أضف سؤال أو موضوع جديد          

ماهي أفضل مساعدات لليوكن 2011؟

up 1 down 0
عبنقه 7
قبل 4 شهر



السلام عليكم 

يأخوان افيدوني واش افضل مساعدات لليوكن 2011 
انا ماسألت عن حقت الوكالة لكن اتوقع انها غاليه 
افيدوني من واقع تجربه اوخبره. 

شكراً لكم. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته
اذا كان اليوكن دينالي سعر المساعد الخلفي الواحد ب 750 ريال لانه هيدروليك، واذا كان يوكن عادي عندك ثلاث انواع بالسوق:
1- ايسيدلكو درجة اولى سعره اذا ما خاب ضني ب 230 للمساعد الواحد.
2- ايسيدلكو درجة ثانية ب 85 ريال للمساعد الواحد وانا شخصيا اغيرها كل 4 سنوات وامورها طيبة.
3- مونرو الاسود ب 110 للمساعد الواحد فيه ناس تمدحها وناس تذمها.

اهم شي شوف المساعدات وخذ الاعرض بينهم لان النحيف يخلي السيارة قاسية نوعا ما.


up 0 down 0
bmw 740il 173
قبل 4 شهر



مساعدات مورانو ممتاز لليوكن
وعندك جبريل مانصح فيها مخصصه للجيوب والتطعيس
عندك 3 انواع مساعدات
هواء و زيت و هواء مع زيت
اذا انت صاحب تحميل واعمال شاقه مساعدات هواء افضل لكن قاسيه بالمطبات
اما تحميل اشخاص علي خفيف الزيت افضل لينه ومريحه بالمطبات
زيت وهواء افضل لكن المساعد الواحد غالي وقليل بالسوق


up 0 down 0



اي سي ديلكو يعتبر درجة 20

صيني سيء مكتوب اي سي ديلكو و لكن صيني ولا فيه اي جودة

جربت فحمات اي سي ديلكو جدا ضعيفه

و جربت طرمبة الماء اي سي ديلكو عمرها أقل من سنه و تخرب و الأصلي تعمر معك 6 سنوات بالراحه


فئة السيارة لاهنت (SLE.. SLT.. DENALLY )

وهل بدبل او بدون





أبوعبدالله

قطع اسدلكو انواع وفئات وتختلف الجودة باختلاف فئه الصنع ومكان الصنع


قطع اسدلكو الموجودة في الوكاله تختلف عن الموجود في قطع الغيار


بعض القطع ما تصنعها GM تصنعها اسدلكو

باستثناء سيارات هولدن( كابرس ولومينا ) اكثر قطعها GM والاسدلكو يكون اقل منها جودة


up 0 down 0
asalami 2000
قبل 4 شهر



الله يجزاكم خير وشكراً لكم 

بالنسبه لنوع اليوكن نص فل بدون دبل 



up 0 down 0
عبنقه 7
قبل 4 شهر



ما اعرف نص فل

يعني SLT او SLE


وهل الحاليه مساعدات كهرباء او لا


انا راح افيدك ان شاء الله

الشركة تصنع اكثر من 3 انواع من المساعدات وكل واحد له مميزات


انا عندي سوبربان 2003 وقيمه المساعد الخلفي الواحد ب 950 ريال علما بأنه عادي وليس كهرب

لكن ميزته مريح جدا وللقايدة الناعمه وما غيرته الا السنه ذي يعني خدم 13 سنه تقريبا


