أضف سؤال أو موضوع جديد          

السوبربان 8100

up 1 down 2
عاشق ال 90 128
قبل سنه



السلام عليكم ورحمة الله وبركاته...

اخواني عندي استفسار عن الجمس واتمنى من اهل الخبره الافادة....

ابي اشتري جمس سوبربان 2004 الى 2006 طويل طبعا

لاكن شفت حجم 6100 و 8100 والمشكلة انهم نفس الشكل الخارجي بالضبط...! كلهم جنوط 8 مسامير

ابي اعرف كيف افرق بينهم؟؟ هل فيه اختلاف داخلي بالطبلون او العدادات او خلافه...

واخيرا وش تنصحوني ب 6100 ولا 8100 ؟؟

طبعا ادري بتقولون بدري توك تشتريها البنزين غاااالي وذي تشرب شرب موب صاحي لاكن الشكوى لله ارغب في هذي المديلات بسبب راحتها وعمليتها,,يكفيكم الداخلية كنب موب مراتب..



.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالفعل ممتازة لكن هل تحتاج هالنوعين لعمل ثقيل تقوم به
الافضل تاخذ الاصغر مكينه 1500 تقريبا يسحب كرفان ادبوزن 7 طن تقريبا


يكفيك اذا ما تحتاج الاكبر منه
على فكرة ال 8 مسمار قاسي وغير مريح

انا مجربها كلها


up 6 down 0



اخوي الحميدي ..
اكيد ال 1500 اريح ، بس برضو الثمان مسامير ممتازه خاصه اذا ركبت لها كفرات ميشلان العريضه فالخط الصراحه مريحه
وعندك التانكي كبير الصراحه أنا مشيت من الجنوب إلى جده على تانكي واحد ماشاء الله .. وماينزل من ورا خاصه لاتحمل ومنظره الصراحه ابداع
.. اخوي أنا انصحك ب 6100 ، ممتاز الصراحه وكلها ماتفرق اما ال 8100 مكينه اكبر شوي ما بتلاحظ العزم يفرق كثير وانا مجربها ال 8100 يخص
أهل السحب ، اذا انت من اللي يسحب وراه كرفانات ثقيله فانصحك فيه ولا فيه ذاك الاختلاف اما ال8100 عن شهاده ناس اعرفهم
يقولون يشرب كثييررر ، ومبروك مقدماً والله يرزقك بالسياره اللي تتمناها


up 3 down 0
أبحر غلاك 32
قبل سنه



8100 يتعبك في قطع الغيار ونادر تحصل القطع
ومشاكله في القير يبهذلك خصوصاً اذا كان فيه
دبل بحكم المكينة كبيرة  ،، نصيحة اخو جنب عنه ..
والله يسير لك الموتر الطيب ،،


up 2 down 0
al wafi 777 21
قبل سنه



عيب ال٨ مسامير ثقيل عكس ال٦ مسامير خفيف     طبعا فالخط ال٨رمسامير افضل بحكم المحرك والقير اكبر 


up 2 down 0
stecker_gm 180
قبل سنه



معنا ١٥٠٠ وصاحبي كان معاه ٢٥٠٠ والله ماشوف انك تشتريه للعزم لان عزمهم متقارب
ماله داعي للخساره وصرفيه بينهم ملحوظه والحراره لصالح ١٥٠٠ لصغر المكينه


up 2 down 0



انا معي مكينة 6100 السيارة تناقز بحكم انها على سست وثاني شي التانكي سعتة 140 لتر وعلى بنزيم 91 يطلع الفل تقريبا ب117 فكر فيها زين لاكن بالخط والبقوة والعزم والشكل لايعلى عليه لاكن هذي ملاحظاتي عليها 


up 1 down 0



اهم شي تعرف انت ليش تبي تشتريه
انسان تبي استخدام طبيعي خذ 1500 بدون نقاش
انسان تبي تستخدم استخدام قاسي ومشاريع خذ 2500
لان ال 8 مسامير للاستخدام الشاق

HEAVY DUTY


up 0 down 0



واحد من العيال مع ابوه واحد موديل 2006 مدري 2004 مكينة 8100 يقول عزم لا يعلى عليه ومخزن ماشاء الله لكن اكيد يشرب بانزين شرب لكن اول ماتسمعه رجلك ماتسمع غير فحط الكفر ولسانك يقول حي الولايات المتحدة الامريكية مكاين الفي ايت والدفع الخلفي الطرب هههه


up 1 down 2



أنصحك كان معي 8100 
عيوبه البنزيم يبي لك تنقل محطة بنزيم معك 
لاكن في الراحه بطل لو عندي سياره صغيرة مابعته 


up 1 down 0
محسن1990 39
قبل سنه



ال8100 لو كنت من اهل الشرقيه والرياض قطعه موجوده زيه زي غيره بس لو كنت مكان ثاني انسى تحصل

الموتر معروف والمعرف لايعرف هذا رحال اسمه ومعروف بقوته ند الجميع وخرابات انسى لاكن بنزين بتموت وانت تعبيه من قوه الصرف


up 1 down 0
bo3mad 71
قبل سنه



8100 ميزته في السحب والتحميل وهو يجي مقاس 2500 فقط

5.3 مقاس 1500 ممتاز كعزم و وراحة واريح من من مقاس 2500 ايا كان النوع




up 0 down 0
asalami 2043
قبل سنه



انا اشوف 1500 ممتاز مكينته قوية ماشاء الله وقيادته ممتازه وخفيف وشكله جميل طق له بس جنط 2006 اذا كان غير هالموديل ولا جاء نظيف وشف وقفته

وفي نفس الوقت يعني بتشتري 8100 وش بتسوي به صرف بنزين وقطعه تختلف وحالتك حاله


1500 في كل شارع وسكه تلقاه وممتاز ومعروف ويقوم بالواجب وزيادة ابوي شايل عليه سرابيل قهاوي واكياس سكر الكبار من مكة جايبها للرياض وماشاء الله مانزل تراه يقوم بالواجب ما انصحك تزيد عنه يعني بتقنعني بتسحب كرفانه مثلاً اقصاها قلص ودباب

وهذي حتى جيوب تويوتا الصغار تسحبها


up 0 down 1
a.ibrahem 2789
قبل سنه