أضف سؤال أو موضوع جديد          

صلحت سيارتي بـ 6 ريال بدلاَ من 1300 ريال

up 43 down 4
, وع ـدك متى , 265
قبل سنه و شهر



مساكم الله بالخير
والله على ما أقول لكم شهيد
رحت لمشوار أبو ربع ساعة والسيارة مافيها أي شيء نهائياَ
المهم نزلت أتغدى ورجعت السيارة شغلتها مافي أي شيء وأشوف تنبيه قدامي
طبعاَ الجمس دينالي 2001 والتنبيه كذا : REDUCED ENGINE POWER
أول مره أشوف هالتنبيه بالعادة أشوف تنبيه موية المساحه أو الباب الخلفي مفتوح يعني أشياء عادية
ما أهتميت فيه دام أشتغلت السيارة وأعشق السيارة وأمشي السيارة ثقيلة
وأدوس دعسة البنزين للأخير مستحيل يتجاوز 20 مهما دعست مافي أمل يتجاوز 20
والناس أزعجتني اللي يدق واللي يسب يفكروني جالس أفر ولا أتمشى
وغصب عني المهم طلعت خدمة وحصلت محطة وأروح هناك شيك على السيارة قال يبي لها تصفية ماكينة
وتكلفك يا عزيزي مع شغل اليد والقطع كاملة 1500 من هنا وهنا قال خلاص 1300 ريال
قلت له ليش غالي كذا قال إحتمال الطرمبه نغيرها واذا الطرمبه سليمه راح يكون أقل
جلست أفكر نص الشهر و1300 ريال ضربة
قلت له خلاص بروح وبرجع لك قال اذا عن السعر لا تخاف براعيك
المهم طلعت من عنده ونفس الوضع السيارة سرعتها ماتتجاوز 20
وقفت وقلت ليش ما أبحث عن هالمشكلة في النت
وأكتب الجملة اللي بإنقليزي وأكتب : حل مشكلة REDUCED ENGINE POWER
حصلت مواضيع كثيرة لكن لفت إنتباهي شخص في التعليقات كاتب :
صارت لي نفس المشكلة طفيت السيارة وخليتها شوي وعبيت الرديتر مويه حصلتها ناقصة حول 5 لتر
قرأت كلامه وقلت مستحيل تكون نفس مشكلتي لكن ليش ما أجرب مو خسران شيء
وقفت عند بقالة وأشتري دبة مويه بـ 6 ريال وأفتح الغطاء وأشغل السيارة وأعبي فعلاَ أخذ كمية من الدبه
وأقفل الغطاء وأطفي السيارة وأشغلها وأحط السيارة في الـ D وأمشي قسم بالله تقول سحر أنفك
رجعت طبيعي جداَ وأمشي عادي مثل أول وأطفي السيارة وأشغلها أكثر من مره والى الآن لها أسبوع الوضع
طبيعي وراح التنبية اللي كان يظهر لي , المهم مالي يمكن 10 دقايق من الميكانيكي رجعت له وقلت له جرب
السيارة الحين ركبت وساق السيارة ويقول بسم الله الرحمن شو صار !
قلت له سويت للماكينة تصفية في الحارة ورجعت لك هههههههههههههه
ياخي خاف ربك بغيت تاكلني في 1300 ريال ومسوي فيني خير تبي تنزل السعر
قال والله يا أخي كانت واضحه لي انها رجفة ماكينة ويبي لها تصفية وكثير صارت وضبطت
المهم قلت جزاك الله خير والله يستر عليك ونزلته وقال احلفك بالله وش سويت
رفعت القزاز ومشيت خفت يعرف الطريقة ويسويها في ضعيف ولا شايب مايعرف شيء
يخلي السيارة عنده ويقول أرجع لي بعد ساعة ويسوي نفس طريقتي وياكل منه اللي يقدر
وهذا اللي صار معي وأنا شخصياَ ماكنت مصدق إن السبب شوية مويه كنت مفكر هالمشكلة أكبر
لكن الحمد لله وأكثر من مره أقول أنتبهو أنتبهو أنتبهو من الورش وطمعهم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بيض الله وجهك وجزاك الله خير والله يرزقك من حيث لا تحتسب ...


