سار لي حادث ونسبة تحمل غريبه موضوع للنقاش

غريبه ولا رد شاركوا ياشباب 

مرحبا يالغالي والحمد لله عل السلامه
نظام المرور دايما كذا اللي بالخلف مخطأ 100%
بس الحمد لله اشوفها نسبه عادله ولو كانت 50/ 50 افضل لان الحكم على الحادث صعب (حسب روايتك الخطأ على اللي قدامك ميه بالميه بس المرور صعب جدا يحكم بالظبط عشان كذا يخطئون اللي بالخلف بحكم انه مسرع وماترك مسافه )
وجهه نظر شخصيه اتمنى تتقبلها والحمد لله على السلامه مره اخرى

تستاهل لايك والله وجهة نظرك واحترمها 
واشكرك على ردك 
فعلا النسبة صعبه تقديرها وانا ماعندي مشكلة 
المسافة كانت وسط وقربت من مسكة الفرامل فرمل بقوة
باختصار كان يبيني اصدمه من الخلف

أولاً: الحمد لله على السلامة ومعوض خير بإذن الله
بالنسبة للحادث: معرف في قانون المرور اللي صادم من الخلف تكون النسبة الأكبر من الخطاء عليه
بسبب عدم ترك مسافة أمنه بينه وبين السيارة التي أمامة

انا تعديته جيت من يساره وهو حكني فقط في الباب الخلفي الايمن 
ماصدمته من الخلف هو متأخر عني

لا تزعل مني لو تركت مسافة كافية بينك وبينه كان قدرت تتفادى الحادث

حبيبي صار لي حادث نفس الطريقه اللي كان وراي يبي افتح له الخط وكان حاط الصدام بالصدام وجت الدعوه عناد قلت ماراح افتح له خط شوي ويصدمني
المهم وقتها كنت مركب كاميرا تصوير اماميه سعرها رخيص ب 200 ريال وكانت الفكره اسجل اللي يحصل في الطريق لتسليه ولكن جت بوقت حلو
بعدها تعداني من اليمين وجاء قدامي ومسك فرامل متعمد وصدمته ووقف ونزل يهاوش ومعصب وانا بارد وسويت نفسي انا المخطي وقال بتصلح السياره قلت ابشر
عشان لاتكبر السالفه جاء المرور ماعندي تامين وقال كيف الحادث قال هذا مزعجنا يكبس بالنور وانا ماقدرت افتح له الخط وفيه سيارات قدامي وهديت وصدمني وابيه يصلح سياراتي
مسكت العسكري وقلت السالفه كذا وكذا وعندي شاهد عالحادث هذا متعمد اني اصدمه
وخذيت الجهاز وشاف كيف صار الحادث والعسكري ماقصر تكلم عليه وحط الخطاء 100 بالميه عليه وانا وقتها رفضت اتنازل ودفع 2850
وصلحت موتري والحمدلله لولا الله ثم الكاميرا كان حقي ضاع
انصحكم ياشباب تركب كاميرا تصوير والله مفيده وتحفظ حقك بعد الله وسعرها رخيص 200 ريال بس
لو صاحب الجمس معه كاميرا كان انقلب السحر عالساحر وصار الخطاء عليه لان في التصوير يبان الخط مطغيه زحمه او الطريق فاضي
وسلامتكم

الحمد لله ع السلامه في الحديد ولا فيگ...
وانا اخوك قد صار لي مثلها في واحد اجنبي صدمته من الركن الخلفي
يمين
جاء نجم وقال الغلط علي 100℅
طبعا حتى لو مسك بريك وهو قاصد تصير عليك بحجه (انه كذا النظام)
المهم خوينا اللي صدمته وقف وطقيته من ورا وكان يرتعد خوف
المسيكين خايف من ساهر وقف والاشاره خضرا ههههههههه :)
مادري وش اقول لكن الله يعوضنا جمييع وصار الغلط علي 100%

الا تقول اخوي كاسبر
منين شريت الكاميرا والله انها فكره بطلله ؛وكيف ركبتها
+ لو اقدر احط لكم لايكات كان حطيت بس للاسف
ما اقدر الين اوصل ٣٠ نقطة

والله نحتاج لتركيب كاميرات بالسياره تضمن حقنا 

نسبة الخطاء عليك مرتفعه بسبب عدم اعطاءك مساحة كافيه للسيارة الي امامك لتلافي التوقفات المفاجئه وانت جاي من الخلف فالخطاء مرتفع عليك

يا أخي لا تكون انت من اللي يلحمون في الناس من ورا ويكبس النور العالي عشان يفتحله الطريق

هذا التصرف غير سليم

لا والله هذي اول مره تسير معي كذا وكان معي عايلة 
الصراحة انا كبست بالنور مرتين وبعدها مشينا مسافة  والسيارات تتجاوز من يمين من اول
وسرعة الخط 120 وهو ماشي 80 ومعي جمس مرتفع 
شكله تضايق من النور وكبس فرامل 

حمد الله على سلامتك اولا ...نظام المرور فى العالم كله يعطى الخطأ على القادم من الخلف مهما كان الحادث لانه يستند على انك المفترض تسيب مسافه امنه انا كنت فى اشاره والطريق يمشى بهدوء ووقف واحد مره واحده وصدمته من الخلف وهو توقف فجاه وجاء نجم وحملنى 100 % للاسف ... احمد لله انها بسيطه والله يعوض عليك

الكاميرا موجوده واللي يبي منها يتواصل معي 0501133933 تحتاج ذاكره تشتريها من محلات الجوالات
وميزتها انها اذا صارت فل تمسح مقطع قديم وتسجل من جديد بدون ماتتدخل انت وتشبكها عالولاعه ويجي معها مثبت عالقزاز الامامي يعني ركب وانسى همها هي تصور وتسوي كل شي

لا تعب نفسك الغلط عليك من جهت الراكب الغلط الاكبر عليك