أضف سؤال أو موضوع جديد          

مشكلة في مكينة الجمس خبرتكم يا أهل الأمريكي

up 4 down 1
nader2002 1662
قبل 5 سنه و شهر



السلام عليكم ورحمة الله وبركاته
كيف حالكم زملائي أعضاء منتدى حراج عساكم بخير، آسف على الإنقطاع الطويل عن المنتدى لظروف خارجة
وابشروا إن شاء الله بالمواضيع اللي تعجبكم.

اليوم بغيت استفسر منكم اللي عنده خبرة بمشاكل الأمريكي
صارت لي مشكلة بالجمس ، من فترة كنت ماشي بخط سريع إلا واسمع صوت احتكاك حديد داخل المكينة
ولما وقفت اسمع صوت طقطقة ودخان خفيف يطلع من الشكمان

وخليته واقف فترة والحين جيت اشغله مافيه اصوات لكن الدخان لازال موجود
وأنا حركته ابي الحق على الفحص الدوري قبل ماينتهي التأمين عشان اجدد الإستمارة
عشان كذا حطيت زيت وقف الدخان يباع بساكو نفس اللي بالصور لكن بدون فائدة

وفشلوني بالفحص عشان الدخان وعشان ذراع دودة الدركسون قالوا تحتاج غيار

مع العلم طرمبة الزيت ضغطها ممتاز،
وفيه واحد يشتغل بمحل قطع غيار امريكي يقول فيه ورش تسوي مادة داخل الشكمان ويروح الدخان !
هل كلامه صحيح؟
ووين افضل ورشة امريكي بجدة ؟ لأنه مثل ماانتم عارفين صناعية شبك المطار قفلت كل ابوها

آسف على الإزعاج وجزيتم خيراً









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الشيء الي اقدر افيدك فيه

ان اللغه الحاليه في الطبلون ماهي انقليزي طريقه التغير سهله اذا الدركسون بدون ازرار


up 1 down 0
asalami 2180
قبل 5 سنه و شهر



والصناعيات في جده مليانه

الأمير متعب
شارع الاسكان
شارع بني مالك
المعارض جنوب جده
كيلو 2
شارع صاري غرب دوار الفلك



up 1 down 0
asalami 2180
قبل 5 سنه و شهر



هلا اخوي asalami شلونك عساك طيب

واضح انك فاهم الموضوع غلط :) انا ابي حل لمشكلة خروج الدخان من الشكمان بأسرع وقت وأقل تكلفة ممكنة
تحياتي لك ياغالي


up 0 down 0
nader2002 1662
قبل 5 سنه و شهر



عارف مواقعها لكن أغلبهم عليمية ويبون يشفطون مافي الجيب

انا ابي واحد خبرة يحل المشكلة بأقل التكاليف لأنه اغلبهم يقولك توضيب


up 0 down 0
nader2002 1662
قبل 5 سنه و شهر



هلا حبيبي حياك الله... الحمد لله بخير


لا فاهم موضوعك... لكن ما اقدر افيدك فيه بشيء

الصوره الي في الموضوع الكلام الي فيها مكتوب بالاسباني.. وقلت اذا تبي مساعده في تغيره راح اعلمك


up 1 down 0
asalami 2180
قبل 5 سنه و شهر



اغلب الضن انه توضيب.. السبب انه طلع لك صوت

لو كان بدون صوت كان ممكن جلد بلوف... او شنبر ضعيف

معلوماتي في التوضيب ضعيفه ويجي الي يفيدك ان شاء الله


up 0 down 0
asalami 2180
قبل 5 سنه و شهر



مشكور اخوي asalami ماقصرت يالغالي


up 1 down 0
nader2002 1662
قبل 5 سنه و شهر



اتوقع ان عندك طرمبه الزيت فيها مشكله لأن الأمبير لازم يكون بالنص 
شكلك تستخدم زيت ثقيل 
المهم عندك ورشه الجندول اللي بتقاطع صاري مع السلامه 
مقابل مكتبه جرير 
عندك حاتم وبلال 
ممتازين واسعارهم طيبه 
وان شاء الله مشكلتك بسيطه 


وبالتوفيق 


up 1 down 0
al 3oomda 75
قبل 5 سنه و شهر



أخوي العمدة أنا استخدم زيت خفيف حسب الموصى في دليل المستخدم
واللي اعرفه انه كلما كان مؤشر ضغط الزيت أعلى كان أفضل

ومشكور ماقصرت وراح اشوف هالورشة إن شاء الله والله يسمع منك وتكون المشكلة بسيطة


up 1 down 0
nader2002 1662
قبل 5 سنه و شهر



revisar sistema frenos = check brake system
شيك على نظام الفرامل يمكن فيه مشكلة


up 1 down 0
temo2016 -25
قبل 5 سنه و شهر



نعم أخوي temo2016 فيه مشكلة بنظام مانع انغلاق الفرامل ال (ABS) كعادة الأمريكي

مشكور على الترجمة ماقصرت وشرفني مرورك يالغلا


up 0 down 0
nader2002 1662
قبل 5 سنه و شهر



ضغط الزيت الي بالصورة غير طبيعي  ! 
وهل قبل يطلع الصوت كان نفس الظغط  ذا ؟


up 1 down 0
الاش 621
قبل 5 سنه و شهر



هلا اخوي معليش على الرد المتأخر لقلة دخولي للمنتدى
الضغط من يوم شرينا الجمس وهو بنفس الحالة وفيه عضو مشهور هنا في المنتدى قبل فترة شافه وقال الضغط ممتاز

المشكلة الحين مهي بالصوت لأنه اكتشفنا ان سبب الصوت هو انقطاع سير الكمبروسر وكان يخبط بالسيور الثانية والمكينة
عشان كذا كان يطلع صوت لكن المشكلة الحين بخروج الدخان لما ادعس بقوة وش السبب للحين ماعرفنا


up 0 down 0
nader2002 1662
قبل 4 سنه و 11 شهر