up 3 down 0
مى مى 804
قبل سنه و شهر



ياسلام، يعجبني اللي يتعب نفسه شوي ويبحث عن حل لمشكلته بنفسه، ومبروك انتهاء المشكلة وآخر الخرابات ان شاء الله


up 7 down 0
saudi___07 1020
قبل سنه و شهر



احسن ما سويت البحث في النت 
عندنا تصليح اعطال مجاني ....النت 
ما نلتفت لها ابد ......ونجهل او نتجاهل 
او نتكاسل ....
موفق اخي تجربه رائعه



up 3 down 0
لا للغلاء 447
قبل سنه و شهر



شكور ع المعلومه الطيبه
بيض الله وجهك اخوي ما قصرت
والله انك افدتنا كثيييييير
لااااااااايك


up 2 down 0
نواف1420 252
قبل سنه و شهر



المفرروض انك عبيته ماء مقطر 6 ريال ماء صحة رح تكلفك مع الوقت قيمه تسييخ رديتر و طرمبة ماء



up 0 down 2
m-baz 335
قبل سنه و شهر



ماشاءالله عليك والله انك كفو وبالك طويل اهنيك الصراحه


up 1 down 0
ابو عبدالله احمد 3350
قبل سنه و شهر



حياك
والله يجزاك خير ومعلومة جدا قيمه



up 0 down 1
باترول 2020 2304
قبل سنه و شهر



طلع الماء كله وحط ماء رديتر اصلي


up 0 down 1
mfh2009 157
قبل سنه و شهر



كثير من مشاكل السيارات حلها تافه لو بس بحثنا ولعلمك جزء كبير من القطع في السيارة تتعطل بسبب اوساخ يعني مجرد
تنظيف تتصلح مثل الحساسات وبوابة الهواء والرديتر وغيره وفي ناس كثير بنضحك عليهم مساكين يغير جديد الواحد
لازم يبحث بنفسة واذا صعبت عليه يستعين بالخبير لكن ما يسلم كل شي لهم لان البعض لاذمة ولا ضمير


up 0 down 0
shalsh 321 49
قبل سنه و شهر



طيب التفسير العلمي لها ايش
يعني ايش سبب المشكلة الي من ورا نقص ماء الرديتر يضعف عزم المكينة ؟
هل هو امان مثلا من الكمبيوتر عشان ما تسرع وتحتر عليك السيارة ؟

والنت ما ترك شي ما جاب له حل او اقل شي تعرف العطل ما تروح مغمض
بالتوفيق


up 1 down 0
a m i r 552
قبل سنه و شهر



اتوقع امان من السياره بحيث انه مايضغط ع الموتر وترتفع حرارته 


up 2 down 0
tke-tke 47
قبل سنه و شهر



الله يبيض وجيهكم جميعاَ وشاكر ومقدر لكم تفاعلكم
الهدف من الموضوع توضيح مشكلة وحلها وممكن في يوم من الأيام يحتاج شخص هالحل ولا يحصله
مثل الشخص اللي كتب حل هالمشكلة ودعيت له من كل قلبي والله يرزقه أضعاف مايتمنى
يمكن أنا أو أنت نكتب مشكلة وحلها بكل سهوله وتحصل من يدعي لك بسبب تفريج كربه
لو صلحت سيارتي بـ 1300 والله بطفر لنهاية الشهر وماقصر صاحب الرد في منتدى آخر وفرج علي هم
ويمكن غيري أشخاص أستفادو من موضوع أو رد
والله يعطيكم العافية ويرزقنا وإياكم الفرودس الأعلى
بخصوص الديسلايك في التعليقات والله ما أعطيت أحد ديسلاك والله يهدي ويصلح من فعل ذلك
وتعليق الجميع على راسي من فوق ولكن مسموح لي بـ 7 تقييمات فقط العذر والسموحه


up 2 down 0
, وع ـدك متى , 265
قبل سنه و شهر



الله يجزاااك بالخير على توضيح المشكلة وحلها
اعتقد هذا نظام امان للمكينة في السيارات الامريكية عشان
لا تخبط المكينة


up 1 down 0
aameer altayeb 112
قبل سنه و شهر



جزاك الله خير
على االافاده بحل المشكله 


up 0 down 0
عبدالله 711 761
قبل سنه و شهر



الله يعطيك العافية على هذي المعلومة المهمة
وماقصرت


up 0 down 0
fmmferas -1
قبل سنه



طيب سياره تنقص 5 لتر بين عشيه وضحاها يعني نصف سعتها اين راح المويا هذا مع ان الجمس لو نقص فوق اللتر يسخن على طول خاصه لو هو استخدام ماينقص المويا بهذا الشكل الا لاسباب ممكن نعرف ايش الحكايه هنا لاهنت 


up 0 down 0
abuaseel. 2
قبل سنه



دام فيه قوقل بنفتك من الورش ونصبهم على خلق الله .. عقبال سعودة الورش


up 0 down 0
saleh6661 11
قبل 11 شهر و 2 أسبوع