام او تشليح؟

طبعا السيارة اللي ادورها يوكن xl او سوبربان طويل طبعا...


وشكرا لكم..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسب اللي اعرفه ضيقوا علينا وعليهم 
اول ماتستورد الا موديل اقل من خمس سنوات
والحين ماتستورد اي موديل ٨ سلندر وفوق
الان مايستوردون الا سته سلندر او سته سلندر تيربو فقط 


up 4 down 0
wooow.r 157
قبل 12 شهر



الوارد الامريكي باين انه على نهايته كم سنة وتشوف هالصالات قفلت نهائي مثل غيرها ويسير الوضع اذا تبي تشتري امريكي تاخذه من الوكيل نفسه !!


up 4 down 1
088mansour 773
قبل 12 شهر



اذكر قبل 12 سنه تقريبن كان في صالات اما الان ماعد فيه استيراد واذكر جارنا اشترا كابرس 90 تسعاوي لونه مميز تفاحي ويعطي بالليل لون بحري ونظيف مررررررررره ورده


up 4 down 1
سكودر 14893
قبل 12 شهر



اذا وقتك يسمح
اطلع الشرقية فل الصالات
او اطلع جدة باذن الله تحصل طلبك


up 4 down 0
الرفاعي33 13776
قبل 12 شهر



مامعك الى الي بشفا تقريبا 5 صالات واسعارهم ابو كلب نار مثل وجيهم
والضمان خرطي بتدفع 1500 زياده واذا خرب شي قال(سوء استعمال
خذ وافحص بافضل الاماكن واضمنها بنفسك لاتسمع كلام ثاني


up 3 down 0
tttt35035 836
قبل 12 شهر



مريت صالات جده ...الجوهره اللي في الجنوب
شفت فوردات ماركيز اشكال والوان
واسعارها من 45000 الى 57000
على حسب النظافه والممشى
رح خذ فره تلقى اللي تبغى
بس عليك بالفحص ...وتشوفها في النهار افضل


up 2 down 0
لا للغلاء 523
قبل 12 شهر



يعطيكم العافية ماقصرتم

وشكلها كذا من بعد قرار ال 8 سلندر الصالات من جرف الى دحديرة للاسف...

وهذا الشي يصب في صالح الشريطية والمعارض مامعك الا سعودي تبي ولا الله يعينك على اسعار الوكالة.

اذكر عام 2004 كنا ندور كراون فيكتوريا امريكي وكانت الصالات كثر الرز بالرياض غير بعض المعارض كانت تجيب سيارات امريكية بطاقه,,
الان الوضع شبه معدوم لكن ربك يعين...


ولايك للجميع...


up 0 down 0