هل الجمس سوبر بان تنفع للخط مسافات طويلة

بحكم إني صاحب جمس
صحيح مريح في الطريق والسفر معاي جمس دينالي 2001 وله معاي 6 سنوات
للخطوط الطويلة والسفر المستمر ماينفع لأنه رايح يكلفك في الصيانة
والبنزين الفل بـ 60 ريال يمشيك حسب سرعتك واستخدام المكيف من 450 إلى 550 كيلو تقريباً
الأفضل الموديلات الحديثة يعني فوق 2009 اذا السرعة تجاوزت 120 في نظام يخفف من إستهلاك الوقود
والحين حسب مايشاع خلال هذا الشهر راح يرتفع البنزين 30% والله يدلك على مافيه الخير يابو سلطان

السوبربان للخطوط الطويلة يكفيك ٨سلندر وسع ورساوة 

عندي واحد مخليه للسفر موديل 2000 الحمد لله ماشفت منه الا الخير ياربي لك الحمد قطع متوفره ورخيصه ولابد انك تحافظ عليه وادخل فيه البر

هو اصلا معد للخطوط الطويلة لكن بحكم قدم موديله قد تحتاج قطع غيار له بالاضافة الى انك اول ما تشتريه وتتاكد من نظافته غير كفرات وزيوت وسييور ودينمو وشدادت وفرامل وسلف يعني انفض ام امه وسافر ومالك الا العافية ةبعدين غير زيوتك والاستهلاكيات من وقت لاخر حسب الممشى والحاجة والله يوفقك دائما

ربي يسعدك أحبتي الكرام
وشكراً لكم جميعاً على تفاعلكم

بس في شي ما ذكرتوه باستثناء الأخ في اول تعليق
وهوا صرفية البنزين
هل في فرق كبير بينه وبين السيارات الاخرى

هذا الشي الي مخوفني
بحكم ان سعر البنزين باليمن غالي وفي السعودية على وشك الارتفاع

وشكراً لكم مره اخرى

شوف يابو سلطان الجمس ما يعلى عليه في السفر والخطوط الطويله ولكن لا تحمل فوق طاقته اقصد العفش فيه ناس اشوفهم يركبون عفش لحد مترين فوق السيارة ومن جوة السيارة مليان عفش وهذا بيتعب القير الاوتوماتيك ان كان بتحمل عفش كثير فخذ تويوتا افضلك وان لقيت موديل قديم يكون سست افضل وخله للمكده
موفق

هو اصلا مصمم للخطوط الطويلة والتحمل اكثر من الاستعمال داخل المدينه بحكم كبر حجمه كان عندنا واحد موديل 99 والله ماشاء الله من ابدع مايكون سيارة ادت اداء بططل معنا لمدة 17 سنه وقطع غياره رخيص جدا وصيانته سهله والقوة فيه عزم لا اله الا الله والله يالياباني ماياكل معه عيش خصوصا في الخطوط والطلعات وصرفيته جدا ممتازه يعني من الدمام للرياض اقل من نص التانكي كان يمشنا تقريبا مع المكيف 750 كيلو على سرعة 130 وطبعا موديل ال99 غني عن التعريف ومن افضل الموديلات الي جت ع السوبر بان بس اهم شيء خذ الدبل تانكي كبير واستمتع

خذ لك جمس غمارتين ليه تاخذ صالون 

اخوي الله يرزقك ان شاء الله هذا اول شي
بحكم اني مجرب الجموس من 7 سنوات وكادها خطوط طويله
بعطيك تجربتي .
اول الجمس الي تبي تشريه كم حجم المكينة
فيه حجم صغير وكبير وفيه دبل وبدون دبل
بعد عندك الحجم الصغير بدون دبل يجي 5 مسمار الكفر
هذا النوع انا جربته خفيف مايعرف الصرفية ابد تمشي بدون مكيف
وقت البرد يمشيك 900 كلم بشرط السرعه ماتتعدى 120 والسيارة ليست محملة بعفش
فوق التنده تمشي 140 / 160 يمشيك حول 750 الي 600 حسب سرعتك
المكيف شغال وقت الصيف ومسرع يصرف يمشيك حول 550 كلم
لكن هذا النوع بدون دبل وحجم المكينة صغير فيه عيب ونا عانيت منه
اذا حملت السيارة بعفش فوق التنده والركاب معبين السيارة
يطيح عزمه وتحس الموتر بالمشي ثقيل وحتى الدعسه الفجائية لمن تدعس
يحن حنه ويقبلها لكن تحس الموتر ثقيل
النوع الثاني 6 مسمار للكفر ومكينته تجي اقوى منه وفيه منها دبل وبدون
وقوته مناسبه وصرفيته كذلك حسب السرعه وتشغيل المكيف
النوع الاخير والي انا حاليا معاي واحد مثله
يجي 8 مسمار للكفر ومكينة كبيرة حجم 6 لتر
هذا انا 2 سنتين اسافر عليه قوي جدا مهما حملته مايطيح عزمه
حتى لو تسحب لك بالخلف عربة جر لانه مصمم للجر والعزم القوي
لكن يصرف بنزين كثير اذا السرعه عاليه ياكلك اكل لكن السرعه ماتتعدى 120 لاباس
لكن صرفيته لاتقارن مع الحجم الصغير
انا حاليا راكنه فقط لسفر وطلعات البر للعائلة فقط
لان حقيقه داخل المدينة يصرف فله 120 اذا لمبته مولعه بنزين اخضر
لكن من ناحية الراحة مع الطريق جدا مريح ولاتحس بالخط غير متعب
واذا كان دبل يهقويك ونت مسافر توقف يمين الخط ماتخاف من الغراز
الي معاي مديل حديث 2008 .
امل اني افدتك والسلام عليكم