أضف سؤال أو موضوع جديد          

حرارة الترانسميشن زائدة

up 2 down 0
ابو مشاري29 6
قبل سنه و 8 شهر



السلام عليكم 




ياجماعة الخير ابي فزعتكم عندي يوكن 2006 اشغلتني كتابة في الطبلون حرارة الترانسميشن زائدة  فحصت كمبيوتر للقير ويقول كويس وغيرت زيت القير والفلتر ونفس المشكلة  والغريب اني اوقف السيارة ثلاث واربع ايام واشغل السيارة على اساس تحتمي اجي القى نفس الكتابة موجودة وانا مامشيت وتبديلات القيرة كلها ممتازة  
وملاحظة احيانآ تطلع هالكتابة وانا امشي تقريبآ100 واحس الموتر يشحط كانه رجع نمرة

اللي عنده معلومة لابخل علينا وجزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي هذا قير ماينصبر عليه.   مر ورشه وافحص ممكن حساس ممكن شي اخر.   ماراح اسألك عن الزيت.   


up 1 down 1
عبدالله الشفيعي 1427
قبل سنه و 8 شهر



شوف الرديتر من الخارج هل هو مسدود


up 1 down 0
اسعد حسين ابونجا 13
قبل سنه و 8 شهر



مريت ثلاث ورش وفحص كمبيوتر والقير سليم والحساسات مافيها شي 

بس اللي قاهرني كيف تطلع وانا اصلا ماحركت الموتر بس شغلته بعد خمس دقايق تطلع 


لكن ابجرب كلام اخوي سعود15 وابغى اغير المبرد




up 0 down 0
ابو مشاري29 6
قبل سنه و 8 شهر



إحتمال يكون فيه غبار و قش متراكم و منحشر مابين أديتر الماء و مبرد القير.

روح محل أديترات و خله يفك أديتر الماء و يطلعه برا و ينظفه من برا و يجيب هوز ماء و ينظف مبرد القير من برا ، لا يفك مبرد القير بس ينظفه من برا وهو مكانه.


up 0 down 0
461
قبل سنه و 8 شهر



مبرد زيت القير

تحصله خلف علامه GMC الي في الشبك وقدام رديتر المكيف

حجمه مثل الايباد تقريبا

تحصله مسدود او ماسك له كيس

الحل غيره وان شاء الله يضبط


up 0 down 0
asalami 2084
قبل سنه و 8 شهر



مشكلتك في مبرد القير ونصيحة لا تشد عليه حتى لا تنعدم الكلتشات وتخسر القير وتدخل في موضوع التوضيب


up 0 down 0
shalsh 321 51
قبل سنه و 8 شهر



كم حراره القير عندك .. لو فوق 120 درجة مئويه وقف الموتر وريحه ولو الحراره مستمره شيك على مبرد القير يجيك بداخل الردايتر تغييره ما يكلف250 ريال مع شغل اليد


up 0 down 0
مستريح البال 1 1788
قبل سنه و 8 شهر



ياخوان كيف اعرف كم وصلت حرارة القير ؟؟

الكتابة تطلع حرارة الترانسميشن زائدة وبس مافيه رقم للحرارة 


up 0 down 0
ابو مشاري29 6
قبل سنه و 8 شهر



الله ييعينك

وافنا بالنتائج يابو مشاري


up 0 down 0
صالح الوليدي 17
قبل سنه و 8 شهر



من مشاركات الأخوان ما عندك الا حل واحد وهو
التشييك على مبرد القير ...قد يكون به اوساخ فيلزمك تنظفه 
او به مشاكل اكبر فيلزمك تغيره ......والافضل ما تحرك السياره كثير
حتى لا يتأثر القير .....وتصير المشاكل والخساير اكثر 
وموفق ويا ليت تعطينا اش سويت ليستفيد الغير 


up 0 down 0
لا للغلاء 584
قبل سنه و 8 شهر



الله يعطيكم العافية ويجزاكم خير 

على هالمعلومات والتعاون منكم 


اليوم رحت للورشة طبعا المكنياكي سعودي وقفته عنده 

يقول ابغى اشيك على المبرد الخارجي ويقول فيه واحد داخل 

المهم يقول افحصهن وانظفهن ونشوف اذا احتاج تغيير غيرته 

وسلامتكم 
وبكرة ارد لكم خبر 


up 0 down 0
ابو مشاري29 6
قبل سنه و 8 شهر



سويت فحص على المبرد الخارجي والداخلي وكلهن سليمات 

وصارت المشكلة التماس في الظفيرة 

والحمد لله ضبطت

وجزاكم الله خير


up 0 down 0
ابو مشاري29 6
قبل سنه و 8 شهر



السلام عليكم ورحمة الله وبركاته..مساء الخير ..الله يرزقك الجنه. عطنا رقم الورشه ولا وين محلها


up 0 down 0
birds _95
قبل سنه و 2 شهر