مشكلة في جمس يوكن ارجوا الدخول

اذا كنت ماشي في الطريق وظربت في حفره او مطب وانت ماشي بسرعه

هل تحس انك تفقد السيطره لثواني بسيطه او لا

يعني تحس ان السياره اختلت يمين او يسار

اذا نعم مشكلتك من ذراع الدوده وذراع الشاص فيها فضاوه وتحتاج تغير

القطع الاصليه غاليه تكلفك حدود 1000 ريال

انا ركبت امريكي وكان ممتاز بدون مشاكل ولله الحمد

طبعا بعد التركيب تحتاج وزن اذرعه

اكلمك من واقع تجربه لنفس السياره

مرحبا بك اخوي 

والله ياخوي مااذكر اني اكلت حفرة او مطب واختل 

التوازن .. لاكن فرضا طلعت المشطلة من ذارع الدركسون

هل الي تقصدة الي يجي نصه داخل بالغمارة 

ونصه برا الغمارة 

وذراع الشاص اول مرة اسمع فيه وين موقعه 

والله يعطيك العافية 

المشكلة عفوا * 

والله انها بجمس الوالد ولها اكثر من سنة ومالها ضرر اتوقع انها جلدة

والصوت تسمعه جوا السيارة ف نفس الدركسون ويكثر مع الحفر وخاصة اذا كنت تمشي شوي شوي ولاف الدركسون

اذا مثل الوصف اخ فيصل فهو برضوا من ذراع الدوده والشاص ( صوت طقطقه ع الخطوط الترابيه وتحس ها الطقطقه في الدركسون )

موقعها ع الذراع الطويل وهي المسؤوله عن تحريك الكفارت يمين ويسار


اكتب في قوقل ذراع الدوده وشوف الصور

اذا تحس الطقطقه بالدركسون من جهة الطبلون يعني قريبه يعني عامود دركسون ويجي بالكبوت يربط مابين الدركسون وقير الدركسون

واذا طقطقه خارجيه بالعضلات شوف ذراع الشاص ويجيك ماسك بالشاص من جهه والجهه الثانيه باذرعه الدركسون ورى الرديترات

على اليمين ...بالجهه اليسار تشوف قير الدركسون او العلبه ومشبوك فيها ذراع الدركسون ... هالامور يصير فيها

فضاوه مع الوقت وتطقطق واي ميكانيكي شاطر يكشف عليها

لا تهمل الموضوع لان هذي مجرد احتمالات ممكن المووضوع يوصل للجوزات او الركب وخطير تمشي عليها كثير.

اذا طقطقه مع اللفات او المطبات الصغيره وتسمعها داخل الدكسون جهة البوري  مافيها ضرر بس مجرد صوت في بعضهم يشحمون عمود الدركسون ويروح الصوت انا جات المشكله وغيرت بلاستيكه من داخل الغاماره فوق دعسة البريك لونها فضي هي تسوي هللفضاوه غيرتها وراح الصوت تماما 

بلاستيكه تمسك عمود الدركسون من الداخل سعرها تقريباا 200 بس شيكك على الموتر الأول 

مرحبا اخوي عبدالله 
نعم اصوات القطقة في الدركسون فقط وان شاء الله احاول 

اكشف على الذراع 

ومرحبا اخوي جنتل هاذي القطعة ممكن اسمها او رقمها 

ووين احصلها 

والله يعطيكم العافية جميعا 

القطعه والله مدري عن رقمها لكن هي ورى دعسة الفرامل تمسك العامود من الداخل لونها فضي كذا رصاصي اللي له خبره يعرفها انا غيرتها عند كهربائي والله ييسر امرك 

عمود الدركسون يحتاج تغيير

أنا معي جمس 2005
رحت مهندس دركسونات

الطقطقة من العمود الي بالطاره إلى الدوده
هاذا ماله ضرر بس مجرد صوت

حياكم الله أهل حراج زمان عنكم الله يرحمنا
طلعت المشكلة من العمود اللي يربط من الطاره الى الدودة
غيرته وانحلت المشكلة طبعا الكلام ذا قبل ٦ سنوات
مافضيت ارد الا الان مع السلامة
الله يحفظنا ويحفظكم