غيرت بنوع اخر بديل من نفس الوكاله الفرق ان مساعد عادي وسعره 260 من الوكاله



ف المصنع ينتج اكثر من نوع و على حسب طلب العميل او فئة السيارة


up 0 down 0
asalami 2000
قبل 4 شهر



يعني بعض امثله المساعدات المنتجه من GM

مساعدات قياده عاديه
مساعدات قيادة ناعمه ومريحه
مساعدات طرق وعرة
مساعدات كهرباء للتحكم في ارتفاع السياره
مساعدات متكيفه للطريق مثل الموجود في الدينالي و الاسكاليد


up 1 down 0
asalami 2000
قبل 4 شهر



او عطني رقم الشاصي وانا اطلع لك مساعد يركب و سعره ممتاز


up 0 down 0
asalami 2000
قبل 4 شهر



تبي النصيحه وانا اخوك .. ركب مثل اللي عليه لو ان قيمته دسمه شوي .. انا قبلك غيرت مساعدات قدام لتاهو ٢٠١٠ و بعد شهرين قام يطلع لي صوت بالمطبات مع ان المساعدات كندي و ب ٢٠٠ ريال الواحد .. و رميتهم و تخسرت ثاني مره و ركبت حق الوكاله مع ان سعره ب ٣٢٠ الواحد .. و الحمدلله رجع كما كان .. تحمل هالقيمه وهي مره و ترتاح .. بالتوفيق


up 0 down 0
تصآميم 192
قبل 4 شهر



نوعه SLE 

صدقت يا تصاميم لكن ترددت من حق الوكاله لاني توقعت سعره غالي 
واحياناً يكون فيه منتجات افضل من الوكاله فحبيت استشير اهل الخبره اللي مثلك ومثل الاخوان اللي ما قصروا 


up 1 down 0
عبنقه 7
قبل 4 شهر



ابشر راح اجيبه لك برقم القطعه ويركب


لكن عندك فكره اذا حقك كهرباء او لا؟


up 0 down 0
asalami 2000
قبل 4 شهر



تسلم لا عدمتك 

والله مدري كهرباء والا لا


up 1 down 0
عبنقه 7
قبل 4 شهر



اذا يوكن قصير

لها 4 انواع من المساعدات منتجه من المصنع

كهرباء
طرق وعرة
قيادة ناعمة
متكيفه لظروف الطريق ( نفس الكاديلاك )



اذا مساعداتك عاديه ماهي كهرباء فهذي تركب عليها

20955407 GM

هذي مواصفاتها

TAHOE, YUKON, ESCALADE; W/O LEVELING SHOCKS; 2WD; PREMIUM SMOOTH RIDE PKG.




up 0 down 0
asalami 2000
قبل 4 شهر



طبعا هذا اكيد بيكون سعره رخيص مقارنه بالاخرى


انصحك تاخذه من بالبيد ( الوكيل السابق ) اسعاره معقوله ولا تاخذه من المحلات لان فيها غش في القطع


up 0 down 0
asalami 2000
قبل 4 شهر



اشكرك ياغالي 
والله يكثر من امثالك 

بالنسبه لها دامها انواع، لو عطيتك رقم الشاصي هل تعرف النوع بالضيط اللي يركب وتعطيني رقمه لاهنت..


up 0 down 0
عبنقه 7
قبل 4 شهر



الله يجزاك بالخير واجبنا نفيد ونستفيد


شوف روح بالبيد واعطيهم رقم القطعه واعطيهم رقم الشاصي

اذا بيركب بيقولوا لك بيركب لكن بيقول لك ما يتحمل خذ الثاني احسن ما يتحمل ما عليك منهم اشتريه


اذا قالوا لك ما يركب اطلب البديل الموجود عندهم او رقم القطعه


up 0 down 0
asalami 2000
قبل 4 شهر



لاعدمتك ياغالي والله يجزاك خير 


up 1 down 0
عبنقه 7
قبل 4 شهر



طيب هذا 20955407 GM اي نوع من الاربعه اللي قلت 
حبيت استفيد ياغالي 


up 1 down 0
عبنقه 7
قبل 4 شهر



في مساعدات اسمها kyb يمدحوها


up 0 down 0
mfh2009 118
قبل 4 شهر



مساعد عادي قيادة ناعمه

وفي واحد ثاني لكن قاسي للطرق الوعرة


up 0 down 0
asalami 2000
قبل 4 شهر