أضف سؤال أو موضوع جديد          

نصائحكم وتجاربكم لما بعد توظيب القير

up 1 down 0
, وع ـدك متى , 265
قبل سنه و شهر



أنا يا أخوان حصل وإني وظبت قير الجمس وكلفني مبلغ وقدرة
وقال الفني لازم تمشي عليه بالراحه لـ 1000 كيلو
الحمد لله كملت ألف كيلو لكن الحين هل أغير زيته وأمرنه
ولا أترك الزيت فيه وأبدا التمرين مالي خبرة في هالموضوع
معاي ضمان أربع شهور راح تقريبا شهرين
وأبي أجرب القير خلال فترة الضمان لأن فيه التعشيقات ما أرتحت لها
واذا جيت أحط القير في الـ P يعني بين R وP صوت طقه بنفس عصا القير ماكانت موجوده
وأبي نصائحكم وتجاربكم اللي مر بهالتجربة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما يحتاج تغيير واللي سويته للان يكفي . لان الجير تروس مع بعض ومن اول مشي يبين معاك . فأذا كانت تغييراته سليمه ولا فيه حراره .. تكون امورك في السليم


up 4 down 0
مستريح البال 1 1793
قبل سنه و شهر



تغييراته سليمه لكن أحيانا أحس إنه يعلق شوي ويعشق التعشيقه الثانيه
غيرها الحمد لله مو ملاحظ شيء مثل الحرارة أو تهريب


up 1 down 0
, وع ـدك متى , 265
قبل سنه و شهر



ركب مبرد قير  



up 1 down 1
الاش 609
قبل سنه و شهر



السلام عليكم 

اسأل الفني وش نوع الزيت اللي حطه للقير سبق ووضبت قير اوبتيما خرب فيه الطنجرة لكن قلت بسوي له صيانه كامله المهم التعاشيق ممتازة لكن فيه زي النتعه بين التغييرات ورجعت لهم وسألت عن نوع الزيت اللي حطوه طلع غير عن الموصى فيه وغيرته والحمد لله الامور تمام وفي نقطه ثانيه بعد التوضيب لزوم يعمل برمجة اون لاين للقير عشان يتناسب مع الكمبيوتر والاوامر ومايلعب في التغيير 



up 3 down 0
yahya alajlani 439
قبل سنه و شهر



وعليكم السلام
مدري وش الزيت والله اللي غيره مكتوب في الفاتورة
مشكلتي نفس مشكلتك بالضبط النتعه بين التغييرات
بخصوص البرمجه ما سألته عنها
بروح لهم الويكند هذا وأشوف وجزاك الله خير نبهتني عن هالنقطة


up 2 down 0
, وع ـدك متى , 265
قبل سنه و شهر



ان شاء الله الشغل سليم الطقات او النتعه او التاخير ممكن تكون من مخ القير يكون الزيت متجمع
بدل القير من وضعية الريوس للوقوف اكثر من مره وتختفي باذن الله ولا تحتاج للتغيير زيت بس تاكد ان الزين نوعيه جيدة
وخف رجلك ولا تدبل الدعسه وانت بالسليم


up 2 down 0
shalsh 321 49
قبل سنه و شهر



ماش ماجربته زين سافر عليه ورح وتعال  خل اذا فيه بلا يطلع
ترايستار يقول ١٠ في الميه من اللي نوظب قيورهم يرجعون.   مافيه شي مضمون.  فافضل لك تطلع عليه مشاوير. وتخلي كل ذي خبره يجرب
حتى لو تمر بعض الورش تقول جربوا القير احس فيه بلا
وقد يخالفني البعض لكن قبل الضمان ب١٥ يوم.  مر ترايستار وادفع ٢٠٠ احسن من ماتدفع اكثر.       وخلهم يفحصونه.   
خسرت مبلغ وقدره لاتخسر اكثر. ربما دفعك لل ٢٠٠. سيكشف لك اشياء ويوفر عليك. مبالغ.   تخيل الله لايقوله بعد الضمان بشهر صار شي
وهذي صارت لأخوي في مكينة كامري بس دفع ١٠٠٠    ووظبوها من جديد والا كانوا قبل رافضين بس اخوي نشب لهم وقال ماحركتها
الا قليل 


up 1 down 1
عبدالله الشفيعي 1444
قبل سنه و شهر



الله يعطيكم العافية حقيقة معلومات كنت أجهلها عن التوظيب خاصة القير
لكن بإذن الله اليوم أبو بكرة بجرب أمسك خط وأمشي على سرعات مختلفة أشوف كيف الوضع
لأن الجد من يوم وظبته ماتعديت 120 وأخاف مثل ماقال أخوي عبدالله الشفيعي تظهر لي مشكلة بعد التوظيب
عاد الضمان عندنا إسم فقط ولا فيه التزام فيه الا من رحم ربي حتى في الوكالات مو الورش بس


up 0 down 0
, وع ـدك متى , 265
قبل سنه و شهر