أضف سؤال أو موضوع جديد          

استفسار بخصوص الجمس ..؟

up 3 down 1
abdulmalik14 92
قبل 5 شهر و 2 أسبوع



مسائكم الله بالخير اخواني الاعزاء وشهر مبارك ينعاد على الجميع وعلى احبابكم بكل خير ..

ناوي اشتري جمس للوالد الله يطول بعمره ويطول بعمر ابو كل واحد فيكم ويرحم المتوفين منهم

بس محتار بين الدينالي والعادي طبعا ابي اليوكين القصير وابي الناس تعطيني تجاربها بين العادي وبين الدينالي

صرفية البنزين بين الدينالي والعادي ..؟
العزم ..؟
تبريد المكيف ..؟
الراحه ..؟
الفرق بالجنوط هل هو مريح او لا بحيث ان جنوط الدينالي اكبر ..؟
اسعار النوعين بالسوق التقريبيه ..؟

اعتذر عن الاطاله ي احبابي ومشورتكم في الجمس لاحد يقولي جيب او لاند كرورز الوالد نفسه في الجمس وانتهى

للمعلوميه الموديل المقصود من 2009 الى 2012








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الدينالي دفع رباعي مستمر وممكن ارسى من العادي 
المكينة اكبر 
الجنوط اكبر وفيه جنوط اصغر بس قليل 



up 1 down 1
غريب الدار 079 77
قبل 5 شهر و 2 أسبوع




أنا مستخدم يوكن دينالي 2007 قرابة سنتين والحمد لله ماشي معي ممتاز للاستخدام اليومي

أذا استخدامه بيكون داخل المدينة والصرفية غير مهمة خذ الدينالي

إذا يدخل البر كثير خذ العادي دبل

محرك الدينالي أكبر 6.2 = صرفية بنزين أكثر لكن العزم جبااااااااااااااار
جنوط الدينالي عشرين = قساوة بسيييطة ( قارنت بينه وبين تاهو الجنط العادي فيه فرق العادي اريح)
التكييف ماعليه كلام من اجمل ما يكون
مقاعد الدينالي جلد ماني متأكد إذا يجي فيها تبريد على الموديلات المحددة لكن الوكاد فيها تسخين وكذلك الدركسون - مفيد جدا في الشتاء-

أي سؤال ثاني أنا حاظر والله يختار لكم الصالح


up 1 down 0
أبو بسام22 25
قبل 5 شهر و 2 أسبوع



ابو بسام يعطيك العافيه الاستخدام راح يكون للسفريات فقط جهة الجنوب كيف مع العقبات يسخن او لا استخدام المدينة راح يكون تقريبا
بمعدل 10% فقط توجد سيارات صغيره للمدينه عندنا والحمد لله وهل عانيت من سالفة الخرابات او شي كذا وبكم سعر الي اخذته قبل
سنتين لو حبيت تقول


up 0 down 0
abdulmalik14 92
قبل 5 شهر و 2 أسبوع



اليوكن سيارة سفريات بامتياز خصوصا إذا القير ست نمر رح يكون مريح لكن إذا بتطلع وتنزل مع العقبات كثير لا تشتري الا سعودي لانه يجي راديتر أكبر وكذلك مبرد القير أكبر على حسب فهمي اللي معي أمريكي لكن ما نزلت مع العقبة الا مرات قليلة لكن لاحظت حرارة القير في العداد زادت شوي

الخرابات: مافيه سيارة على كوكب الأرض ما تخرب لكن الفرق في الفحص عند الشراء والاستخدام الراكد وحط تحت كلمة الاستخدام الراكد عشرين خط

الدينالي والامريكي عموما كله كهرب وحساسات مالها عد ولا حصر لكن ركز على الفحص قبل الشراء ولايهمك البودي فقط أوالمكنيكا بس انتبه كذلك للكهرباء وافحصها كمبيوتر إذا طلع ريحة مشكلة أصرف النظر

من ناحية السعر أنا اشتريته على وقته غالي شوي (مواصفات خاصة) وما اعتبر نفسي معيار لكن حاليا بتحصل كثير ورخيص نسبيا


up 2 down 0
أبو بسام22 25
قبل 5 شهر و 2 أسبوع



انا مستخدم لليوكن (قصير ستاندر دبل) موديل 2009 طلعه الوالد وقتها وكالة ولكن الوالد اشترى موتر ثاني وانا كنت توي بايع موتري لذلك اخذته
وله 3 سنوات معي وماشاء الله ممتاز وبعطيك جواب على اسئلتك باختصار:
صرفية البنزين بين الدينالي والعادي ..؟
الدينالي ماعندي علم عنه لكن العادي تراه يصررف يعني اذا كان التانكي فاضي اعبي فل 95 ب 87 ريال تقريباً ويمشي حوالي 450-500 كيلو داخل المدينة حسب الدعسة وبالخط مافيه ذاك الفرق بس تكون الصرفية اقل

العزم ..؟
ماشاء الله تبارك الله جباار رغم انه وزنه 3 طن وعليها لكن اذا دعست له تحس بخفته ومكينة العادي 355 حصان ممتااازة

تبريد المكيف ..؟
ممتاز جداً جداً

الراحه ..؟
اول ما اخذته كان مريح الحين صار اقسى من اول (اتوقع يبي له مساعدات)

الفرق بالجنوط هل هو مريح او لا بحيث ان جنوط الدينالي اكبر ..؟
سبق وركبت دينالي الفرق بسيط ومايذكر بصراحة

اسعار النوعين بالسوق التقريبيه ..؟
الدينالي من 60 الى 80 تقريباً وتزيد وتنقص حسب النظافة
العادي من 40 الى 60 اذا كان ستاندر دبل وتزيد وتنقص حسب النظافة
اتمنى افدتك واعذرنا على القصور



up 1 down 0
fares173 12
قبل 5 شهر و 2 أسبوع



وزي ما قالك ابو بسام افحص كمبيوتر ورح لميزان يشيكون على عضلات السيارة ..ولاتهتم للبودي كثير اهم شي المكينة والقير والاشياء الميكانيكية


up 1 down 0
fares173 12
قبل 5 شهر و 2 أسبوع



الله يمسيك بالنور والسرور
تبغى الحق اللي بيشتري جمس خصوصا من 2009 وطالع 6 نمر
تراه عز بالخط والمدينه وكثير ناس معهم هالجموس منتشره بكثره
سياره تسوقها وانت متطمن مرتفعه تشوف اش اللي قدامك عن بعد كليوين
مو مثل السيدان لا علقت بزحمه ماتعرف وش قدامك وغير كذا
عزمه جبار لاتفكر بالصرفيه دام انك بتاخذ جمس اهم شي الفحص
لانه كله حساسات ومساعداته كهربا اقصد ال تي زد او اليوكن الفل
وخدوم مايقصر معك ورحابه وفخامه لماتسوقه
محدثك معه كامري امريكي واخوي كان عنده ال تي زد 2007
قبل 5 سنوات تقريبا وباعه وكنت اخذ السياره احيانا منه ماشاءالله
رزة ومريح وافكر اطقلي بواحد نظيف ان شاء الله


up 2 down 0
ابو عبدالله احمد 3271
قبل 5 شهر و 2 أسبوع