ماهي افضل طريقه لتغير زيت القير ؟

لاتغيره بالذات اذا كانت سياره الوالد لانك بتعطله وتبلشه اذا خرب خلها
زي ماهي لان سيارات كبار السن تحصلها ماشيه بالبركه ههههه
اما حنا سياراتنا لو نشتريها جديده ونشيك عليها تخرب :(
نصيحه خلها على حالها لاتتعبث فيها وتجيب العيد بسيارته عاد وش يفكك منه هههه
بيقلب الدنيا عليك

طال. عمرك. اسمع. الكلام. غير. الزيت. مع. الفلتر. لكن. يوم تغير. الزيت.  لا. تظغط على. السياره. على. مهلك. كانك تو. موضبها.  غيرت.  الزيت. لفورد.  وغيرته. ل. اوريون.  وكامري.  والحمد لله. تمام.  لكن. اهم. شي.  الزيت. اصلي.  مع. الفلتر.  وَذَا. م. غيرته بيعدم. القير. لنو. الزيت. محروق. 

انت عاير الزيت اذا لونه وردي او بني خفيف وشم ريحته اذا مافيه ريحة حرق فالزيت ان شاء الله كويس لكن اذا لونه اسود وريحة الزيت محروق لا تغيره

غيره فالوكاله فقط فقط فقط المسئله ماهي مسئلة افضل زيت لازم يكون الزيت المناسب لنوع قير السياره فقط

حسب ما اعلم اذا زيت القير له فترة طويلة ماتغير فافضل طريقة تغير علبه علبه كل شهر حتى ماتحرق فحمات الكلتش وتضر القير يعني فرغ حق عبلة واضف علبه جديدة وبعد فترة كالمثل وامش عليه مسافة لين يختلط القديم بالجديد وفض وعب وهكذا حتى ينزل كل القديم ويبقى الجديد ومن بعده خلك كل 6 شهور تغير فلتر زيت للقير مع زيته وكذا تحافظ ع القير من دون اي مشاكل

خاصة الجي ام نصيحة زيت القير لا تقربه ولاتجيه عايره اذا تمام اتركه ولا تقربه اغلب اللي غير الزيت مشاكل بالتعشيقات وبعدها يضرب القير

أخوي المثل يقول لك إسال مجرب ولا تسأل طبيب
كان عندي يوكن 2004 وغيرت زيت القير والسيارة كانت ماشية فوق 200 ألف
غيرت الزيت وفي البداية ماشي كويس وبعد اسبوع طق القيرر عندي مع العلم إني ما شديت على الموتر ولا شيء
فنصيحتي لك لا تغير الزيت مادام إن الموتر ماشي وغياراته ممتازة مثل ما قالو الاخوان عاير الزيت فقط
وأسف على الإطالة

اذا مصمل تغير مع اني م انصحك المطلوب منك تغير بالزيت المطلوب للسيارة نفسها مو اي زيت قير
وتغيرة مرتين الى ثلاث مرات .. تغير المرة الاولى وتمشي كيلو بعدين ترجع تغير الزيت وتمشي نفس اول مرة
وتغير المرة الاخيرة .. السبب عشان بقايا الزيت القديم يروح كله والكلام هذا موجود له شرح باليوتيوب اسهل لك

والفلتر شيء بديهي تغيرة اكيد

مشكورين جميعا ماقصرتو

اهم شي بعد ماتتاكد من كل شي

عند التغيير ووضع الزيت الجديد 

حرك القير على كل النمر 
وخلي على كل نمره كم ثانيه

وكرر مرتين ثلاث

خليك على كلام هاوي مجرب هذه الطريقه 
كل كم اسبوع الى شهر حسب مشيك اسحب علبه وعبي بديلها لمدة 3 الى اربع مرات 
بعد ماتعمل الطريقه هذه 3 الى اربع مرات غير الزيت كامل الزيت فقط بدون المخ حق الجير او الدفرنس الي تبقى تغيره 
الفائده هنا الغيار بالتدريج حتى تتعود التروس على مراحل بلزوجة وتغيير الزيت لكن الغيار الكامل المفاجى للممشى الكثير يودي الى تلف التروس 
هذه الطريقه مجرب بجمس نفس موديلك 
وبعدين لكل 50 الف كيلو او اقل منها او اكثر بقليل غير زيت بدون تدريج مره واحده لايضر
تحياتي

عند الغيار حافظ ان يكون المعيار لايزيد على الحد الاعلى عند قياسك له والسياره مستويه لان الزياده ياخر ويتعب النمرات لو زاد اشفط الزائد 
الان غير بطريقة الشفط في البناشر عندهم جهاز شفط والزيت في نوع اعلى من بالبيد متوفر عند البعض
 اضن فوكس.. وبالبيد ياتي بعده وهو متوفر بكثره